أنتقام لَيال

(المشهد ٢)

مًًسِِـأّء أّلََخِِـيَِّر وٌٌأّلََسِِـعٌٌأّدٍٍةّّ

# آنِتٌقُآمً لََيَآلَ

#آلَکْآتٌبًهّ نِجّلَآء أدٍريَسِ

# قُرأهّ مًمًتٌعٌهّ حًبًآيَبً وٌلَآتٌنِسِوٌنِ آلَتٌصّوٌيَتٌ وٌرأيَکْمً يَهّمًنِيَ 💕♥💕

♡♡♡♡♡♡♡♡♡♡♡♡♡♡♡♡
.
.
.
.
.
.

_ لَيال: فزيت على صوت بچي والصوت جاي من الحمام كمت وبس حركت رجلي اتاذيت مهتميت لان اعرف صوت البچي هذا لنور اعرف صوتها مستحيل مااعرفه مشيت أكزل برجلي لما وصلت دكيت الباب وصحت عليها

_ نور عمري شبيچ افتحيلي الباب ليش تبچين

نور: لا لَيال مادبچي بس هيج كاعده

_ شنو يعني هيچ كاعده عاجبچ المنضر شنو كاعده على البحر دطلعي خلي افتهم ليش تبچين يلا نويران اطلعي..

فتحت الباب على كيف وهيه مدنكه كتلها شبيچ رفعت راسها واتفاجأ بكف ايد مطبوع بخدها رأساً حضنتها لان عرفت غويدان ضاربتها ضليت حاضنتها وهيه تبچي وره ماهدئت جريتها من ايدها وكعدتها على الفراش كتلها ليش هيچ ضاربتچ.

_ نور: هيه غاده ضربتني راشدي جرت شعري بكل قوتها لان كلتلها اريد خبزه اكل بعد والله چنت جواعانه وماشبعت وتكلي ايا بنت الحرام تريدين انطيچ اكل حتى تملين بطنچ مو وصارت تضرب بيه.

__ حضنتها على كلبي لان هايه غاده اذا وحده كلتلها جوعانه اريد بعد هيچ تضربها. صفنت اياب صار اسبوعين مامسويه بيها فاينه هسه بلش وقت الفواين وحتى لو مو رجلي توجعني لو امشي زحف اله انتقم منها ههه اجتني فكره شريره بس لازم اقنع نور تساعدني بالخطه ...

_نوووووور حبيبتي نور عمري وغاليتي اخيتي الما جابتها امي اروحلج ولا فدوه اريد اطلب منچ طلب... كلتلها وسويت حركه بعيوني دل على الانسانه الفقيره والطيبه.

_نور: لَيال انتي ماتحچين هيج اذا ماعندج فاينه ماعليه والله ماعليه اخاف.

_ وجع اااه اقصد شبيچ ياعمري رأساً كلتي مااا وضليتي تبچبچين ايا غبيه اقصد ايا حلوه اشو اني ماردلچ طلب.

نور: اي ماترديلي بس انتِ فاينه اخاف.

_ انتِ بينچ متجين بالعين واغاتي اله بالعين الحمره ياحماره اشو كومي كدامي كووووووومي. عطت بيها وهيه جفلت صارت تمتمت.

نور: اااه شبيچ باعي والله اخاف ننكشف مو كل مره عبالج ماننكشف .

_ كافي شفتهمت منچ غير بس كلمه اخاف اشو امشي كدامي مثل الكرته... جريتها ومشيت
ياهووو يلزمني واني لَيال. اخذتها ونلزلت أكزل وهيه دردم.

_نور: ادري بنيه عفريت بس تسوين فواين وفوكاها تكزل وتعرچ ام عروجه عروجه ام الوصخ.

_ باوعت عليها صفح ومشيت نزلنه الدرج عاقلات اتلكتنه غويدان الغوريلا واحنه ننزل نور خافت ولزكت بضري كالت.