أنتقام لَيال

(المشهد٢٣)

مًًسِِـأّء أّلََخِِـيَِّر وٌٌأّلََسِِـعٌٌأّدٍٍةّّ

# آنِتٌقُآمً لََيَآلَ

#آلَکْآتٌبًهّ نِجّلَآء أدٍريَسِ

# قُرأهّ مًمًتٌعٌهّ حًبًآيَبً وٌلَآتٌنِسِوٌنِ آلَتٌصّوٌيَتٌ وٌرأيَکْمً يَهّمًنِيَ 💕♥💕

♡♡♡♡♡♡♡♡♡♕♕♕♕♕♕♡♡♡♡♡

.
.
.
.
.
.

شمس: راحت ثاني يوم لَيال للمكتب واني ضليت احوص بالبيت نضفت وكملت كلت خلي اسوي الغده قابل الابنيه اضل مبتلشه بيه

. المهم والله وچان اتكوم ست شمس وياريتها ماكامت
لفيت شعري كعكه ولبست دشداشتي القصيره ورفعتها النوب على كوله لَيال مشلتحه شطبخ كلت اسوي مقلوبه اشو اشتهيتها
جبت الخضراوات والحم والتمن وكل البهارات واتربعت بالكاع اجيب واثرم ومشغله خالتي ساجده اعبيد خمس دقايق اركص ودقيقه اثرم بس شنو اشو ثرمت الخضراوات ناعمه مااعرف ليش اجيت كليت الخضراوات الناعمه
وبدون لا احم ولادستور حطيت التمن جبت الحم بس قطعته وغسلته وخليته ويه التمن وجبت سبع ابهار وخليتهن ولكيت كركم وفلفل حار و بهارات برياني ولكيت نوعين ماعرفتهن وحطيتهن
ااوووف المهم النيه مومهم الطريقه صح المهم اكو طعم
من اضوگت الطعم ضربت ابريك  ماكو طعم ومامعروف شنو طعم الطبخه
باوعت عزه الكاع تلعب النفس
توني اريد احجي واكول من لَيال من تجي تنضف اشو هاي عاطت

لَيال: شنووووووو هااااي

شمس: وكرص لا كرص شبيجججج شصار
ركضت اريد اروحلها على اساس اهديها اشو اني زحلكت وانبطشت على وجهي

. اااااااا الله ياخذج لَيال ليش ازحلكت

يمه عزه جابت النعال وبلشت دك بيه

. ولج ااااخ عزززززه مااتحمل لَيال

لَيال: ليش اتحملين اتوصخين المطبخ ماتحملتي الضرب كومي
اني اضرب بيها وهيه اتبطنش تريد تكوم لحضه حسيت نفسنه مثل توم وجيري ضحكت وهيه تضحك
راحت حتى تسبح

شمس: اني رايحه اسبح ماشي عينووووني

لَيال: انكلعي من وجهي
راحت تسبح واني نضفت المطبخ على اكمل وجه ومطمنه هيه طابخه اشو اني فتحت غطه الجدر لو ردت انجلللط ريحه الدجاج زفره وبعده مامستوي والتمن مستوي والخضراوات نصها محتركه ونصها لا
.
. ولج شمسسس

شمس: هاااا عينوووو

لَيال: طبخ لو ضيم اليوم اهري جلدج الخايس
شلت الچفچير وطلعت اركض وراهاااا وهيه تركض واني اركض وراها كلما اريد اضربها تطفر وتركض ركضت للغرفه مالتها وسدت الباب وتكمز

. لَيال عيني وصي اكل من بره

لَيال: اوصي سم يسمج
رحت ذبيت الاكل ونضفت المطبخ انوب سبحت وطلعت وصيت الاكل واني دفعت الافلوس وهيه اجت تتمندل على راسي