فضيحه العشاق

بارت 1 كيف نستطيع أن نمنع قلوبنا من النبض

بالبداية احجيلكم عني اني اسمي ملك  جميله جدا جسمي متناسق وطولي 155 وزني 75  وعمري 20 سنه وبشرتي بيضاء بس العيب الي بيه اني عيوني وحده لون اخضر والثاني ازرق بس ما واضح الفرق هواي الا لمن يركز الشخص بيه  وصلت صف رابع  اعدادي وتركت المدرسه لان الوضع الأمني بوقتها مو زين واهلي يخافون عليه وما كدرت اداوم بعد ...اني كبيرة اهلي.. أبوي  عنده 3 بنات و2 ولد أكبر مني اسمه خالد يداوم بالمستشفئ معاون طبي بس طبعه😪🥴ينخاف منه هواي عصبي وما يتحمل .. واني واختي شذئ واختي ازل واخوي الصغير ماجد. المهم عايشين حياتنه ع حب الله وعائلتنا هادئه وتخبل جان بعائلتنا  واجب كل شهر أو كل مناسبه يصير تجمع عد بيت عمي الكبير (هم 2عمام بس درة من الله يموتون علينه واحنا بعد نحبهم ) وعمه وحدة اسمها غيداء بعده ما متزوجه عمرها 35 بس مو عمه اعتبرها صديقه الي دائما ع تواصل اني وياها  عايشه وي عمي الكبير هي وجدو وبيبيتي
المهم في يوم العيد  تحضرنا ولبسنا نريد نروح لبيت عمي (عمو كامل )متزوج وعنده 5 اولاد و2 بنات اولادة كلهم كبار وواصلين مرحله  ابنه الكبير زيد 🤮 يشتغل بالامن الوطني وشخصية جامدة وشايف نفسه كولش والثاني كميل☺️ يجنن طيب واخلاق وكولشي حلو بيه يداوم كليه قانون مرحله رابعه واخوانه الثلاثه بالمدرسه واخته  حنين بالسادس علمي  هم اعتبره اختي وصديقتي  طيبه كولش🥰
المهم في يوم العيد اني من طبعي احب اهتم بنفسي وبشكلي هواي ومن اطلع لمناسبه أو تجمع اطلع اخبل☺️💅 هههه لبست قفطان لون زيتوني ومكياج خفيف وشعري طويل كولش سحبته وبرمته وطلعت أميرة👸  واخواتي كذلك يخبلون لان احنا طالعين ع امي وامي عيونها خضر وبيضه كولش وطويله وسمينه وامي انسانه ماكو مثلها طيبه لأبعد حدود رغم عصبيه أبوي وقساوته احيانا بس هي  متحملته وصابرة عليه
المهم وصلنه جان تستقبلنه زوجه عمو وحنونه وعمتي وسلمنه عليهم وع عمو جان تكولي زوجه عمي شنو هلجمال ملوكه أن شاء الله نشوفج عروسه ضحكت اني 😅بعد وكت عمه   واحنا نسولف دخلو علينه ولد عمو كامل وسلمو علينه بس كميل ماكو واني من زمان مخليه عيني عليه  فضجت لان ما شفته
سالت حنين كتلها شعجب كميل ماكو كالت نايم بعده شوي ويكعد  اطمئن قلبي♥️ واني منتظرته بس خل اشوفه 
اجا  زيد كعد يمنه واحس نظراته مو طبيعية 👀👀الي واني مااطيقه 🤮 عفتهم ومشيت رحت للمطبخ وي عمتي
ملك....عمه  خل اساعدج وبين ما اني واكفه دخل كميل اويلي كلبي بدأ يدك يدك وايدي ترجف وصرت  حمره من الخجل سلم عليه هلو ملوكه شلونج شخبارج عاش من شافج واني كوتله تعيش ايامك هله بيك ماعرف شرد 🤤 كعد يمنه ع الميز يريد أمه تخليله ريوك واني بيني وبين نفسي كلت هاي فرصتي خل اتقرب منه واخليه يحبني المهم كعدت مقابليه ومادري شلون اجتني الجرأة وسالته ..ها كميل شخبارك ماكو حب أو زواج  هو ضحك وكال أي اكو حب  ..يمه واني غصيت ردت اموت  ههه هو كال شبيج خل اجيبلج ماي.
ملك ...لا شكرا ...كال خلي  اكملج السالفه اني احب وحده من زمان بس ما تدري بيه بس اني مفكر باجر بالدوام اصارحه اني هنا انجلطت متت بدمي كلت خلاص راح مني يحب غيري  خليته يحجي وطلعت ضايجه كولت لامي خلينه نروح للبيت  والدمعه بعيني كالت شبيج يمه ما بيه شي بس بطني توجعني  كالت فشله يمه خل نتغدا ونروح عيب نطلع هسه منهم  ..واني من داخلي ميته من القهر ودموعي تصب وصرت حمرة كولش وعيوني حمر ...وكاعده ورا امي حتي محد يشوفني
شوي اجا هو وكعد يمنه واشوفه عيونه عليه ما دارت ابد مني
كال ملوكه شبيج كالته امي معدتها تاذيها كال امشي اخذج للطبيب واني ساكته ولا حجيت كلمه  خليتهم يسولفون  ورحت  غسلت وجهي  ورجعت  هديت شوي بس ماكدر اباوع لكميل أو احاجيه كرهته كولش ودي اكتله لان اني احبه أموت عليه  وافكر بيه من زمان وهو طلع يحب وحده غيري. اويلي أموت اليوم ما ابقي
المهم اجا وقت الغدا خلينه السفره وكملت ترتيب الاكل وي البنات   ورحت اني
ملك ....ماما اني ما اكدر اكل معدتي تاذيني رايحه لغرفه عمتي فوك رحت كعدت نمت ع جربايتها واني ضايجه كولش
وبهل الاثناء دخل كميل عليه اني فزيت
هاشعندك هنا يله اطلع ......