أبحث عنك في روحي

بارت 5

السلام عليكم
*********

#بقلم/ الكاتبه/ سانسا
***************
سيلا،،،،مددت عل جربايه وافكر ب احمد واخذتني النومه وحسيت علئ ماما اتكعدني وكمت غسلت ونزلت جوه اتريكت وبلشنه ترتيبات الأستقبال وكملنه طبعآ اليوم بس مشيت الزلم وبعدين العقد وكملنه ورتبنه البيت وسويت غده تمن وباميه عليها اضلوع وطفيت الطباخ ورحت سبحت وكملت لبست اتراك نيلي وطلعت من الحمام ونزلت يم ماما بل مطبخ واشوف خاله ام احمد جايه سلمت عليها وكامت ات صلي عل نبي وانوب اني هستوني طالعه من الحمام وباستني وقدمتلها مي وكعدنه وكالت
ام احمد،،،،عيني ام سيلا احمد كال كلشي لتجيبون لان هوه راح يجيب مشروبات وقطع كيك جاهزه مال مشيه
الزلم
ام سيلا،،،،،ليس هيج يكلف نفسه ياعيني احنه انجيب
ام احمد،،،،لاعيني مابيها كلافه ماكو فرق احنه أو أنتو
ام سيلا،،،،تسلمين
ام احمد،،،،،هوه علئ جيه يجيب الغراض بس كالي انطيهم خبر حتئ اجيب الغراض
ام سيلا،،،،البيت بيته هله بيه
سيلا،،،،ماما كالتلي
ام،،،سيلا،،،،سيلا كملتي الحمام البره
سيلا،،،،لا ماما نسيته والله هسه رايحه اغسله وكمت اخذت المنظفات وطلعت بل طرمه غسلت الحمام وكملت ودخلت للمطبخ ماما وخاله ماكو وفليت شعري علئ طوله حتئ ينشف ولميته بل كماشه بس الاطراف وغسلت وجهي صاير احمر عبالك طماطه هههه ورحت للمطبخ اشرب مي من البراد واندكت الباب واخذت شال ماما بل مطبخ دائمآ انخلي للأحتياط ولبسته اشلون ماجان وشعري مفلول علئ طوله ما ابالي احمد ورحت فتحت الباب واشوف احمد واكف ومنطيني ضهره وكتله اتفضل استاذ واندار عليه
احمد،،،،هلو سيلا شخبارج
سيلا،،،،تمام الحمد الله انته شخبارك
احمد،،،،الحمد الله جبت الغراض
سيلا،،،،،شكرآ ليش كلفت نفسك احنه انجيب
احمد،،،،ماكو كلافه بينه ويله سويلي طريق حتئ ادخل الغراض
سيلا،،،،ماشي تعال اتفضل ماكو احد ماما وخاله جوه وهوه راح للسياره واني دخلت اركض للمطبخ لميت شعري وانتبهت علئ نفسي بل اتراك ودخلت الماما وكتلها احمد بره روحيله يدخل الغراض واني راح اصعد فوك وراحت ماما طلعت الاحمد واني بدلت لبست دشداشه بينصل لون نيلي ساده ولميت شعري بعده رطب وحطيت الشال ونزلت جوه ابسرعه بس اريد اشوفه وطبيت المطبخ واشوف الكراتين مال مي جاهزه والمشروبات غازيه وماما كالت خلي كم كارتونه بل مجمده والمشروبات هم خليتهن ودخل احمد جاب كارتونات هم مال كيك قطع جاهزه وكال
احمد،،،اهم شي الكيك اتسووله مجال حتئ يبرد لان يموع لكريم
ام سيلا،،،،ماشي
سيلا،،،،وسويتله مجال وخليت الكيك وماما كالت الاحمد يدخل جوه ودخل بل مسلك مال كعده وبيها تخم وابلازمه وكعد احمد عل تخم وكعدت خاله يمه
وماما ورحت جبت مي بارد وقدمته الخاله وبعدين الاحمد وكال شكرآ وكتله عفوآ وبقت ماما تتشكر منه ومن هذا الكلام وليش تعبت نفسك احنه انجيب وكاللها خاله لتزعليني منج ماكو فرق بينه
ام سيلا،،،،تسلم أوليدي
سيلا،،،،،اشوف نضرات احمد راح تاكلني
يسولف ويه ماما ويخطف نضراته عليه
لو ماما تحجي ويه خاله وهوه يباوع عليه
واحس نفسي صخنت  وكمت استئذنت
منهم وطبيت المطبخ وغسلت وجهي
وكعدت عل ميز الطعام وكمت للثلاجه طلعت الزلاطه وبديت اجهز بيها وطلعت الطرشي وحضرتهن وحميت المركه وكلت عيب وجبت غده هسه لازم يتغدون ويانه وكملت تجهيزات طبعآ امسويه غده اهوايه لان حسبت بيت عمي ابو رائد ماما اتصلت عليه وكللها وره صلاه العصر اني يمكم ورحت دخلت يم ماما
ام سيلا،،،،يله ماما وين غداج
سيلا،،، ماما كملت بس اصب
احمد،،،،لاخاله لتعبين نفسج هسه رايحين لان نور تنتضرنه عل غده
ام سيلا،،، والله متطلعون والله ازعل عليكم اذا ما اتغديتو يمنه
احمد،،،،والله نور تنتضرنه ومحمد وابويه ما اكدر ان شاء الله غير مره
ام سيلا،،،،والله ازعل اذا طلعتو واني زعلي ثكيل
احمد،،،،خاله ميصير هيج ترئ دتحرجيني والله
ام سيلا،،،،انته مو اتكول ما كو احراج لعد اخذ غراضك الجبتهن واحنه انجيب
احمد،،،،لاخاله اشجاب هاي علئ هاي يمعوده
ام سيلا،،،لعد هسه اتخابر علئ نور
وخليها تجي هيه والأهل تتغدون
يمنه واذا تعترض البينه ينتهي من
هل لحضه
احمد،،،،احم احم لاخاله شنو هذا
الكلام يمعوده كلشي ولاهذا الكلام
صدك جذب هسه اجيباج عشيرتنه
مو بس اهلي يتغدون يمكم
ام سيلا،،،،،ههههه لعد اتصل هسه خلي يجون
احمد،،،،اني اروح اجيبهم
ام سيلا،،،،يله انتضرك لعد لتتئخر وامك متروح ويااك خاف اتغير رئيك
احمد،،،،سنو خليتي أمي رهينه هههه
ام سيلا،،،هههه اي يله ابسرعه
سيلا،،،،كل هذا الكلام واني واكفه واشوف احمد اشلون يحجي ويه ماما وانوب ماما لزمته من أيده التوجعه وكالتله كلشي ينتهي بينه شو هاي ماما اتقرر ابكيفها اني انهبطت عبالي صدك واحمد طلع وكال رايح اجيب الوالد ونور واشوف محمد اذا يجي
ام سيلا،،،،يله ماما كملي غداج جهزي كلشي
سيلا،،،،رحت للمطبخ وزيدت مواعين الزلاطه والطرشي والخضروات وكملت شو اتئخر احمد وره اشويه سمعت الجرص وراحت ماما اني كلت عيب اروح افتحلهم الباب واباوع من شباك المطبخ ودخل عمو محمد كايده لان تعبان شي اكيد سكر وضغط امتعبه وماما دخلتهم عمو بل استقبال واحمد ونور شفتهم شايلين اكدوره واجمي اتجاه المطبخ وفتحتلهم الباب ودخلت نور وسلمت وكتلها ليش كلفتي نفسج والله امجهزه الغده خير من الله
نور،،،،لاحبيبتي احنه هم جبنه غدانه ماكو اي
تكلفه قابل شنو جبنه هوه برياني وتشريب
سيلا،،،احمد حط الكدوره عل سنك وكال
احمد،،،،يله عيني كملن الغده ابسرعه
سيلا،،،ماشي ونور حطت الكدر عل نار مال تشريب لحم
واحمد طلع بره ما اعرف وين راح وكلت النور افوت اسلم علئ عمو ودخلنه اثنينه وكلت السلام عليكم وانتبهو عليه وردو السلام ورحت علئ عمو سلمت عليه وسلمت علئ محمد بس جان ملامحهه ما اعرف افسرهن ورد السلام وطلعت من عدهم ودخلت المطبخ وبديت اصب بل مواعين ودخل احمد للمطبخ جايب وياا صطل روبه وجيس بس خبز  وكتله عدنه خبز
احمد،،،هذا خبز الحجي مال شعير لان موزيله خبزنه
سيلا،،،هااا واخذته من عنده ودخل الاستقبال وصبينه بل مواعين
سيلا،،،، واخذت السفره ورحت دنكت افرشها
وكام محمد عدلها ويايا ورحت للمطبخ دا اشيل
الصينيه لان حطيت المواعين بل صينيه وحسيت
أحد ورايه وانداريت
احمد،،،،جيبي اني اشيل ثكيله عليج
سيلا،،،واتقرب عليه اكثر وهمس يم اذني
احمد،،،،مره ثانيه اذا احد يمكم ممنوع
اتدنكين مفهوم لان ابداع ربي كله طلع
سيلا،،،خفت منه ومن قربه ما اهتم النور
ومافهمت الكلامه عل ابداع ووخر مني
اخذ الصينيه وغمزلي وطلع بس اني احس اخدودي نار يطلع منهن من الخجل اول مره يتقرب مني ودا احضر المواعين ونور اتصب روبه بل مواعين  واحمد اجه وحطيتله المواعين بل صينيه وشالهن طبعآ من يشوفني يغمز ابعينه وادنك اخاف نور اتشوفنه ما اتوقعت احمد هيج يتصرف وكملنه والخبز والخواشيك هم اخذناهن والمي وحطيت القوري عل طباخ ورحت وكعدنه كلنه سويه والسفره اتخبل لان صارت اشكال بيها انترست وكعدت يم ماما مقابيل احمد واحمد كاعد يم عمو واخذ خبز الشعير
احمد،،،يابه اكل مركت باميه لان التشريب ثكيله عليك
عمو،،،،،يله بسم الله
سيلا،،،،وبدينه ناكل وانتبهت كلها تلكل من المركه السويتها وعمو كال عاشت ايدج ام سيلا كلش طيبه
ام سيلا،،،،،الف عافيه خويه
سيلا،،،،ياكلون وانتبهت لمحمد ياكل عبالك احد جابره عل كعده يمنه وياكل وعاكد النونه واحمد ياكل ويباوعلي واني بس امدنكه اكل اشويه وكمت ورحت للمطبخ حضرت الكوابه مال چاي واجتي نور شايله وياها كم ماعون وكتلها كملو كالت اي واخذت الصينيه ودخلت لميت المواعين واحمد يخزر ماعرفت ليش  وشلت الصينيه وفرغتهن واجتي
نور،،،،،احمد يكول اني اشكلت
سيلا،،،، واني مافهمت عليها واخذت الصينيه مني
نور،،،،جيبي اني اشيل المواعين لان انتي بعدج متعرفين طبعنه احمد يفهمج
سيلا،،،،مافهمت شي اني اغسل بل مواعين ونور اتجيب وخلصت المواعين وحضرت الچاي وصبيت ونور دخلت يمهم وكلت خل اني اخذهن وعمو ماحطيتله شكر بس اشويه ودخلت وانطيت العمو جاي وعمه واحمد ومحمد وماما ونور واني هم شربت يمهم وسوالف وبدو يحجون عل مشيه وعمو كال وره صلاة العصر نجي لان كرايبنه يادوب يلحكون لان بعيدين وماما كالت كل الهله وكملنه واخذت لكوابه وعمو رفع الزحمه وكال
ابو احمد،،،،يله عيني نرفع الزحمه ام سيلا ماقصرتي والله
ام سيلا،،،،هله بيكم البيت بيتكم ابئي وقت تتفضلون يمنه والله صارلنه فتره ماحسينه ابطعم الأكل لان صارت لمه وكعده حلوه ابوجودكم
ابو احمد،،،،ان شاء الله عن قريب ننجمع علئ سفره وحده
ام سيلا،،،ان شاء الله
ام احمد،،،،تسلمين خيتي ماقصرتي
ام سيلا،،،ألف عافيه
محمد،،،ابصراحه خاله اني كلش حبيت طبخج ابصراحه اني كلشي ولا الأكل ما اقاوم بي فراح اتعبج كل ما اشتهي الباميه اجي يمج تطبخيلي باميه لان أول مره احس ابطعمها طيب
ام سيلا،،،،هله بيك عيوني طبعآ سيلا موجوده لان هيه الطبخت الغده اني ماسويت شي هذا كله طبخ سيلا
سيلا،،،،،اشوفهم كلهم اتفاجئو وكال
احمد،،،،،،عاشت أيدج سيلا ما اتوقعتج طباخه عبالي بس شاطره بل دراسه وانوب طباخه عاشت أيدج
سيلا،،،،،الف عافيه
محمد،،،صدك تحجين خاله اشوف معتي مغصتني يمكن لان طبخ سيلا
سيلا،،،،كلهم ضحكو علئ كلام محمد بس اني ما اعرف ليش ماحبيت كلامه ليش بل بدايه يمدح بل أكل ومن سمع طبخي كام يتنمر
احمد،،،،ولك ما اسمحلك تحجي علئ سيلا خط احمر وممنوع بعد تطبخلك
محمد،،،،،اي عمي من هسه يدافعلها
سيلا،،،،كلهم يضحكون علئ كلام محمد واحمد
ام احمد،،،،،طبعآ سيلا جنتي مااسمح احد يحجي عليها
ام سيلا،،،،تسلمين عيني الف عافيه واتمنه اتعيدوها مره ثانيه لان كلش اتونسنه
ابو احمد،،،،عن قريب وبعد احنه راح انصير اهل والجايات اهوايه وهسه نرفع الزحمه
ام سيلا،،،هله بيكم
سيلا،،،،وكامو كلهم وطلع عمو وكاده محمد ومشو وخاله طلعت واحمد ونور طلعو بل طرمه سلمو وراحو
وماما سدت الباب وطبينه جوه ورحت رتبت المطبخ وكملت ورحت يم ماما سرحت شعري ولفيته كبايه ههههه واتصل عمو ابو رائد وكاللها احنه اشويه ونجي اني ورائد وام رائد وكالتله هله بيكم طبعآ عمو ابو عبد ميجي لان مراضي علئ زواجي وكملنه بقينه بس اني وماما بس ماما كالت
ام سيلا،،،،اشدعوه جايب احمد هيج كراتين مي وصناديك مشروبات وكيك
سيلا،،،،يمكن عباله كرايبنه يحضرون
ام سيلا،،،،يمكن
سيلا،،،،،ومشه الوقت وصار الأذان وصلينه وكملنه ورحت رتبت نفسي مكياج خفيف اكريم خفيف ومورد خفيف وماسكاره وحمره وردي فاتح  وبدلت لبست كلابيه هاشمي لون زيتوني طوخ طبعآ اني احب الألوان الطوخ وهاي الكلابيه من زمان عندي ولبستها كلت عيب خاف يجون نسوان وياهم وكملت ولميت شعري كله وحطيت شال علئ راسي ونزلت وشافتني ماما وكالت
ام سيلا،،،،هسه دا اريد اكولج بدلي خاف يجون نسوان وياهم
سيلا،،،اني هم فكرت هيج وكعدت بل مسلك وره اشويه دك الجرص طلعت ماما وطلع عمو ابو رائد وعائلته ودخلو سلمت عليهم عمو وعمه ورائد وماريا اخت رائد
وقدمتلهم مي وكعدنه وعمو يسولف ويه ماما علئ وكال
عمو،،،،المهر اشكد المقدم والمؤخر
ماما،،،،انته ابكيفك ما اعرف اني بس المهم هيه ترتاح ماجاي بل مهر بس اني اكول حقوقها بس همه ناس خوش ناس وعشرة عمر 
عمو،،،،ميخالف لازم نضمن حقوقها وهمه ناس غربه
ماما،،،،ابكيفك
عمو،،،،لعد المهر يكون(15المقدم) (والمؤخر25 )
ماما،،،ابكيفك
سيلا،،،،كاعده واسمع كلامهم جان ابالي من ازوج اخلي المهر المقدم عمره والمؤخر كتاب الكريم بس هيج صار واباوع علئ رائد كاعد عل تخم ورجلي تهتز مثل الواحد من يتوتر هيج يصير بي
وامدنك راسه وشابك أيده ويعصر بيها ورفع راسه وباوع عليه ركز نضره عليه ودنك راسه واخذ نفس قوي وره اشويه اتصلت ام احمد وكالت راح نجي
وكالت ماما هله بيكم وره اشويه سمعنه هورنات وطلع عمو ورائد ورحت اني وماريا للمطبخ وانشوف بس اتفاجئت بل عدد الزلم شنو جايب عشيرته كلها وطبت كم مره ويا خاله ام احمد. ونور ودخلو الزلم للاستقبال ورحت دخلت يم النسوان وسلمت وعرفتني خاله ام احمد عل نسوان اختها ومرت حماها وعمات احمد وكعدنه وقدمتلهن مي وبعدين رحت للمطبخ اني ونور وحضرت المي للزلم ودخل رائد ودنكت نور وطلعت من المطبخ وكال رائد يله سيلا ابسرعه انطيني المي واجه محمد وكال
محمد،،،،هلو سيلا
سيلا،،،،هلو محمد
محمد،،،،،انطيني المي
سيلا،،،،انطيت الرائد ولمحمد اخذو المي بل صياني خاصه مال خطار وراحو وره اشويه اجوي وكال رائد
رائد،،،،هسه اني اشوازاني واجابني عل هل ورطه
سيلا،،،،ليش عيني يوم الألك واقدم مي للخطار
رائد،،،،لا ما ازوج اني اني رايد شي وربي كاتبلي شي ثاني
سيلا،،،،عرفت قصده عليه وكتله شوف ربك اشكاتبلك
رائد،،،ونعم بللله
محمد،،،،،سيلا اشويه من اجي انوب جهزي الكيك
سيلا،،،ماشي وراحو الولد وبقيت بل مطبخ واجتي نور وكعدت يمي وسولفنه اشويه واجه رائد ومحمد وكال
محمد،،،،سيلا يردوج بل استقبال حتئ الكلام يصير ابوجودج
سيلا،،،،عزااا ما اروح والله شيطببني يم الزلم والله ما اروح
محمد،،،،،،اني ماكتلج طبي يم الزلم بس صيري وره الباب
رائد،،،،سيلا امشي ابسرعه
سيلا،،،،ماشي اكول الماما
محمد،،،،،ابسرعه ينتضرون الزلم
سيلا،،،ورحت كلت الماما وكالت روحي واخذي نور وياج واخذت ماريا هم ورحت ومشيت يم الاستقبال ونور كامشه أيدي
ومحمد دخل وخله الباب اشويه مفتوح
محمد،،،، وكال اتفضل عمي لبنيه تسمع
سيلا،،،،،سمعت صوت عمو ابو احمد وكال
ابو احمد،،،،،بنتي سيلا كدام الناس الكاعده واحلفج بل غالي الله يرحمه اريد شنو المهر لبالج احنه انفذ وعمج كال المقدم 15 والمؤخر 25 )انتي راضيه عليه
سيلا،،،،اني ارجف من الخوف اريد الكلمه تطلع مني بلكوه نطقت وكتله عمو ابكيفك اليعجبك خلي احنه مارايدين مهر احنه رايدين اهل ومابينه مهر بس عمو انته حلفتني بل غالي وكلتلي شنو لبالج وهسه اكولك اني ابالي المقدم عمره والمؤخر كتاب الكريم ماكو افضل من هذا الشي وابكيفك وأسمع بس صوت الزلم عالي وكلهم يحجون واحد منهم كال بارك الله بيج والثاني كال ونعم التربيه والثالث كلامج ذهب
وغيره بنت اصول وغيره الله يرحم الوالد علئ هل تربيه وسمعت
ابو احمد،،،،،ونعم التربيه وكلامج ذهب بس يبقه هذا حقج
سيلا،،،،،وسمعت احمد كال التردي يتحققلج والعمره اتحصليها ان شاء الله( والمقدم 25)(والمؤخر 50)
والعمره وره الزواج ان شاء الله بس هاي حقوقج
ابو رائد،،،،تسلم اوليدي متقصر احنه متهمنه لفلوس بس تعرف يتيمه وهذا حقها بس اذا متكدر عليه قلل المهر وراك مصروف العرس
احمد،،،،عمي اني اصير ابوها وأمها وهذا بل نسبه أليه شي قليل ابحق سيلا
ابو رائد،،،،تسلم أوليدي وهسه مازول متفقين نتوكل علئ بركت الله ونقره الفاتحه
سيلا،،،،وقرو الفاتحه وكال
ابو احمد،،،،وره اسبوع العقد الشيخ
ابو رائد،،،،،ابراحتكم
سيلا،،،،،،واكفه واسمع كلامهم ورائد يمي ومنطيني ضهره علمود نور عيب واندار عليه وكالي كافي روحي
ورحت للمطبخ واجه محمد وكال يله جهزي الكيك وجهزته الكيك اني ونور وماريا مواعين سفري وشوكه والمشروبات وياخذون الولد محمد ورائد وكملو توزيع الزلم وبديت اجهز للنسوان وكملت الكيك اخذته اني ونور اخذت البيبسي ودخلنه انوزع وكملنه طلعت للمطبخ تعبت شنو بس وحدي همزين نور ويايا ومنا خوف المهر ومنا تعب وكعدت عل ميز وقدمت النور واني بدينه ناكل وره اشويه اجه رائد ومحمد واخذ الصواني وجاب المواعين الكيك والقواطي وكملو وسمعت صارت هوسه بره واباوع ديطلعون الزلم وعمو وياهم ومحمد كال النور صيحي للنسوان وهم طلعن كلهن وراحو كرايب احمد لان مكانهم بعيد مابقو عل عشه وبقه عمو ابو احمد واحمد ومحمد ورائد وعمو ودخلو الزلم وبقيت يم ماما وخاله ام احمد وره اشويه كال رائد يله ابو احمد يريد يروح وكامت خاله ونور وطلعو وراحو كلهم وعمو ابو رائد راد يروح بس ماما جلبت بي عل عشه بقه وكعدنه وعمو بده بحجيلها علئ كلامهم وماما كيفت ومشه الوقت دا اسوي عشه ورائد كال عليه العشه لتعبين نفسج وراح جابلنه كباب دجاج ولحم وصمون ومشروبات وسويت زلاطه وطرشي وصبيت واجه رائد اخذ السفره وحطيت بل مواعين وماريه اخذت المشروبات وراحت ورائد اخذ الكباب والمواعين الزلاطه ودخلت وماريه اترتب بل سفره وكعدنه ناكل وسوالف وكملنه شلت المواعين للمطبخ وكملت الچاي وغسلت المواعين وحضرت لكوابه وصبيت چاي وقدمته الهم وكعدنه وره اشويه كمو استئذن وراحو وعزلت البيت كلش تعبت وغسلت وبدلت اتراك بيت وكعدت يم ماما اشويه ونعست من التعب من الصبح كاعده وباجر دوام واستئذنت من ماما وصعدت نمت ابسرعه بدون تفكير وكعدت علئ صوت المنبه وكمت غسلت وبدلت ونزلت امحضره الريوك ماما صمون وجبن وچاي وبست ماما وأكلت وشربت چاي وسمعت هورن وطلعت وشفت احمد بل سياره ورحت صعدت بل سياره وصبحت عليه صباح الخير استاذ
احمد،،،،صباح النور ست سيلا اشوكت اتعوفين كلمت استاذ
سيلا،،،،ما اعرف
احمد،،،،ابراحتج بس لا بل عرس اتصيحيلي استاااذذذذ احمد
سيلا،،،،،ضحكت علئ كلامه وكتله لا ما اكول بس هسه متعوده اكولها
احمد،،،،ابراحتج وعلئ فكره كلامج البارحه كلش فرحني ورفعتي راسي كدام كرايبي كلش حبو كلامج

وشنو رئيكم بل بارت

هذي الروايه تختلف عن الباقي

لتنسون تابعوني وصوتو وعلقو

حتئ تصعد الروايه للحكايه بقيه

لتحكمون ع الروايه من بدايتها

لتنسون المتابعه والتصويت⭐ والتعليقات🌹