ليلي: متأكدة لانو فالنهاية كل واحد يدي على واش حصد في هاذ الدنيا وانا نهايتي اني ننسا هاذ الذكريات وهاذ لعباد لانهم ضحكو عليا وبسبتهم وصلت لهنا وانا حاليا راني متاكدة من هاذ القرار بلاك ننسا كل هاذ الذكريات الكحلة مع ماما وبابا وبالاخص امير لازم نروح لازم وبالخص نتا كنت عدويا بصح عرفت ضك الصح
مهدي: مزالني عدوك؟
ليلي: ٠ههه كشما بقا عدو راني رايحة ومنيش حنتفكر لا صحابي ولا عدويا من هاذ البلاد هيا باي لازم نروح نوجد روحي
مهدي: غير غدوة راكي معروضة لعرسي
ليلي:...........
مهدي: ليلي؟!
ليلي: حتزوج؟
مهدي: ايه حنتزوج ونتمنا تحضري لعرسي
ليلي: مهدي انا
مهدي: نتي؟
ليلي: انا راني مروحة باي
راحت تجري بلا مايجاوبها وزادو دموعها مسكينة تبان كي ساندريلا الزين والحطة والدموع يسايلووو راحت وصلت لدار تلم فحوايجها وتبكي دموع محبسوش منها تفكرت بلي راهي رايحة تسافر وخيانة بيها ومها ااا وزواج مهدي
ليلي: زواج مهدي؟؟!! وانا لاه راني نبكي خليه يتزوج على روحو
والدموع يغلبووها
ليلي: علاه ياليليان حبيتي عدوك لاه هوا ماكانش حيخزر فيك لاه حبيتيه علابالك مستحيل يحبك من برودو اتجاهك وخدايم بيك لااااه ياربي راني احببت عدويا وش ندييير
فات النهار وهيا بالبكا رقدت ياربي زوج سوايع ولا تلاتة
(نهار عرس مهدي تقلع الطيارة على 3تاع اليل يسما يكفيها الوقت) مهم راحت دارت شوبينغ وش حتلبس فعرسو شرات غوب ميني نواغ مع صاك وبوشات نواغ قررت يكون كلش اكحل على زهرها راحت دارت على بلادها وكل الدكريات حتا بلاصة لي كانت تتلاقاها فيها مع امير راحتلها وخلاتلو رسالة فيها وراحت مهم وصل اليل راحت رقدت بكري ناضت بكري باش تلحق راحت لبست سروال وتريكو فطرت جاتها رسالة فتلفونها من امير بعد ماقرا الرسالة المكتوب فيها(اهلا امير انا ليليان ليلي تعرفني باينة نتمنى تقرا الرسالة هاذي مليح وتتمعنها وتخمم فهدرتي ضك انا حبيتك ونتا اول واحد دخلت لقلبي ونتا حبيت ملاك محبيتنيش معليش حاشت القلب مش حاشتك ولا حاشتي جرحتني بزاااف بكلمة نتي السبة نتا سيير راك باغي تتهنا مني وتعيش معا ملاك حياة زوجية وتجيبو ولاد وتربوهم في عزكم مهم بغيت نوصلك فكرة انو راني رايحة نسافر لايطاليا تتهنا مني ومن تكسار راسك بيا انا حاليا خسرت كلش ماما بابا نتا خدمتي كلش كلش كان عزيز عليا ونتا مزالك في قلبي ومتزيدش تستغل نقطة ضعفي وباي) جاتها رسالة منو
امير:ليلي!! وش بيك راكي بصحك حتروحي وتخلي كلش موراك هكا بهاذ السهولة عمبالي بلي كرهتيني من ليجاست تاوعي وقلبك مزال يحبني بصح نتمنى تسمعي كلمتي ومتروحيش خمي مليح تقدري تضيعي بحياتك بقصد انك تسافري(قراتها والدموع فعينيها زادت لحقتها رسالة) ويكت تروحي لازم نهدر معاك فموضوع مهم
ليلي:اليوم على 3تاع اليل
امير: نقدرو نتلاقاو ضك
ليلي: نن اليوم رايحة للعرس تاع مهدي
امير: شكون مهدي
ليلي:صديقي مهدي بن قاسم
امير: اييي صحا حتا انا راني معرض لعرس وليد صاحب بابا بن قاسم بلاك نتلاقاو تما ونهدرو
ليلي: اوك نتلاقاو تما ونهدرو
كوبات ليلي
وراحت ترتاح شوي ومبعد راحت عدلت روحها دارت شعرها كواف لمتها طلعتها وطلقت خصلات ودارت ماكياج جاها يهبل لبست حوايجها وخرجت لقات طاكسي تسنتنا فيها تشوكات هيا ماهي موصية حتا واحد راحت مشات وخلاتو عيطلها
التكملة في البارت الجاي ❤
أنت تقرأ
احببت عدوي✨❤ (باللهجة الجزائرية 🇩🇿)
Romanceقصة رائعة 💖 تحكي على بطلتنا ليليان وبطلنا؟؟؟؟. متكونة من احداث كثييرة. ولكن احداث النهاية حزينة😔 نتمنى تعجبكم ❤متنساوش ديرو ابوني🥺واعطوني رايكم ولا اي قصة بغيتوها نديرهالكم❤❤
