فضيحه العشاق

احس ضايع بدونك تعال لخاطري وافتح عيونك

نقلوا ملك لمستشفي ثانيه بمحافظه غير محافظتنا وهي ع نفس الحاله
بيتنا صار حزين كأبه حزن صارت حياتنا بعد ما جان بيتنا مبني ع الحب والسعاده هسه صار العكس صرنا نشوف بيتنا كابوس ودنا نشرد منه
شذئ...رجعت اني وامي للبيت وراح ابوي وعمو سعيد (عمو الثاني متزوج وعنده ٣ بنات صغار بالابتدائيه )
وي ملك للمستشفئ لان كالو بعيده وما تكدرن ترحن ويانه
رجعت للبيت واشوفه مو مثل قبل وخاصه غرفه اختي ملك دخلتلها وكلبي انفطر من شفت اغراضها مشمره بالأرض  ومكسرات ودم ع جربايتها والاهم اختي ما بيها شلووون ياربي ادخل واشوف اختي ماكو
معقوله اختي تموت وتعوفنا
معقوله اختي ما تلحك تلبس البدله البيضا حالها حال البنات
معقوله اختي تموت وما تتهنا بشبابها
يااارب أوصيك باختي ارحمها وشافيها
وارحم حال امي الي ع صرخه وحده شما تحجي ونكول امي ما تقتنعع تريد اختي
..........خالد ..رجع للبيت واحسه متندم وادري ضميره يعذبه هسه بس يكابر  اجا يحجي بعصبيه ويانه  ويصيح واحنا ولا واحده جاوبتا خليناه يحجي لوحدة
عافنا ومشا
شنو فائده ندمك هسه واختي راح تموت بسببك

كميل..صارلي اسبوع من طلعت من المستشفئ بس ماكو خبر عن ملك من الي اسأله يكول مادري واني ماكدر اروح لبيت عمي
لحد ما اجيت اريد اشوف عمتي وسمعتها تحجي وي شذئ اخت ملك وتكوللها شنو وضعها ما رجع الها الوعي ما صارت زينه وتبجي عمتي وتكول سودة عليه عمه ما تهنيتي بشابج
واني اقتحمت الباب ودخلت خذت التلفون من عمتي وحجيت وي شذئ
الو شذئ احجيلي شبيها ملك
شذئ ...بحسرة وصرخه وك كميل اختي جاي تموت اختي راح تروح منا عجزوا الأطباء منها وهي بس النبض يتحرك بيها وك كميل اختي  اختي كتلوها زيد وخالد ما رحموها
كميل ... بدمعه وصرخه والله ملاكي ما يموت  ما تعوفني وتروح ....سديت التلفون منها
.وك زيد اليوم اكتلك
وعمتي لازمه بيه وك عمه انت مريض وايدك هلمجبسه استر علينه لا تحجي وك عمه لا يصيرلك شي
كميل وكعت ع رجلين عمتي واصرخ وج عمه البت الي احبها من سنين خذوها مني ليش اخوي حرمني من سعادتي ودمر حياتي وج عمه كلبي يوجعني اريد اشوفها
وج عمه ملاكي تموت واني ابقي عايش مستحيل
اريد اروح اشوفها ....
عمه غيداء ...اي عمه هسه نروح اني وياك وشوفها بس ياعمه خاف تشوف خالد هناك وتصير مشكله
عادي عمه اتحمل اي شي بس اشوفها وارتاح
شوي وطلعت امي وزيد ها وين رايحين ماكو طلعه
ام كميل ...هاي البت فگر ماريد اسمع باسمها ولا تجيب طاريها ومن تخطي وتروح الها لا انت ابني ولا اعرفك دمرتك وهمزين ما رحتي من اديه بسببها شلون اخليك بعد  تروح أو تفكر بيها
زيد ...ارجع لك توا طالع من الموت وتريد تروح ورا كحبتك ارجع لا اكتلك
كميل ...لك انت سافل ونذل وكله من وراك دمرت البنيه وراح تموت بسببك  بس وحق القران ما خليك عدل اذا صار شي ع ملاكي
ام كميل ...الله يأخذها ويخلصنه من هلمشاكل
كميل ...يوم اش لا تحجين عليها والله اعوفلكم البيت واطلع
عمه غيداء...عمه كميل تعال ارجع لغرفتك وان شاء  الله تصير زينه ملك وترجع كفينه شر المشاكل فدوة لعمرك عمه
ورجع كميل لغرفته لكن مو معناها ما يروح لملك
بالليل اتصل ع صديقه حسام  وطلب منه يجيب سيارته ويجي عنده شغل لازم يطلع
فصار الليل وعاف كميل أهله وطلع منهم وراح ع المستشفئ الي بيها ملك
كميل ...ا  ما يرضئ يمشي الوكت بيه  حتي اوصل لمحبوبي و اسولفله عن الالم وعنهم شسووولي  اخ يا محبوب كلبي 
وصلنه للمستشفئ وسألنه ع غرفه ملك ورحت لكيت بس عمو سعيد يمها ابو ملك راجع لبيتهم
ها عمو كميل شجابك
عمو شلونها ملاكي زينه
وك عمو خطيه يا زينه البنيه ميته بس النبض يتحرك بيها
عمو خل ادخل واشوفها
خاف ما يقبل الطبيب
لا عمو يقبل بس خل ادخل واشوفها

ودخل كميل غرفه ملك
لا مستحيل هذه ملاكي خاف غلطان اني بالعنوان ما تفقنا هيج تعوفني وتنام بهلمكان
يا نبض كلبي ويا دم الي بيه  يسري اكعدي شوفيني اني  حبييج اجيتج
كميل ...من دخلت الغرفه ملك نصدمت ماكدرت اشوف وجهه من الاجهزه جسد ماكو عباره عن اجهزه وبس
هذه معقوله ملاكي
هذه حبيبتي ام شعر الحلو أو عيون الحلوات هذه عمري
وكعت ع الأرض وابجي بشهكه اريد اصرخ بس ما يطلع الصوت
اجا عمو واخذني كال عمو ادعيلها بلكي الله يستجاب منك وتعيش
بقيت مكابلها للصبح واني صافن ما احجي  بس حرقه بگلبي وصوت بداخلي مال صرخه بس ماكدر أطلعه.......وغفيت مادري شلون نامن عيوني