#رواية_تدخل_الشياطين🔥.
#للكاتبة_سوسو_الشريف 🖇️♥️.
.
.
.
الحلـــــ(9)ـــــقة ....
منار:ماما ماشية بنشوف حور نطمن عليها بالك مريضة..
سليمه:باهي بيش اطمنيني عليها مش تقعدي فوق وتلهي..
منار:حاضر..
ورقت...
منار ادق ع الباب:حور حور وينك...
ياربي كنها ما تفتح بالك راقدة خلني انخبط بلقوة..
حووور وينك...ونزلت تجري
منار:ماما ماما حور معش ماردتش ولا فتحت الباب بكل خايفة اتكون صايرتلها حاجة..
سليمه:شنو بااك طلعت مع سند..
منار:لالا قبل ما يطلع سئلته اذا حور قاعدة ولا لا..
سليمه حطت يدها ع صدرها:يستر الله ما يقعد صايرلها حاجها ..وطلعت تجري هيا ومنار...
سليمه وهيا ادق :حور حور افتتحي كنك يابنتي شن صايرلك ما اتخوفينش عليكي..
سند يجري بالسيارة ويلوم في روحه..
سند وهو متوتر:كان صارتلها حاجة استحاله انسامح نفسي انا الغلطان الي ما حسيتش بيها في الصبح وهيا مريضة وين يا سند حبكم الي قبل...
ياربي انشألله ما تقعد صايرتلها حاجة...
*ـ ـ ـ ـ ـ ـ ـ ـ ـ ـ سوسو الشريف🖇️♥️ ـ ـ ـ ـ ـ ـ ـ ـ ـ*
سما:من الي ايعيطو بسم الله..
تسنيم:مشعارف بالك الجيران..
سما:بس الصوت في الحوش خلنا نطلعو انشوفو شن صاير😨..
طلعن تسنيم وسما ونزلن يجارن يلقن صبايا ايتباكن..
سما شافت الصبايا الي جايات اتباكن وخالتها الي قاعدة تبكي...
جتها خالتها اضبطتها:ينعلي يا بنتي ينعلي ربي ايصبرك ربي ايصبرك ع فراق والدينك😭💔
حست كيف الي انصبت عليها اميه ساخنه وقعددت ترعش..
سما وطاحت ع الارض:شن صار من مات بابا وماما كيف لاا لاااا لاا بابا وماما استحاله ايسيبوني ينعلي ياربي لاا لاياربي...
تسنيم امصبيه وتبكي..
سعاد حضنتها وقعدن يتباكن مع بعضهن💔.
سما تبكي وتشهق بصوت عالي بعدت خالتها:بعدو..بعدو ..ع عني خ خلاصص انفسي انفسي انقطع عليا ياربي ياربي ياربي ما نقدرش انعيش بلاهم😭😭..
سعاد تبكي : حرام عليكي الي اديري فيه هكي اتعذبي فيهم..
سما : كييف تبيني ما نبكس بابا وماما الي ماتو ااههههه ياقلبي نار نار في قلبي.. ما عندي حد الى هما ياربي كيف بنعيش بلاهم ساعدني ياربي صبرني مش قادرة بابا وماما ف يوم واحد لا ياربي لاااااااا اهههههه😭💔..وطاحت دايخة...
تسنيم:سما سما وعدت تجري جابت اميه وبختها..
تسنيم تضرب فيها كفوف خفيفه ع خدها واتنوض فيها:سما نوضي سما...وهيا تبكي..
نطت سما وهيا تبكي:بابا ماما وين كنت نحلم ناا ها..
تسنيم حضنتها بقوة وقعدت تبكي معاها بصوت عالي..
كان منضر سما وهيا تبكي ايشق القلب💔...
رهف سمعت صوت العياط طالع من حوش سعد طلعت هيا وامها يجارن..
رهف خشت تسأل بعدها عدت تجري وحضنت سما وقعدت اتهدي فيها..
رهف:صبري روحك ياقلبي وحدي الله وحدي الله..
سما:لا إله الله اخخخ يارهف اخخ عزوتي عدو عزوتي عدو يارهف بنقعد في الدنيا بروحي سيبوني بروحي قبل جايين ولقوه حوش ونقعدو مع بعضنا لاكن هما سيبوني ياربي ليش ليش ياربي خذيتهم مني وسيبتني بروحي 😭😭..
رهف:ان لله وان اله راجعون😭..
سما نزلت عليها الكلمه كيف السكين وزادت تبكي:موعرها موعرها الكلمه ااخخخخخخ اخخخ😭😭😭
سما:ضهري انكسر عزوتي راحو معش بقالي حد ياربي بعدهم ما نقدرش انعيش بلاهم مش قادرة يارهف كيف يعني بنقعد بروحي خلاص معش قعد عندي لا بات لا ام سيبوني للدنيا و الناس يعني تيتمت هكي حتى ما فرحوش بيه 😭😭💔..
