فضيحه العشاق

اه علئ الأيام لو عكست

اجا كميل دخل لغرفه عمتي وكوتله اطلع كالي شبيج ضجتي مني
اني ما حجيت بهل الاثناء اجا زيد كال لكميل بعصبيه شعندك هنا شتسوون لوحدكم
كوتله شبيك انت تخبلت اجا كميل يشوفني لان مريضه   عافنا كميل ونزل
كال زيد امشي خل اخذج لهاي الصيدليه الي يمنا اجيبلج دوا ابوج وابوي كالولي اخذها للطبيب
كوتله ماريد عندي علاج بالبيت ومن اوصل اخذه كالي مالي خلك اتوسل بيج امشي خل اخذج وعافني ونزل

اوف ياربي شسويت اني شلون ورطت نفسي اني ما بيه شي شلون اروح للطبيب
المهم اجتي حنين نطتني من ملابسها بدي وبنطرون لبستهم وشديت شعري لفيته كوله ونزلت شفت كميل كاعد بالصاله كال اجي وياكم
كوتله لا ميحتاج
رحت وي زيد كال تعالي صعدي يمي بالصدر كعدت يمه وبدأ يشغل أغاني كله حبيات المهم وصلنه للصيدليه جبنا علاج معده ورجعنا وبالطريق  بقئ يفتر بيه زيد اخذني لطريق ثاني كوتله وين ماخذني انت كال عندي حجي وياج كوتله ترجعني لو انزل  ووكف السياره وكال بس خل اكولج شي اني احبج واريدج  وانتي ما تصيرين لغيري لو ع كص ركبتي كوتله انت شتحجي اني ما احبك ولا اريدك ولا يمكن بيوم اصير وياك ف هو بدأ باأيديه يتلمس بوجهي وبشعري كال مستحيل اخلي شخص غيري يلزمج واني وخرت ايده حيل وضربته راشدي مادري شلون رفعت ايدي عليه لان فقدت اعصابي
وهو عصب عليه وراد يخنكني كالي والله اكتلج  هنا واشمرج خاف عندج حبيب ولج احجي بصوت عالي
اني خفت منه وفتحت باب السياره ونزلت اركض  وابجي وهو وراي  يركض لمن وصلني وسحبني حيل من ايدي ووصلني للسياره صعدت واني دموعي تجري وهو معصب ويهدد ومن وصلنا للبيت قبل لاانزل كال اذا فتحتي حلكج وحجيتي اموتج
وصلنه وكعدت كوتلها ماما يله خلونه نروح تعبانه. وكميل عيونه عليه واني لازمه نفسي كوه من البجي
رجعنا للبيت وحلفت بعد ما اوصل الهم لو مهما يصير
ومرت الايام واني  حزينه من جهه كميل احبه واموت عليه وهو ما يحبني. ومن جهه هذا زيد اكره وهو يريدني
🤧😔😔
وصارت اكثر من جمعه عد بيت عمو واني مارحت ومن يرجعون خواتي يكولن كميل يسال عنج
واني  كلبي احسه مات من جهه الحب
وبيوم من الأيام خابرتني عمتي اني جنت اتواصل وياها ع تلفون امي لان ما يقبل اخوي اخلي شريحه لتلفوني أو انزل برامج التواصل
ف خابرتني عمتي كالت اليوم ترحين ويانا حفله تخرج كميل وراح نمر عليج ناخذج كوتلها ما يقبل اخوي واو أبوي كالت اني راح احاجيهم
وخابرتهم عمتي وقنعتهم اروح وياها. فخابرتني كالت جهزي نفسج كوتلها اني ما عندي لبسه حلوة اروح بيها ما عتقد اروح كالت هسه راح أمر عليج نروح للسوك وبعدها للصالون نتمكيج ونطلع كبل للقاعه اني طرت من الفرح خذت فلوس من بابا واجتني عمتي وحنين و زيد هو الي يسوق بالسياره شفته وتعكر مزاجي لعبت نفسي منه ...خذت الطريق منزله راسي وما حجيت ولا كلمه
المهم نزلنه للسوك كولت لازم اشتري شي حلو ومميز واطلع حلوة اريد اشوف حبيبه كميل شنو
ف اشتريت قاط لون وردي فاتح كولش يجنن تنورة قصيره وحذاء كعب  اسود واكسسوارات
ورحنا للصالون... الحلاقه تخبلت عليه كالت ما يحتاج مكياج تخلين انتي حلوة. المهم سويت تسريحة لشعري رفعته ونزلتلي كذله وبرمتها ومكياج وردي خفيف بس طلعت توووب
بعد ما كملنه وإجا علينه زيد وصعدنه هو شافني وتخبل  كال هيج راح ترحين ويانه شنو رايحه لعرس كالته  عمتي مالك شغل بيها عوفها ...واخذ الطريق كله يخزر بيه ويسمع حجي اني انطيته اذن الطرشه ولا خليت بالي يمه   لحد ما وصلنه خابروا ع كميل يطلع النه ولمن وصل كميل اني كلبي وكع بأيدي  وبقيت ارجف مشتاقتله(يا بعد عيني ونظرها ويا بعد كلبي ونبضه) سلمت عليه من ورا خشمي وكعدت وهو تخبل عليه وكف يمي ودخلنه للقاعه والعالم كلها تباوع علينه لان كولنه حلوات وكشخه المهم زيد وصلنه ورجع  كال ما  احب هاي الأجواء
همزين خلصت منه حتئ اخذ راحتي لان اذا هو موجود اتقيد ...بقينا اني وعمتي وحنين واجو ورانه عمو وزوجته الي هم أهل كميل
واحنا جالسين ع الطاوله راح كميل جاب اصدقائه وسلمو علينا لان اجا يعرفهم ع عمو وسلمو علينه
وهم عيونهم زايغه بس صاكين احنا هم بقينا نباوع عليهم هههههه
وكميل عيونه عليه... اويلي عليك
ورا شوي كعد يمي كميل كوتله يله عرفنا ع حبيبتك نريد نشوف ذوقك بس اني بكلبي نار يارب تطلع مو حلوة
كال شوي واعرفج عليها ....يا حلوة ضحكت ااني ودرت وجهي عنه
.......