سلهم

-9-

•••••••••••••

#سلهم

بقلمي :- غفران

________

:- عريان السيد خلف

ﺎليـلة مُـوت ﺎلليـلة !
ﺎلليـلة ﺎخـر ليلـه .
ﺎلليـلة دمـِعي يـطرز ﺎلفانيـلَة:)
ﺎلليـلة ڪلبي يندفـِن !!
وتتدفن ويـا حـراره ﺎلچـيله')
يمهَﺎخـافـن .
يمه غطيني بسواد الشيله

_________

كلارا

بدا المرض يمشي اكثر بجسم عمتي ويأكل بيها وهيه انتهت ضعفت حييل وكامت حجي بلكوه تحجي وولدها ماقصرو وياها اكثر شي أذاها الجرعات التاخذهن الدكتور كاللهم نسبة شفائها 20% لأن مناعتها قليله ماتكدر تواجهه المرض ابد

واني اخ اني ضاله اتلوه تلوه لا ليلي ليل ولا نهاري نهار امي واختي دمرني التفكير بيهن هلكني ابجي وابجي لحدما ينهد حيلي عليهن لحد الان ما مطلعيها من المستشفى وبعدها تصحى شويه تضل تصرخ وتبجي

وترجع تتخربط مرتين يمكن رحت الها وبكل مرا اروح يرجعوني جنازه من اشوف حالها وهيه تكملها علي من تكعد وتضل تبجي علا دينا نتگابل ونضل نصرخ ونلطم

هيه يغمى عليها واني ازيد اله ان ياخذني متيم بلكوه وبعد ماخالاني اروح الها وبيوم من الأيام ومن اسوء الايام المريت بيها بهاذ اليوم ادمرت وانتهيت

كاعده علا السجاده ولازمه السبحه بيدي دموعي تنزل بهدوئ علا وجناتي اشكي الــ ربي بصوت عالي واشهك:- ربي تشوف حالي ولله راح اموت وماعدي صبر امتحانك صعب ولله صعب هنا روحي ولله لا تختبرني بيهن اللهي ولله امي انتهت علا بتها فدوه اللاسمك ماعدنه غيرك ولله انته ترجلعنه اياها سالمه مو ولله گلبنه خلص عليها روحي جاي تنسحب مني اللهي بجاه امير المؤمنين ترجعلنه اياها تعبنه ولله تعبنه

سحبت نفس ورفعت ايدي امسح بدموعي توني اريد اگوم الم السجاده ونفتح الباب دخل متيم وجهه باهت بمعنا الكلمه وعيونه ذبلانه يسحل بروحه سحل وكف بلباب يباوعلي بنضرات حزينه بلعت ريكي كلبي يدك حيل حسيته راح يطلع من الخوف شكله ابد مايطمن

كعد مهدود حيله كمت بسرعه جسمي يختض تقربت منا بحذر كعدت كدامه اباوع لعيونه نترسن دموع حجيت بسرعه بصوت يرجف:- شـ  شكو متيم شكو

غمض عيونه وسحبني حيل لصدره ضماني حيل حسيته يريد يدخلني بضلوعه توترت من الوضع وحسيت روحي تنسحب نغزني گلبي وگبل اجت صورة امي واختي كدام عيوني جر نفس بصعوبه وگال:- كلارا انتي تأمنين بقدر الله سبحانه وتعالى وشنو كاتب علينه وكل بشر هاذ يومه ولروح عدنا أمانه والله ياخذها ومايصير نعارض يحق النه نصرخ نبجي بس لا نعارض حكم الله