سلهم

-5-

~~~~~~~~~~

#سلــهم

بقلمي: : غـــفران

تصويت بين الفقرات + نجمه + تعليق

:واگفلك اكثࢪ من هلك
مثل الجواز بعشࢪتك
واگفلك انه بغࢪبتك
بس انتَمو حگاني
لمن تࢪد من السفࢪ
وي التحبهم تلتهي
ووي الجنط تنساني

----------

ماريا

كاعده بلصاله وسيدرا يمي مسوين كعده كعك وجاي
مندمجه وياها وسمعت صوت الباب يندك رحت افتحه الشمس تحرك حرك برا بتموز فتحته واشوف حيدر
وي علي واكفين ابتسملي حيدر واني حجيت :- اهلاً تفضلو ادخلو

طبو جوا يمه فرحت فرحه من شفته صارلي مده طويله ما شايفته دخلو للاستقبال واني رحت للصاله
اصيح لأمي طلعت من الغرفه تفرك بعيونها توها كاعده

كلتلها:- ماما حيدر وعلي اجوو

عكدت حواجبها وگالت بستغراب :- شجابهم

:- ماعرف

راحت للاستقبال واني رحت للطبخ احضر بلضيافه فرحانه ومبتسمه من دون وعي اجتني سيدرا تحجي بستغراب:- شبيج ماريا اشو الابتسامه من الأذن للأذن

باوعتلها صفح وگلت :- شنو يعني حرام نبتسم

:- لا مو حرام بس جنتي مبوزه اشوو گبل كشرتي

:- اهووو سيدرا

:- احجي احجيي ترا مبين عليج

:- يا شحجي شبيج

:- ههههههه عليناا مارياا

ادغدغ بيه واني ختنكت اخر شي دفعتها ورحت للاستقبال وهيه وراي تضحك عدلت شعري وطبيت

قدمت الهم الضيافه وامي بس تخوزر بيه انتبه حيدر
وضل مركز نضره علا امي وعلي كذالك كعدت وهيه گبل كالتلي:- ماما ماريا روحي يم سيدرا عيب

هزيت راسي وكمت طلعت ضايجه رحت يم سيدرا
وهي طبت سلمت ورجعت يمي كلتلها :- سدرا

:- هاا

:- خلي نروح نتصنط يم الباب

:- ياا ليش

:- نشوف شيحجون صار عدي فضول

:- روحي انتي مالي خلك اني

عفتها ورحت يم الباب اسمعهم زين گالت امي :- اي ولله مثلما كلتلكم ماريا ما تطول هم خطيه ابن عمها يريدها ميت عليها وصلاوات هوا موضف وعدا سياره من هاي النوعيات الزينه واني كلت الهم خلي تخلص السادس وتعالو اخطبو وهم شرطت لازم تكمل دراستها

فتحت عيوني مصدومه ليش تحجي هيج وماكو اي شي من الكالته صح عدي ابن عم اكبر مني بس ما خاطبني وحتا ما متشاوفين هواي يعني صدفه