" لقد اعترضوا جميعاً على ارتباطنا ، لكن لا يهمني شيء ، لقد ربحت بقلبك في النهايه "
.....................................
__ لا في تحقيق ، اشمعنا انا ؟ ليه امري فارق ليك اوي كدا
_ عشان انت....
_ انا اي ؟
_ عشان انتي مهمه عندي
قالها " رحيم " بأنفعال ، صمت حل المكان ، علامات دهشه تعلو وجه " رقيه "
_ عرفتي ليه ؟ انا برتاح بوجودك
_ احمم ، خلاص متتعصبش كدا
_ انتي مش عارفه انا حاسس بأيه ؟ عشان كدا متعصب
_ خلاص اهدى وانت شبه الديك الشركسي كدا ، طيب اتكلم
_ تعالي نشرب حاجه
_ تعالى
............................................
_ طيب اعزميني على حاجه ، جو حار ، انا شايل حاجات كتير ، انا خدام عندك
قالها " ادم " لـ" ساره " بغضب
_ اسكت مش عايزه اسمع صوت
_ يعني اي مش عايزه تسمعي صوت ؟
_ عايز اي ؟
_ اروح ، جو حار ، وانا شايل حاجات كتير وانتي مش بتحسي
_ خلاص بطل صياح ، تعالى اسقيك عصير
_ تسقيني ؟؟! ليه شايفاني شجره ؟
_ لا كلب
_ انا مش هتكلم انا هقول لربنا كل حاجه
_ بص يا آدم ، الورد دا شكله حلو اوي
اقترب منها و رأى علامات فرح وطفوله في وجهها ، تبسم لها ، قال بصوت ظهر به الحنين
_ ما هو طبعا الورد بيحن للورد
نظرت له باندهاش ، خفضت رأسها بخجل ، احمرت وجنتيها
_ يلا يا ورده ، عشان نشرب عصير
........................................
_ ها تشربي اي ؟
_ اي حاجه فيها كارميل
نظر لها بحب
_ بتحبي كارميل ؟
_ اه جدا
_ وانا كمان بحبه
_ ها احكي بقا
_ عايزه تعرفي اي ؟
_ كنت مخنوقه ليه ؟ صراحه لما روحت ليك البيت امبارح حسيت أن العيله بتاعتك يعني صراحه مش حبه وجودك
_ هي فعلا مش حابه وجودي
_ ليه بس ؟
_ بصي يا ستي ، انا ابويا وامي ولاد عم ، اتجوزوا برضه عشان الورث و كلام دا ، ابويا وامي مكنوش بيحبوا بعض ، جابوني بالعافيه ، من ساعه ما اتولدت وانا عمري ما حسيت أن هما اهلي ، بابا كان يتخانق مع امي ، يطلع غضبه فيا ، يضربني بقا يزعقلي ، وماما كذلك ، كنت ببقى نفسي اهرب ، بس مكنش ينفع ، محدش فيهم شجعني في يوم ، لما اعمل حاجه كويسه ، محدش بيتقبل دا
كانت " رقيه " تنصت له باهتمام بالغ
_ انتي زهقتي ؟
_ هديك بالقلم كمل يلا
_ المهم ، انا مكنش ليا صحاب غير ادم و عيسى وأسر وعلي اخو فريده الله يرحمه ، هما دول سبب الي عايش عشانه لحد دلوقتي ، لما بدأت مشاكل تزيد بدأ مرضي يزيد ، انا اصلا عندي ربو ، ماشي بالبخاخه عشان اعرف اتنفس
_ يعني اي ربو ؟
_ بصي لما بتوتر بزياده ، أو بتعب زياده او اتعصب أو اي حاجه بزياده ، بيجيلي ضيق تنفس ومش ببقى عارف اتنفس ، بخاخه دي بقا بتخليني اتنفس.
_ الف سلامه عليك، مكنتش اعرف
_ الله يسلمك، بدأ يجيلي مشاكل في القلب ، بدأت اتعب كنت في سن صغير لسه ، ابو عيسى يبقى صاحب بابا ، لما شاف اني بدأت اتعب اوي ، ادخل خدني من بابا ، خلاني اعيش معه في بيت ، اتكرر نفس موال وجدي مات لازم اتجوز ناتلي عشان الورث وكلام دا ، بس انا مش بحبها ، غير كدا دي مش ام لعيالي ، دي مش واحده اكمل معاها حياتي ، مش عايز اجيب ابن غصب عني اطلع فيه غضبي وزعلي ، ويطلع معقد
_ طب وانت هتعمل اي ؟
_ انا كدا كدا مش هكمل معاها لو حصل اي ، بس عاره بعد كل دا ، والله بحبهم جدا ، نفسي في يوم يطمنوا عليا زي ما بعمل ، يحنوا عليا زي ما بعمل ، يحسسوني أن ليا أهل ، والله بحبهم يا رقيه
_ ما تتكلم معاهم
_ حاولت كتير جدا ، بس كل مره بتنتهي بخناقه اكبر أو بتعب فبطلت
_ انا اسفه بجد ، مكنتش اعرف كل دا ، شكلك معبي
_ اه جدا ، بس فرحان انك سمعاني ، صراحه حسيت براحه غريبه وانا بحكيلك الي في قلبي
تبست له في خجل ، نظرت في جهه اخرى ، تمنع عيونهما أن يتلاقوا ، اخذت رشفه من العصير ، ورن هاتفها
_ احممم ، دي امي
_ طيب ردي عليها
_ اي يا ماما ، انا بخير ، عايزه لانشون؟ اه حاضر ، تيا عندنا في البيت ، حاضر حاجه تانيه ، لفه جلاش ، اه تمام ، من كارفور اشمعنا يعني ، عرض ؟؟! تمام هروح ، سلام
أغلقت مع امها
_ هروح اجيب طلبات لماما
_ انتي عارفه انا نفسي اقابل مامتك
_ امي نفسي تقابلكم عماله تقولي أنها عايزه تشوفكم
_ طب واي المانع؟
_ كنت لسه بحضر لدا
_ تمام ، تعالي اوصلك بعربيه
...............................
_ زي ما سمعت يا عيسى ، انا هتجوز فريده ، يعني هتجوز فريده
نظر " عيسى " لـ" آسر " بغضب لا يقل عن غضب الثور
_ مينفعش انت اهبل
_ لا هينفع ، انا وهي مش اخوات بجد ، زي اخوات ، لكن مش اخوات بجد
انا اسمي آسر محمد سعيد
وهي اسمها فريده تامر
فين الاخوه في دا ؟
نظر له " عيسى " لم يرد
_ يا عيسى اقف جمبي ونبي
_ انا مش عارف اقول اي ؟
_ يا عيسى ، علي قال في وصيه أن احنا ناخد بالنا منها ، اي مانع لو انا اتجوزتها ، مش واثق فيا يعني ؟
_ واثق
_ اقنع ادم ونبي
_ خلاص يا آسر ، انا هتصرف
_ بجد ونبي
_ اه
نظر " عيسى " لـصديقه وهو يرقص بفرح ، وينزل للأرض و يصعد مره اخرى
_ ربنا ما يحرمك من الهبل
....................................
_ ها حلو العصير يا ساره ؟
_ جميل
نظر لها بخبث
_ هو انتي احمريتي ليه ؟
_ جو حار
_ الجو برضه ؟
_ اخرس
_ يلا عشان اروحك يا ورده
................................
قام " ادم " بتوديع " ساره " توصيلها إلى البيت
قابل اصدقائه في البيت
_ انتوا قاعدين كدا ليه ؟ حاسس ان في مصيبه ؟
نظر له " آسر "
_ دومي، اخويا ، صاحبي
_ ااه يبقى عايز حاجه ؟
قال " عيسى "
_ اقعد كدا عشان هنتكلم بالعقل
_ انت عندك عقل اصلا
_ احترم نفسك
_ طيب ارغي
_ آسر عايز يتجوز فريده
قال " ادم " بنبره منفعله وظهر بها الغضب
_ تااني تااني ، انتوا مش بتحرموا
_ يا آدم انا بحبها
_ هترجع تقول بتحبها
_ ادم ، هنتكلم بالعقل
_ ها يا عيسى
_ انا فكرت في كلام آسر ، اي مشكله ؟
_ قصدك لعب في دماغك
_ ادم ، ركز معايا ، احنا لو جوزنا فريده لـ آسر كل حاجه هتبقى كويسه
_ ازاي يعني ؟
_ هتكون في امان معه ، هتكون مرتاحه معه
_ بس يا عي....
_ كلام خلص خلاص ، لما رحيم يجي هنشوف
..........................
تجول " رحيم " مع " رقيه " وهي تشتري بعض الاشياء
_ انتي عارفه يا رقيه ، نفسي اقابل طنط عشان ادوق بيتزا الي مش عجباكي
_ اي دا انت عرفت منين ؟
_ دا مكروباص كله عرف انك مش بتحبي بيتزا
_ اه افتكرت ، اصل يا ابني ماما بتنقي الاكل الي انا مش بحبه وبتعمله
_ قصدها يعني ؟
_ بحس بكدا ، اول لما تعرف أن تيا جايه ، بتعمل ما لذ وطاب ليها
_ مين تيا ؟
_ بنت اخويا صغيره
_ اسمها تيا ؟
_ اه تيا
_ انتي عمتو بقا ؟
_ اه ، اسمي الحقيقي رقيه الحربايه
ودعوا بعضهم ، وعدوا بعضهم بلقاء اخر
.................
اجتمع " رحيم " مع الآخرين
_ طيب قبل ما تصيحوا ،انا عارف كل دا قبل منكوا كلكوا
نظر له " ادم " بتحدي
_ لا ونبي
_ خد كبيره ، هنروح ليهم بكره بليل عشان نطلب أيدها
صعق " آسر " من الخبر ، انهال على " رحيم " بأحضان والقبلات
_ بس ابعد مش بحب البوس
_ اه طبعا ،عشان انا اسمي آسر ، لكن لو حد تاني
_ اخرس
_ المهم اجهز كدا يا آسر ، عشان هنروح بكره
_ رحيم انا خايف
_ من اي بس ؟
_ ممكن اترفض؟
_ مظنش حتى لو اترفضت ، تبقى ارتاحت من دا بدري
_ بس انا بحبها
_ محدش بياخد كل حاجه من دنيا
...........................
كانت " فريده " تعيش مع عمها و زوجته في بيتها ، يحسنوا معاملتها مثل ابنتهم ، عندما علمت بأن " آسر " يريد أن يتزوج بها خجلت كثيرا ، ها هي الآن تقف أمام المرأه تتجهز لكي تقابله ، تحدث " رحيم "
_ اهلا يا عمي
_ اهلا يا رحيم ، فينك يا واد ، مش وعدتني تيجي تشرب شاي
تبسم " ادم "
_ لا ما احنا قولنا نشرب شربات احسن
وغمز له في نهايه كلامه ، خبط " عيسى " كتف " آسر " لكي يتحدث
_ عمي ، انا يشرفني اني اطلب ايد انسه فريده
_ شرف ليا يا ابني ، انا رحيم كلمني ، وعارف مؤهلاتك وكل حاجه ، نقرأ الفاتحه ، بس لازم نعرف رأي عروسه ولا انتوا شايفين اي ؟
_ اه طبعا
خرجت " فريده " بخجل و تتبسم لهم ، جلست بعيد عنهم نسبيا
قال " رحيم "
_ يا عمي نسيب العرسان يتكلموا لوحدهم شويه
_ اه طبعا
تركوهم بمفردهم ، بينما " عيسى " وقف ينظر لهم من بعيد
_ اظن يا فريده انتي عارفه انا جاي ليه ؟
شعرت بأن خجل سيأكلها
_ ايوه عارفه * بصوت منخفض*
_ طيب واي رأيك ؟ موافقه ؟
تنهدت و شعرت بقلق قليلا ، نظرت له ، اخذت نفس عميق
_ لا
..........................
# احببتك صدفه
