أنتقام لَيال

(المشهد١٨)

                  مًًسِِـأّء أّلََخِِـيَِّر وٌٌأّلََسِِـعٌٌأّدٍٍةّّ

# آنِتٌقُآمً لََيَآلَ

#آلَکْآتٌبًهّ نِجّلَآء أدٍريَسِ

# قُرأهّ مًمًتٌعٌهّ حًبًآيَبً وٌلَآتٌنِسِوٌنِ آلَتٌصّوٌيَتٌ وٌرأيَکْمً يَهّمًنِيَ 💕♥💕

♡♡♡♡♡♡♡♡♡♕♕♕♕♕♕♡♡♡♡♡♡
                    
.
.
.
.
.
.

لَيال: رهف حبيبتي كومي غسلي وجهج ماراح ايضل بيچ شي والله كومي الله يخليج
صرت ارجف خوف مادري حسيت النهايه قربت
توني اريد اكومها وماحسيت غير حضنتني يكل قوتها

"رهف شبيج وربي دتخوفيني شبيج *

رهف: لَيال احبج وراح اضل ادعيلچ لاتنسيني

لَيال: ايديها رخت ورجع ضهرها ارتجه عل الچربايه ماكدرت اكومها ثكلت وكل جسمها نحل واني احس حيلي انهد

" رهف باعي شبيج بس باعي عليه تريد تعوفيني مو والله مايصير كلكم تعوفوني كوووومي جاي  اكلج كومي*
صرت اعيط واحاول اكومها وهيه جسمها نحل ومركزه بعيوني والي بالغرفه كلها كعدت وصارت تسال واني لازمه وجهه رهف ومتهستره

"باعي رهف اهنا كلنه نحبج وراح نطلع منا ونعيش حياتنه مو ونزور قبر قاسم والله العظيم ضلم تعوفيني والله ضلم تعووووفوني كلكم المن مخليني المن بس كولولي هاااا بس احجي لا تباوعين بهاي الطريقه كلهم باوعوا بعيوني هيج وتركوني لاتباوووعين.

_صفنت وضلت مبتسمه نطقت الشهاده بصوت شبهه مسموع وضلت مفتحه عيونها قاست النبض مره كانت ويانه وكالت
(لاحول ولاقوة الابالله رهف خلص عمرها)
صرخت بكل قوتي الدنيا كلها التمت حضنتها على كلبي ردت ادخلها بوسط گلبي حتى ماياخذوها مني صرخت وصرخاتي تعالت جسمها عبالك بعدها عايشه ابد مصار جامد او يابس مثل الي يموتون اخذوها المستشفى موتت نفسي بس اروح ماقبلوا
ردت بس اودعها ماذكر منو حجت وياي كالت

_بنتي ودعيها واشبعي منها ومن ريحتها ترى بعد ماتشوفيها

كالت هيج واحس سلبوا روحي بوست كل وجها حضنتها بكل قوتي واصرخ بكل حنجرتي

(رررربي مولايي اخذني وياها لاتخليننني وحدي  اخاف اخااااف من دونها كل اعزاز گلبي راحوا ررررربي)

كل الي بالسجن بچو على بچيي اخذوها بسرعه بلگت ولعل يتلاحكوها وچن اخذوا روحي وفعلا كانت اخر مره اشوفها اخذوها وبالتشريح طلع عدها سكته قلبيه على اثرها ماتت هيه تكتم بقلبها ومستحيل تبين حزنها لهل الدرجه اهلج ضلموج وبعد مگدرتي تتحملين كانت تگول ياريت واحد منهم يزورني ولو بالگذب يطمن عليه واشم ريحت اهلي بس اهلها مازاروها وضلت حسره بگلبها ماتت بحسره شوفتهم مع الرغم هيه شكد ماطيبه وحنينه بس همه كانوا حقيرين بس من ماتت اجوا اخذواها دفنوها بيدهم دخلوها للسجن ومحد سأل عنها وبايدهم طلعوها من المستشفى ودفنونها حتى ماعذبتهم كانت شرطيه تجيب النه الاخبار مخابرين على اهلها يجون يدفنوها وجاين دافنيها مااعرف وين اندفنت بس شي اكيد  اهلها يعرفون واني اعرف اهلها وين ساكنين حچتلي مره عنهم صارت كل همي بالمستقبل الكه قبر رهف وقاسم والكه اختي نور