توجهن نحو سياره بتيل
بتيل: توتي نسيت جوالها بنروح نجيبه ونجي اوكي
نواف بشك: والي بيد تمارا وش؟
بلعت ريقها: امم هذا جوال.. جوال اخوها ايوه صح جوال فيصل
تمارا بوهقه: اخذته بالغلط على بالي جوالي
نواف: تمام روحي جيبيه واحنا بننتظرك هنا
تقدمت بتيل كي تذهب مع تمارا لكن يد نواف اوقفتها
نواف: وين رايحه البنت بتروح تجيب جوالها ماله داعي ترافقينها
تمارا: لا ضروري تجي معاي بوريها شي
بدر: مب وقته انتي عندك اختبار
تمارا:ضروري اوريها اياه ثواني ونجي
ذهبت تمارا وبتيل نحو المنزل وتوجهن نحو المطبخ وخرجن من الباب الخلفي
تمارا: شفتي قلت لك وربي ماراح يدرون
بتيل: بسرعه كلمي السواق اخاف نتأخر اكثر
اتصلت تمارا بالسائق واخبرته بأن يجهز السيارة وركبن السيارة وتوجهن نحو مركز قياس للاختبارات
تمارا: يمه بديت اخاف
بتيل: لا تخافي يعمري معليك بيكون سهالات
تمارا : يااارب عاد منجد شديت حيلي على الاقل فوق الثمانين
بتيل بخوف: يمه يمه نواف يتصل! ارد؟
تمارا: يويلنا نسيناهم، ردي شوفي وش يبي
بتيل: تمام؛ هلا نوافي
نواف بعصبيه: نوافي وش انتي وين و الكمخه الثانيه وينها ترا الاختبار بيروح عليها
بتيل بتوتر: احنا بالقاعه وتمارا تو دخلت
نواف: وشو! متى وكيف رحتي وليش ماجيتوا معانا!!
بتيل: اكلمك بعدين انا مشغوله
اقفلت الخط بتيل وهي متوتره
بتيل: يمه وربي مرا واضح معصب
تمارا: الله يخرشه وربي احس خوفني زياده
تمارا: يلا بوبو بدخل قاعتي اختباري بدء
بتيل: فالك التوفيق يقلبي
بعد مرور ساعتين:
انتهت تمارا من اختبارها وتوجهن نحو السيارة وذهبن لشراء القهوه وتناول الغداء
تمارا: اقول بوبو ترا كلمت ماما ارجع معاك البيت و وافقت؛ بس احس بعد تهزيئ نواف صرت خايفه ارجع معاك وربي احس بنهار لو صارخ علي زياده عاد الاختبار كان صعب
بتيل: تكفيننن ارجعي معاي وربي خايفه ترضين اتهزء لحالي
تمارا: اي عادي
صدمت بتيل وضربت كتف تمارا
بتيل: اوريك يا ورعه
تمارا بضحك: امزح معاك ولا تزعلين برجع معاك مايهون علي ابكي لحالي نبكي سوا احسن
بتيل: اهم شي عندك مصلحتك يع سامجه ههههههههه
عادو لمنزل بتيل وكان باستقبالهم نواف و بدر
بتيل بصوت خفيف: ابوك يالبلشه
تمارا: الله ياخذك انا وش خلاني ارجع معاك
نواف: ماشاءالله شرفتوا كانو طولتوا اكثر هاا!!!
بدر: ياخي بفهم كيف قدرتوا تطلعون كنا عند الباب؟
بتيل: كله من تمارا هي الي قالت نروح مع السواق
تمارا بصدمه: علطول يازفت بعتيني وعلمتي!
نواف: ما عينا خير من يوم جيتي عز الله انه بتيل ما تطلع بدون ما تقول لنا
تمارا: تراك فليتها يالطيب اوفر وضعك!
نواف: انتي اصلا ماتستحين سلامات وين عايشين تروحون لحالكم وتدرون انو احنا برا!!!
بدر بتوتر: يا نواف تراك زودتها
نواف بغضب: لا تستاهل ذي ماتربت
اقتربت تمارا من نواف وضربته كف
تمارا ببكاء وغضب: خير ان شاءالله احترم نفسك وبعدين ليش تعد نفسك متربي وانت تصارخ على بنت يا متخلف
غادرت تمارا المنزل مسرعه نحو سائقهم
بتيل بغضب: يع ما توقعتك كذا مطلع قوتك على بنت
حاولت بتيل اللحاق بتمارا لكن يد نواف امسكتها
نواف بغضب: وين رايحه يالغاليه باقي ماخلصت
افلتت يد نواف بقوه وصارخت بوجهه
بتيل: كل هذا وماخلصت وش بقى؟
عندما غادرت بتيل المنزل وجدت ان تمارا قد غادرت وعادت ادراجها وقد ذهب نواف لغرفته وبقي بدر
بدر: ليش رجعتي و وين تمارا
بتيل: راحت
ذهبت بتيل لغرفتها وبدات بالبكاء والاتصال بتمارا
بتيل: توتي تكفين لا تزعلين مني
تمارا: يروحي انتي مستحيل ازعل منك انتي ماسويتي شي
بتيل: اكيد مو زعلانه
تمارا بابتسامه: اكيد يروحي
بتيل: طيب احبك
تمارا بضحك: يروحي انتي انا بعد احبك واموت فيك، استأذنك بروح انام تعرفين الاختبار هد حيلي
بتيل : تمام يروحي تصبحي على خير
أنت تقرأ
أن المفاتن في عينيك مُخمرة ..!
Подростковая литератураإنَّ المَـفاتـِن فِـي عـَيـنيْكِ مُخمرةٌ... من نظـرةٍ منـكِ يـغدُو الـمرءُ سـكرانَا عيـنَاك ِمنـظُومة تـحوِي قـصائدها كَـيْ تـبعث السَّحـر نتـلو منـه ديـَوانا قُـل لِلـقَوافـي إذا مـالَت بأحـرُفها الشُـوق بحـرَّ وفِـي عَـيـنيْك مـرسانا
