أنتقام لَيال

(المشهد ٩)

مًًسِِـأّء أّلََخِِـيَِّر وٌٌأّلََسِِـعٌٌأّدٍٍةّّ

# آنِتٌقُآمً لََيَآلَ

#آلَکْآتٌبًهّ نِجّلَآء أدٍريَسِ

# قُرأهّ مًمًتٌعٌهّ حًبًآيَبً وٌلَآتٌنِسِوٌنِ آلَتٌصّوٌيَتٌ وٌرأيَکْمً يَهّمًنِيَ 💕♥💕

♡♡♡♡♡♡♡♡♡♡♡♡♡♡♡♡
.
.
.
.
.
.

نور: ست اني ماموافقه بس الحياة جبرتني اوافق فكرت وحدي صح بالبدايه رفضت بس اني يتميه وماعندي احد والزواج انسب قرار الي وحتى ماكلت ل لَيال حتى ماتاثر على قراري واني موافقه

ست غاده: هههه كلچن هيچ بالبدايه ترفضن وبعدين اتوافقن المهم باجر الاربعاء راح يجي ياخذچ وها ضلي ساكته احسن وباجر اتكولين ل لَيال انو مامداومه تعبانه ومن تروح لَيال انتِ اتروحين ويه رجلچ

نور: ماشي ست
طلعت منها وذبيت نفس عميق احس مكان اكو هوه بالغرفه رحت ل لَيال وحچيتلها وكالت خوش شغل

لَيال: نور هسه انتِ اكعدي وادرسي خلي ايصير وكت العشه اليوم اني اسويه وانيم الكل حتى نشتغل على راحتنه

نور: ماشي حبيبتي بس قبلها عدنه شغل

لَيال: اي يلا كومي
نزلنه رحنه كملنه الطلبيه وصار وقت العشه
نزلت على سميحه
_سميحه اني اليوم اسوي العشه

سميحه: منچ من الشيطان اول مره شعجب

لَيال: تريدين اسوي لو لا بس مشتهيه شوربه كلت اني اسوي واسوي للكل وياي قابل جرمت.

سميحه: لا عيني ماجرمتي هاج سوي الشوربه وكلي كبه لغاده ماشي

لَيال: ماشي
بلشت شغل وهوه العشه شوربه النه البنات لو مركه حمص او فاصوليه ولغاده شي زين والبنات مادري اشو اليوم عايفات سميحه ماجايات وياها للطبخ بلش طبخ تعب لان جدر كبير وبلشت شغل كملتها وخليتها على نار هاديه دخلت توني اريد اطلع الحبوب من جيبي ودخلت سميحه

سميحه: اي عيني وين وصلتي تره جوعانين

لَيال: هيات كملت نص ساعه بعد

سميحه: يلا راح اتصير ب ٨ ونص

لَيال: ماشي
راحت واخذت نفس اله اشويه وانكشف اتاكدت ماكو احد طلعت الشريط كله وفتحته وخليته بالشوربه وحركتها زين كليت الكبه وصبيت بالصينيه لعمو تحسين صينيه وصينيه لغاده وصينيه ل سميحه والبنات كلمن تجي تصب لنفسها بماعون وزعت الاكل عليهم والبنات دخلن ياكلن
مرت نص ساعه كمت شلت الصياني منهم كلهم بس اشو مانامو ليش
شلت الصياني غسلتهن ونور بعدها فوك كتلها ارتاحي عبن وراها طريق كملت غسل شويه وسمعت سميحه تكول لبنيه
_اني رايحه انام تعبانه اشو نعست من وقت لحد يكعدني
شويه انوب وسمعت باب غرفه غاده انسد وره
شويه طلعت مديت راسي للكراچ شفت عمو تحسين غافي بمكانه والبنات كلهن دخلن للغرف صعدت لكيتهن نايمات ابتسمت بتعب وحمدت الله صعدت لنور لكيتها كاعده بالزاويه اجتي تركض حضنتني
نور: اتاخريتي حيل وليش هاي البنات نامن هيچ شنو اخذ مفعول المنوم