أنتقام لَيال

(المشهد١٥)

                 
  مًًسِِـأّء أّلََخِِـيَِّر وٌٌأّلََسِِـعٌٌأّدٍٍةّّ

# آنِتٌقُآمً لََيَآلَ

#آلَکْآتٌبًهّ نِجّلَآء أدٍريَسِ

# قُرأهّ مًمًتٌعٌهّ حًبًآيَبً وٌلَآتٌنِسِوٌنِ آلَتٌصّوٌيَتٌ وٌرأيَکْمً يَهّمًنِيَ 💕♥💕

♡♡♡♡♡♡♡♡♡♕♕♕♕♕♕♡♡♡♡♡♡
                    
.
.
.
.
.
.
مرت الايام واني بالمستشفى حالتي مامستقره وضابط حقي صارت نضارته الي كلها شفقه وحنيه وقهر على حالي اجه اليوم الصار لازم اروح للسجن التوقيف لبين متصير محاكمتي
عمو حقي اخذ ملفي واشتغل عليه وسجل كلامي وتسجيل الكامرات حتى يخف الحكم عليه وحجالي شصار من دخلت غيبوبه

_الصار... غاده وساجر ماتوا وسميحه بالسجن محاكيمها بحزتها والبنات ناقليهم لميتم تابع للحكومه ومامنين عليهن ولاكين ادله كووومه لو كانوا عايشين توديهم وره الشمس والقوا القبض على الكان مشاركهم واليوم هوه يوم المحكمه.
ولازم اكون موجوده حتى اشهد على الصار.

كمت بكل ثقه اني ماسويت شي غلط كل السويته اخذت ثار اهلي وثار سنين فكداني الهم
رغم صارت بيه رجفه وايدي من التوتر على العشته تصير مثل السعفه اليحركها الهوى بس احاول اسيطر عليها من اضغط عليها بقوه دخلت حمام المستشفى لان عمو حقي مخلاني اروح للتوقيف سحبت ولبست الملابس الجابهن إلي
وكفت كدام الامرايه وااجهت نفسي لحتى اقوى كلما اصير ضعيفه احجي ويه نفسي احس
احس اخذ القوه من نفسي لنفسي
وكفت كالعاده وقبل لااحجي ويه نفسي مكسوره اجناح بس من اخلص تخلل لنفسي قوه كلش كافيه حتى اضهر كدام الكل لَيال البارده وميهمها شي.
اول كلمه حجيتها وبصوت مكسور
_لَيال المنتقمه
اخذتي حق اهلج واخيراً العداله بالارض وبالسماء راح تتحقق وراح بابا ينام رغد وماما روحها ترتاح واخوتي يكونون احلى طيور بالجنه اني ماسويت شي غلط كل السويته كان لازم يصير اني اليوم عندي محاكمه صح مستقبلي ضاع واحلامي اتهدمت وراح يضل اسمي مجرمه بنضر القانون بس اني مقتنعه بالسويته للمره الاولى بحياتي مااندم على شي وخاصه قتل هل الاثنين ولو يرجع الوقت راح اقتلهم بنفس الطريقه القتلوا اهلي بيها انتِ قويه لَيال انتِ بنت قصي المات رافع راسه اليوم راح توكفين كدام القاضي وتكونين بكامل قوتچ حتى محد يشفق عليج فاااهمه

مسحت اخر دمعه نزلت من عيني واتجهت للغرفه شويه واجه عمو حقي وهوه على ملامحه الحيره

ضابط حقي: يلا بابا امشينه يلا نلحك

لَيال: عمو شكد راح انحكم
صفن بوجهي من كتله هيج فرك وجهه ولزم ايديه واردف بكل حنيه مثل اب ودينصح بنته

ضابط حقي: شوفي بابا السويته مو غلط والحقيقه لو اني بدالج كان سويت الاكثر انتِ صح اصغيره وبعدج مراهقه بس انتَ اكبر من عمرچ شوفي بابا خليچ دوم ذيبه ولاتخلين احد يمسچ بشي انتِ اليوم محاكمتچ والكدرت عليه سويته بس القاضي اليوم الكاعد صارم وماعنده عذر اذا صار ودخلتي السجن اني راح اضل اراجعج بس اريد شي انو اتكونين قويه لان راح تدخلين مكان وعالم ثاني ماشي بنتي