فضيحه العشاق

البارت الاخير ...ليس كل ما يتمناه المرء يدركه

خالد قرر يحرگ لبيت ع ملك وكميل .....
كميل...عفت ملاكي بالبيت وطلعت ..
ملك ...بقيت لوحدي كعدت صليت ودعيت ربي يخلصني من هذه الشدة وبقيت اقرء قران وابجي قريت وقريت لحد ما حسيت نفسي اريد انام
خليت القران فوك راسي ع مخدتي ونمت وبعد مادري بنفسي غفيت
خالد اليوم لازم اخلص منهم
  وطلع خالد أخذ بنزين وياه يريد يحرك البيت والدنيا ليل ومحد بشارع المزرعه بس هو
خالد...خذت شرب 🍾🍾وياي لازم اسكر حتئ احرگ اخاف ابقي بوعيي واتراجع وشربت شربت لحد ما  حسيت نفسي بلا عقل. 
ونزلت ورشيت البيت كله بنزين واني اضحك بصوت  عالي  واصرخ فاقد الوعي
كميل...رحت اشتري علاج ومسواك  طلعت ب ٦ العصر وأصر عليه حسام الا ابقئ يمه اتعشا واني صراحه حبيت ابقئ لان اريد اغير جو. وبنفس الوقت بالي يم ملك خاف تحتاج شي واني ما موجود  بس يله هي ساعه ساعتين وارجع للبيت
ملك ...اني نايمه والدينا ليل واحس صوت صراخ عالي برا اريد اكدر اطلع ما اكدر ف ضغطت ع نفسي ووكفت كلت خاف صار شي  لكميل ...وطلعت اشوف بس ياريتي ما طلعت
شفت خالد وهو بوضع يخووف بايده بطل شرب وبايده الثانيه يرش ع بيتنا مادري شنو
ملك...ها خالد شبيك خويه ليش هيج شتسوي
وج لا تكوليلي خويه لا اعرفج ولا تعرفيني واليوم الا احرككم انتي وذاك العار
لا خويه فدوة والله كميل ما موجود بس اني فدوة الك لا تسويلي شي  اني حامل واخاف
وج فضحتينيا وتريدني اعوفج .....
كميل...يله حسام رجعني ع البيت احس بملك محتاجتني خاف تعبانه
وشغل السياره حسام وطلعنه
ملك...وك خويه فدوة لا تسوي شي والله اني احبكم واريدكم بس ماكدرت اعوف كميل  ابوس رجليك لا تحركني لا تموتني لخاطر اطفالي
نوب حامل تكولي هسه صار كتلج حلال
وشعل خالد النار وملك تصرخ
البيت صار كله نار واني اريد اكدر اطلع ماكدرت
فبقيت ادعي ربي يارب انطيني القوه يا رب خلصني يارب لخاطر اطفالي لا ربي لا تحرمني وسبحان الله اجتني قوة خلتني اكدر اطلع بسرعه من البيت
وبهل الأثناء اجا كميل ....
كميل وصلت واسمع صريخ ملك والنار مشتعله وافتح باب السياره  واركض ملاكي وينج ملاكي لا تموتين
ملك...كميل الحكلي اني هنا ووصلني كميل وشالني.
بس خالد شفته وكع والنار اجت يمه
لا كميل عوفني اريد اخوي خالد لا يصير بيه شي
عوفني كميل
وركضت ع اخوي زحف وحظنته واجا كميل وحسام وطلعونه
خالد احتركت أيده  وفاقد الوعي بس فاتح عيونه ما يحجي.
خويه خالد حاجيني بس لا صار بيك شي
فدوة لكلبك خويه بس رد عليه  رغم كل الي سواه بيه بس كلبي يحن عليه هذا اخوي يا ناس
   يمه سودة عليه
صعدنا بالسياره وطلعنه
طبعا سيارة خالد احتركت ما لحكوا عليها
ورحنا للمستشفي  اني علگولي مغذي لان تعبانه واصلا قبلها اني تعبانه
وخالد ضمدوا أيده وبقوه يمهم لان من كد الشرب بعده ما منتبه
كميل ...وين اروح لا بيت بقي عدنه ولا أهل الي تريده
بس لازم اسوي شي

صبح الصبح بقيت ملك بالمستشفئ ورحت لاهلي لازم اواجههم .دكيت الباب واني لأول مرة احس كلبي قوي  وما اخاف
دخلت ولكيت امي وأبوي يتريگون
صباح الخير
امي نصدمت وكذلك ابوي
كميل يمه انت عايش انت موجود وركضت عليه امي حظنتني واني حظنتها وبجيت وج يمه مشتاقلج
اخ يا حظن امي ودي ما اروح عنها
وأبوي واكف مكانه ما تحرك ولا رد عليه
رحت نزلت ع رجليه يأبه اعتذر واني غلطان بس ما جان بيدي حل ثاني
يأبه وهيج تفضحنه وتفشلنه كدام العالم
بوي ما نطتوني فرصه اعيش وي البت الاحبها
روح بويه ما راضي عليك لا دنيا ولا آخره  وما مسامحك خربتنا وي بيت عمك وفشلتنا
وهسه جاي روح ......
لا يمه كميل لا تروح وين رايح ابقي يمي
يمه مرتي بالمستشفئ ورايح الها
....
خل اروح لبيت عمي ابو ملك واشوف...رحت دكيت الباب طلعتلي ام ملك
كميل.... شعندك هنا وين بتي احجي
ها عمه شلونج
يا شلوني ولك حال الضيم حالي بنتي وين اريدها