احببت عدوي✨❤ (باللهجة الجزائرية 🇩🇿)

P3

مهدي: نبغي نجي هنا باه نشوف حالتي ونستشفا فيها تشدني الضحكة على روحي والندامة لي تقتل فيا
ليلي: عمرك ماتضحك على روحك وعمرك ماتقول ندمت قول ديما تعلمت دنيا دالات وبلاك تجي دالتك فكاش نهار ومتزيدش تبهدل روحك هاذي راك غي تنقص قيمتك من عينك
(فجأة يجيها مساج فتلفونها) اااا اسمحلي لازم نروح
مهدي: خير كشما صرا
ليلي: لالا والو غي مصاج من صاحبي اااا صحبتي
مهدي: اه اييي معليه (كي راحت جات خارجة عيطلها وقالها) ليليان بااي
ليلي: عيطلي ليلي برك باااي مهدي
خرجت وراحت بطاكسي تاعها راحت ديركت لجيهة لبحر وتلاقات مع صديقها امير(تعريف بسيط عن امير هو وليد خالت مها يسما يكلها جايين اصدقاء هيا تحبو بصح معرف هوا جاي تاع مصلحة وعندهم بلاصة ديما يتلاقاو فيها و كل مايكون واحد زعفان يروح تما ويعيط لوخر)
ليلي: امير(راحت تجري ليه ) خير وش بيك؟ كشما صرالك؟ متحيرنيش عليك شكون دارلك هك؟ متقوليش شربت تاني؟
امير:(عينيه حومر من الحزن) يااااي قولي وش مصراش مش وش صرا مابيا والو هاذي غي لي حبيتها دخلت فيا موس اليوم وواحد ميديرلي حاجة
ليلي: اه ملاك؟(للعلم ليلي كانت تشتيه وكانت كل مرة تتحرق كي يحكيلها على ملاك لي يحبها)
امير: ايييييه ياربي وش درت فحياتي يخي مدرت حتا حاجة غالطة مقتلت ماسرقت لاه راك تعذب فيا هكا علاه راك تبعد فيا على طفلة لي بغاها قلبي لي قررت نبني مستقبلي ونعول عليها يا ليلييان فهميني برك يخي انا منستاهلش هاذ لمعيشة
ليلي: امير فهمني كلشي باه نقدر نونسك
امير: تخيلي تضحك عليا قدام الغاشي قدام صحابي هاذي قلت عليها ماعليش خرجت عليها الهدرة هاذي قلت عليها ماعليش بصح باه تجي وتقلي نتا غير نحيها من بالك نديك ولا تديني نتا ماكش لي تصلحلي نتا لازم كلع نيفو باه توصلي نتا يااااااااااه ياربييييي
ليلي: في انفاسها تقول(انا نضل نونس فالناس على قلبهم وانا مالقيت غير افماري تقلي اخطيهم وخلاص) شوف امير نتا تقدر تعيش حياتك وتبدلها حتا هيا راهي تبهدل فيك لكان بعدت عليها من اول لقطة لاه حتان تتعلق فيها
امير: نتي نتي السبة
ليلي: اناا؟
امير: بسبتك راحت وخلاتني كانت هيا تشتيني كانت ديما تونسني بصح نهار جات لهنا وشافتك تبكي ومحضبتني خطااتني لااه يا ليليان لاااه دمرتيلي حياتي لي درتها صصديقتي نشكيلها وتشكيلي دارتها بيا
ليلي : امير راك فاهم وش راك تقول انا عمري مابكيت ولا جيت شكيتلك كنت نجي غي علاجالك باه نونسك علااه نتا كنت تجي تحضني وحدك وانا نونسك هكذا بعد كل هاذ السنين لي جيت وحليتلك مشاكل وهمومك ونسيتك من ذوك لي تكرهم وعادييهم ومبعد تجي تقلي نتي السبة(تبكي وتحكيلو) انا توقعت منك كلش غي هاذي ايه بصح انا واش عمرك ماحسيت بيا ولا سقسيتني وش راكي ولا قتلي تستاهلي خرجة ولاقتلي شكرا الونسة لي ونستهالك علابالك لكان دريتك هك راني محليتلك همومك وماحليتلك قلبي
امير: كفاه قلبك؟
ليلي: لاه تحوس يخي نتا تشتي ملاك لاه جاي تحوس على قلبي عند من راه صااااي من اليوم منيش ليليان لي تعرفها من هاذ النهار وهاد الساعة والدقيقة والثانية انا ليليان ليلي راح نعاملك بهاذ الصفة ماكش راجل ومتستاهلش دموعي لي نبكيها عليك كل يوم فليل ربي يهديك وربي يصبرني اليوم بعد كل السنين هكا تجازيني خصاارة عليك
راحت مشات وخلاتو والدموعو مبغاوش يحبسوو وكل ماتزيد خطوة يزيدو
التكملة في البارت الجاي ❤