فضيحه العشاق

لو عاكسني وكتي وين انطي وجهي وحتئ اهلي ضدي

وطول هاي الأيام اني احجي وي كميل بسكته عن اهلي لان محد يعرف بحبنا وبيوم من الأيام كميل اتصل عليه كال تعالي الليله يمنا لان محد موجود
زيد بالدوام وابوي واخواني طالعين بشغل بس النسوان بالبيت ف رحت الهم اني بعد ما خذت رأي ابوي وقبل واجت عمتي اخذتني ورحت الهم
ونزلنا كلنا ننام جوا يم بيبي وبالليل تواعدنا اصعد لكميل لمن تاكدت كلهم نايمين ف رحت يمنا وسهرنا سهرة تخبل بس صار الي صار بيها وبقيت ابجي وارجف شسويت اني بنفسي وهو يهدي بيه لا تخافين اني هذا الأسبوع اكول لامي تجي احاجي اهلج واخطبج ...هديت شوي ونزلت ابجي شافتني حنين كالت شبيج وين جنتي
ملك..كنت بالحمام معدتني تاذيني .وكعدت يمي شوي ورحت لفراشي اووف اني شسويت بنفسي وشلون وشلون

وللصبح ما نمت وبس طلعت الشمس كلت لعمتي وصلتني لاهلي وقفلت تلفوني ودخلت بحاله يأس
ورا يومين اجتني امي كال خابرتني مرت عمج اليوم راح يجون النه بس شكلهم خطابه يمه اني خجلت واستحيت
بس بنفس الوقت فرحت طرت كولت الحمدلله راح اصير من نصيب حبييبي
كمت نظفت اليوم وبخرته وسبحت وبدلت وتمكيجت شوي ودخلت عمتي وزوجه عمو سلمت عليهن وقدمتلهن العصير وطلعت برا ووكفت ورا الباب اسمعلهن جان اسمع صدمه عمري صدمه هبطتني ودمرتني
خطبوني لزيد وامي بدون ما تأخذ رأي تكولها أي طبعا بدون ما تكولين احنا منطينكم
اني وكعت واغما عليه. بعد ما ادري بنفسي لحد ما وعيت شفت نفسي بالطوارئ مخليلي مغذي عمتي وامي وزيد فوك راسي اريد أصرخ اكول لا ماكدرت ما حس عندي طاقه احجي بيها سكتت ودموعي تصب
لحد ما رجعنا للبيت واني ولا كلمه حجيت
ملك....ماما راح ادخل لغرفتي اريد ارتاح ورجاؤا لحد يدخل عليه ...خابرت ع كميل
الو وك جذاب وحقير ونذل مو كلت راح ادز اهلي يخطبوج وسويت سوايتك وشردت نذل
كميل ..شبيج عمري ملوكه ترا اني عد وعدي واليوم بالليل اني عدكم
ملك ..شتجينا ولك امك جانت عدنا وخطبتني لزيد انت ميت ما تدري شنو الي يصير من وراك
كميل ...من كالتلي ملك اهلي خاطبييها لزيد تخبلت شلون وشوكت وليش وزيد ما لكا غير حبييتي يخطبها سديت التلفون.ورحت لزيد وك حقير نذل شلون تخطب ملك اني احبها واريدها
زيد ...كميل انت النذل وك خطيبتي هي شلون تحط عينك عليها. من زمان اني احجي وياها وهي تريدني واني اريدها واذا تريد روح اسألها
كميل ...معقولة هيج تسوي بيه ملك .رحت وخابرتها
ملك ما تجاوب تلفونه مغلق ..راح اتخبل اذا ما حجيت وياها

ملك لازم اواجه اهلي واكوللهم ماريده رحت لابوي فدوة لعينك بابا ماريد زيد فدوة لا تنطوني اله ما احبه شوي ودخل اخوي ولج منينله بنت تكسر كلامنه وتكول ما ريد وج اليوم اكتلج واخلص منج خاف عندج واحد كولي وضربني موتني
وابوي ما عنده كلمه وي اخوي هو بكيفه شنو يريد يصير رحت ابجي واوون
رحت فتحت التلفون لكيت كميل مخابرني فوك 100 مرة خابرته ها كميل شتريد مني بعد كال اريد اسألج سوال وجاوبيني ولا تكذبين انتي تريدين زيد وصدك عندج علاقه بيه
ملك وك انت شتكول اني لو اريده شلون احبك وسلمتك نفسي وانطيتك شرفي وك انت تخبلت اني اريدك ما اريده والا اكتل نفسي واخلص
بها الاثناء بين ما اني احجي وياه دخل خالد عليه ولج ساقطه المن اطيتي نفسج ومنو ضحك عليج كولي وراد يأخذ تلفوني وكمت شمرته وكسرته خفت لا يعرف بكميل وياذيه
ولج احجي لا اكتلج وراح جاب المسدس يريد يكتلني واني من الخوف والبجي ماكدر افتح عيوني أو احجي
وهو فوك راسي
ملك مادري منين اجتني القوة ومسحت دموعي ووكفت
خالد راح احجيلك كولشي وشنو الي تريد تسويه سوي
اني احب كميل وهو يحبني وزيد لا اريده ولا أتزوجه
خالد ...وكميل شنو سوالج
ملك ...ما سوا شي بس مجرد نحجي اني وياه
خالد انتي جذابه سمعتج تكولين انطيتك شرفي
بس اليوم الا اكتله واكتلج
قفل الغرفة عليه وراح لبيت عمو يريد يكتل كميل
واني أصرخ بالغرفه كميل لا وج شذئ فدوة جيبي تلفون امي خلي اخابر وخطيه خواتي ورا الباب يبجن عليه وشمرتلي تلفون امي من تحت الباب واتصلت ع كميل
الو كميل فدوة اطلع من البيت خالد اجا عليكم لا يأذيك
وبقيت ادك ع وجهي واصرخ
كميل من اتصلت عليه ملك خذت سيارة أبوي وطلعت بيها واني مو زين بالسياقه ورحت امشي سريع وما شفت السياره الي كدامي من كد السرعه وصار حادث وبعد ما دريت بنفسي
خالد. وصلت لبيت عمي وطلعي زيد وشافني بايدي المسدس شبيك خالد شتريد .وك طلعلي كميل لا احرك بيتكم
ليش شبيه شمسوي
وك ضاحك ع اختي وماخذ شرفها