سلهم

-1-

~~~~~~~~

#سلهم

بقلمي: : غفران

* البــــدايـــات *

بغـــــداد

الســاعه 10 صباحاً

كاعده ومركزه عيوني وي حركة الابره
مال المكينه فزيت علا صوت امي وهي تصيح

يمامه:: وللجج ديناا مو احجي ويااج ما تردين

دينا:: ها ماما هااااا

خزرتني قوي وكامت طفت المكينه واخذت الدشداشه

:: لا تصيحين للج وكومي شوفي الفاصوليا علا الطباخ لا تحترك يلله بسرعه

كمت ادردم بصوت ناصي خاف تسمعني رحت شفتها بعدها ما مستويه رحت يمها تحرك بيدها عاكده حواجبها متألمه منهن كعدت يمها احجي بضوجه

دينا:: ماما ليش ما تعوفين الخياطه ايدج راح يصير بيها تليف الحمدالله ما محتاجين الراتب مكفي

يمامه:: لا ما كدر اعوفها مساعدتني علا مسواك البيت والراتب بس للاقساط

دينا:: اهووو هسه الاقساط عساس هيه مليون هنه ميتين وخمسين وهاذ الشهر يخلصن شكو بعد

يمامه:: لا وللله والثلاجه الاريد اجيبها شلون

دينا:: اي مو كالتلج خاله اني اجيبها

خزرتني وصاحت

يمامه :: لااا عيب اني اجيبها ماعدي شي

رحت من يمها ضايجه ولا تقتنع ابدد لبست حجابي  وطلعت علا عمامي صايرين بصفنه كلش وعدنه باب داخل الحوش يعبر علا حوشهم دخلت صوت صياح وين واصلل اصواتهم تلعلع وصوتها مبين من بين كل الاصوات تصيح بعلو صوتها

:: ولللله مليييت منك لعبت روحي طلللكني خلييي اخلصص تعبتت منكك احممد

دخلت للبيت وي دخلتي ضربها راشدي فر راسها فر
تكومت بلكاع تبجي وتصرخ وتدعي علي وكلهم وكافين شهود محد تدخل بيهم بس يباوعون كاللها وهو يتحلف وعيونه طالعات من الغضب

احمد:: بتت النعاللل انعل ابوج لابو الجابج بت الگ*** تاليي عمري تتحكم بيه مرره امداااج وامده الساعه السوده الزوجتج بيها

اجتني كلارا وكفت بصفي كلتلها واني عيوني علا انغام الكامت وهي تلم بشعرها وتباوع علا خالتي بحقد

دينا:: شكوو كلارا أشو الجو متكهرب

جرتني من ايدي للغرفه تحجي

كلارا:: تعايي بلغرفه احجيلج

دخلت الغرفتها كلت كعدت علا الجربايه وهيه ذبيت حجابها واجت كلت الها بفضول