سلهم

-7-

••••••••••

#سـلهم

بقلمي: - غفران

- ليش اهتــم وعلــيمـن
-گلبي طاگ  ومحترك دمي
- واذا جاسو طرف شعرك
- واذا شموك؟
- غير انته شتهيت الشم

________

گاردين

اباوعله بشمئزاز وكلمته تتردد بمسامعي -انهي عليج - 
جبان اختار هاي الكلمه حتا يرعبني ويخوفني بس اني اعرف ماضل هيج شي ولا الله ولا عبده يقبل يصير هيج شي شي تافه يوگفون قسمة البنيه ويحرمونها

ليش تنهون عليها عذرهم احنا نريدها وابن عمها اوله بيها واحسن من الغريب عذر اقبح من الفعل زين اذا متريد ابن عمها شلون بلله لا رادته ولا مارادته انتي لابن عمج تفاهات وعقليات همجيه وحتا الطفل ما يفكر هيج تفكير مو حلو زين يمكن هل غريب احسن!!

يجوز احسن من ابن عمها هوواايي بنات ازوجن غريب وعايشات اميرات وهوايي ازوجن ولد عمهن واقاربهم ومسويهن خدم ومذلولات لأن حسب عقليتهم هاي بتنا لو نموتها  ماتحجي مو مثل الغريبه تروح تگل لاهلها

من بعد صفنه طويله علي واني نضراتي متمركزه علي وهوا كذالك واحد يباوع لثاني بتحدي وحقد وكره گال وهوا يمسح علا شواربه:- هاااا حبيبتي شنو رأيج

كمت من يمه بدون ماحجي شي گبل كام وراي سحبني من ايدي ولطشني علا الحايط دفعتا حيل ماوخر بلعكس زاد وتقرب اكثر لعبت نفسي من القرب مالته حجيت واني صاگه سنوني:- وخرر لا اصيح لأمي ولله

مارد. رجع خله ايده علا خدي يمسح علي نجنيت حرفياً اتلاوى ويا اريده يوخر ماكو لاطش لم ادي ليوره مقيدني من الحركه نصه راسه توه راد يبوسني

ماعرف شلون فلتت ايدي منا وهفيته براشدي اصابعي كامت توجعني من قوته رجع ليوره مصدوم فاتح عيونه علا كبرهن تفلت علي وگلت:- ادبسزز نذل ذرة مستحه ماعندك يا قليل الأدب كبر لهلخلقه الزفره

توه راد يهجم علي طلعت ركض  دخلت للصاله اسب واغلط علي بصوت ناصي نرفزني الخنزير النذل لاگتني امي كالت بسرعه:- هاااا

باوعتلها وداخلي يفور مقهوره لأن كاعد تضغط علي بهاي السوالف يحاولون يقنعوني مع انو هاهيه قفلت بس ماراضين يقتنعون نهائياً كلتلها واني امشي

:- خربت خطتكم يمه مارضه لو يصير نبي

كبل لا ترد گبل طبيت للغرفه قفلت الباب وكعدت علا فراشي نزلت دموعي ودقايق ونهاريت ابجي واشهك مخليه ايدي علا حلكي وي كل شهكه احس گلبي ينمرد

تمدتت علا فراشي اناشغ تعبانه امي من صفحه تحاول ما تجبرني بس سوالفها تعبتني وهيه كل يوم تعيد الموضوع علي وتحاول توصلي فكرة همام زين وخوش ولد ومن جهه همام وتصرفاته الجايفه ومن جهه عمي ادري بي توصل بي يجبرني ماعده مانع ولقرأن العضيم