مرحبا بيكم في قصتي الاولى
كاين وحد الطفلة اسمها ليليان زينة ورزينة عينيها عسلي وطويلة وعندها لاطاي شابة هيا من عائلة غنية تعيش مع بيها وامها ومازالت ساعية بش تكتاشف سر لي مخبيه باباها ويماها عليها عمرها 23 قارية ومكملة قرايتها المهم هذي هيا بطلتنا، بيها كانت عندة شركة اسمها liliوكان يخدم فيها هوا وبنتو ليليان هو المسير العام وهيا شادة تخصص من تخصصات الشركة، وبالطبع بيها عندو اعداء بزاف منهم مهدي عمرو25 زيين ورزين جاي سبورتيف مش خلاط لون عينية اسود غاااامق وبيو كانت عندهم شركة تسير الكثير من الفنادق في ذيك المنطقة
صباح جديد على بطلتنا ليلي
الخدامة: دق دق دق (دقات الباب) مادام ليليا راهو جا الصباح لازم تنوضي
ليليان: اوووك راني نايضااا
ناضت دارت دوش خفيفة لبست تريكو تاع صيف قصير مع شورت جين وطالون نوااغ ونشفت شعرها وهبطت فطرت مع دارهم
ام ليليان:صباح الخير يااميرة
ليليان: صباح النور ماما
ام ليليان: راكي شابة كل يوم تنوري الدار بضحكتك وزينك
اب ليليان: ايه مشاءلله ربي يزيد تنويرتها
ليليان: مفهمتش وين راكم تشوفو ضحكتي مكمش حتشوفوها حتان تحكيولي السر هاذا
اب ليليان: اووووه ليليان مكاين حتا سر مفهمتش شكون راه يعمرلك في راسك هكا
ام ليليان: اييه والله نحي هذو الافكار
ليليان: مالا نهار كي كنتو تهدرو وحدكم في الشومبر وتقولو هاذا الشيئ ملازمش تعرفو ليليان وشي هوا
ام ليليان: اووووه كنا نهدرو على الخدمة بررك كنا باغيين نديرولك سوربريز للخدمة لجديدة تاعك
اب ليلي: ايه والله هاذا غي توسويس
ليلي: انا شبعت ديجا رايحة نفطر في الشركة هيا باي
ام ليلي: يخااه مكليتو والو من الصباح ارواحي تاكلي عد كشما يصرالك
ليلي: رايحة ناكل في الشركة مشي منيش حناكل طوووول هيا باي بابا نتلاقاو مبعد
اب ليلي: ايه باي ربي يكون معاك
قعد الاب والام في نقاش طويل وكفاه حيخبيو السررعلى ليلي (متخااافوش السر حتعرفوه حتعرفووه متتسروعووش🤣🤣)
نروحو لمهدي وبيو (محمد)
مهدي:وراك متأكد من هاذي المعلومة يخي كامل نعرفو سي طاهر(اب ليلي) هو ناس ملاح مش لهاذ درجة توصل بيه لهنا دراهم عماولو عينيه
محمد: والله كيما تقول دراههم عماولو عينيه وزعما بنتو تعرف ولالا
مهدي: لا مشكيتش لكان جات تعرف راهي متحطش رجلها فذيك الشركة ولا تشوف في وجهو
محمد: ايييه معاك الصحح وهو يحبهاا بزاف بصح للاسف يبدلها بدراهم
مهدي: متستاهلوش تقول ماهي بنتو
محمد: المهم خطانا من وسايخ سي طاهر انا ضكا كفاه نطيحوه لازن نلقاو حل قبل مايطور هوا وخدمتو
مهدي: والله ماعلابالي بصح جاتني فكرة في راسي
محمد: بسم الله انطق
مهدي:..................
ليلي قاعدة فلميكرو فخدمتها تشوف زوج رجالا واحد كبير وواحد صغير فلااج دخلو عند بيها استغربت على خاطر هاذو العباد اول مرة تشوفهم فالشركة ولا مع بيها ستناتهم يخرجو مبغاوش يخرجو(طبعا بيروها قدام بيرو بيها) راحت جات داخلة عليهم سمعتهم يهدرو على اتفاقية مش مفهومة وهوما كي جاو خارحين زربت هرربت راحت لبيروها كي خرجو راح ليها بيها باه يهدر معاها، طبطب الباب دخل وقعد فكرسي
طاهر: ليلي لازم عشوة على 4تكوني حاضرة فمشروع
ليلي: مشروع تاع واه ومعامن
طاهر: اجوبة تاع اسئلتك على 4تاع العشوة
خرج وخلاها مع اسئلتها
على 4تاع لعشية وجدت روحها وراحت للبلاصة لي حيديرو فيها اجتماع كانت روطار شويا (تعرفوووو لبناات والتأخيراات 😂) كي جات داخلة لقات.....
التكملة في البارت الجاي❤❤❤
أنت تقرأ
احببت عدوي✨❤ (باللهجة الجزائرية 🇩🇿)
عاطفيةقصة رائعة 💖 تحكي على بطلتنا ليليان وبطلنا؟؟؟؟. متكونة من احداث كثييرة. ولكن احداث النهاية حزينة😔 نتمنى تعجبكم ❤متنساوش ديرو ابوني🥺واعطوني رايكم ولا اي قصة بغيتوها نديرهالكم❤❤
