فضيحه العشاق

من البدايه واني خايف واعرف تفاركني

ومشت الايام وصار شهرين و وملك وكميل ماكو خبر عنهم عجززوا اهلنا وهم يدورون عليهم وما لگوهم
ملك ...اسعد ايام بحياتي هذه الأيام واني يم حبيبي بس بنفس الوقت اني مشتاقه لاهلي لامي. ابوي واخواتي ..بس شسوي
بس هذه الأيام احس بتعب ودوخه وتلعب نفسي   اوف ياربي بس لا رجع عليه مرضي
كميل..اشوف ملك تعبانه ودايخه ...شبيج ملوكه عمري
لا ما بيه شي
لا بيج شي
والله يا كمولي هاي الفتره مادري شبيه احس نفسي مريضه صارلي اسبوع ع هاي الحاله كل يوم اتعب أكثر...
امشي خل اخذج للطبيب
صدك تحجي انت وين ما خذني بلكي شافونه اهلنا

لعد شلون اخليج هيج مريضه
خلي اخابر ع حسام ياخذج
واجا حسام واخذ ملك للطبيب وكميل ما قبلت ملك يروح وياهم خوفا عليه
ولبست عبايه ونقاب حتئ محد يعرفها
لمن وصلنه وسويت تحاليل
عرفت أنه اني حامل
طرت من الفرح وحسيت نفسي اسعد انسانه بهل الدنيا (بس يا ترئ هذه السعاده راح تدوم)
ورجعنا لبيتنا واشوف كمولي كاعد بالباب ينتظرني
حبيبي كمولي مبروووك راح اصير اب
لا تشاقين
ايي والقران ....اويلي يارب فدوة لا سمك
شريد من ربي بعد ملاكي وبحظني وطفل راح يصير عدنا
حسام....خليت الحبايب متونسين وطايرن من الفرح ورجعت للبيت

كميل...شوفي ملاكي من هسه ممنوع بعد اي حركه طبخ وتنظيف عليه اني شتريدين اني بخدمتج وبخدمه ابننا
.ههههه اموت عليكم
ومرت ايام وكميل وملك اسعد اثنين...رغم تعب الحمل ع ملك لكن بوجود كميل كلشي يهوون
شذئ ...امي تمرضت صار عدها ضعف بعضله القلب من كد ما تبجي وتون ع اختي ومن حجي خالد عليها يوميه يجي يعاركنه وكسرة ابوي الي يستحي يطلع للناس ومن
حجي ام كميل ..الي كل فتره تتصل ع امي تعاركها وتفشلها كله من ورا بنتج الي ماعرفتوا تربوها ابني خسرته والله يعلم هسه ميت عدل...وبذاك الحجي....
اوف يا ملك شسويتي بينا
.زيد ....أخذ خطيبته وراحوا لاربيل تزوجوا. لان ما يكدرون يسوون عرس هنا خاصه بعد هلفضيحه العالم صارت كلها تحجي عليهم

ومرت ايام وصار ع حمل ملك اربع اشهر .
ملك...كعدت الصبح اريد احرك رجليه ما كدر نفس الالم الي حسيته واني بالمستشفئ من كالولي صرتي مقعده
نفس الالم حسيته هسه من حركت رجليه
صرررخت اااه كميل الحك عليه اني تشللت
كميل ..فزيت مرعوب ع صريخ ملك اني تشللت
حبييتي شبيج
وك الحكللي رجلي ماكدر احركهم اني تشللت اني ماكدر بعد امشي
كولي يا الله حبيبتي أن شاء الله ما بيج شي
خابرت ع حسام اتصل عليه مغلق واني ماعندي رقم غيره
لان غيرت رقمي القديم وجبت واحد جديد بس رقم حسام بيه
يا ربي شلوون واركض للشارع ادور ع سياره وماكو بقيت أكثر من ساعه  واكف بلكي سياره تجي والحمدلله حصلت ورجعت خذت ملك ورحنا للطبيب وهي سودة ع كلبي بس تصرخ وتبجي ماتكدر تحرك رجليها

وصلنه للمستشفئ للطوارئ وشافتها الدكتورة وفحصتها  وكالت لازم تبقئ بالمستشفئ لان حالتها الصحيه مو زينه
وبقينا بالمستشفي
واحد من قرايبنا موظف وي خالد بالمستشفئ هو بالطوارئ🐍🐍 شاف كميل
وراح ع خالد لان خالد بغير قسم يداوم بس بنفس المستشفي
خالد وينك لك تعال مو اتدور  ع كميل هذا كدامك وانت ما تشوفه هذا يفتر بالمستشفئ وبراحته وسوالكم فضيحه ولا اله شغل بيكم شنو ما متعرف بيكم
لك روح طم عارك روح أخذ ثارك
بعد ما كالي هذا الكلام احس شعل نار بصدري ودي اروح واكتله

بس كلت لازم اهدي  واشوف وين يوصل وشعنده هنا
رحت بعد ما سألت واستفسرت عرفت أنه جايب ملك مريضه حالتها مو زينه
ورحت من بعيد شفتها بس نصدمت هاي ملك هيج صاير بيهة ضعفانه حيل ووجهه اصفر وكلش متغيره
مهما يكون هي اختي والدم يحن ...ودي اركض احظنها .بس لا صوت بداخلي  يكولي لا وكلام قرايبنا وكلام  الناس   هذه جابتلكم الفضيحه لازم اتخلص منها
وبقيت اراقب كميل اريد اشوف وين كاعدين
ورا يومين واني عيني عليهم طلعوا من المستشفئ ...واني وراهم
كميل...ملك احتمال كبير أنه ترجع مقعده لان الحمل مو زين عليها كلما يثقل الحمل تتعب أكثر وخاصه أنه بيها توام ف تعبهم وثقلهم أكثر من الطفل واحد
ف گوة تكدر توكف وتمشي ولازم ما تمشي أو توكف هواي لازم هاي الفتره ع كرسي
جبتلها كرسي متحرك وصعدته عليه. وحبيبتي لا تضوجين بس هاي الفتره وترجعين تمشين ع حيلج هسه لان حامل .
اهون عليها حتئ ما تضوج
ورحنا لبيتنا ......
خالد اني وراهم ...لحد ما وصلوا لمزرعه وبيها غرفه مادري بيت ونزلوا يمه  واني من بعيد اراقبهم حتي ما يحسوون عليه
من عرفت مكانهم وين  كلت لازم  اتخلص منهم وادفن العار
وهمزين هم هنا بمكان محد يعرف حتي شما اسوي بيهم محد يعرف

كميل ...وصلنه لبيتنا ونزلت ملاكي والدكتوره كتبتلنه ه ابر ومغذيات لازم اروح اجيبهم
بقيت ملاكي بالبيت
حبيبتي اني رايح ساعه بالكثير واجيج بس اجيب العلاج واجيب مسواك النه واجي
ملك...كميل فدوة لا تردني راح اطلب منك طلب .
هاك هذا محبسي روح بيعه واشتري بيه لأن ادري خلصت فلوسك واذا ما بعته ازعل عليك
لا حبيبتي والله عندي 😑
لا لخاطري بيعه وتسوك النه كولشي☺️😘
يله حبيبي روح
وطلع كميل من البيت وبقت بس ملك بيه
خالد .. بعد ما رجعت للبيت وبقيت افكر
.لازم احركهم مثل ما حركوا كلوبنا .....