احببت عدوي✨❤ (باللهجة الجزائرية 🇩🇿)

P4

هيا تجري والدموع يزيدو حتان تتخبط في عبد طلع راسها تلقاه مهدي
مهدي: ليلي وش بيك وش كااين
ليلي: مهدي وش راك دير هنا، مبيا والو اسمحلي
شدها من يدها
مهدي: قولي وش بيك فرغي قلبك ومتخافيش (للعلم انو كي راحت ليلي عند امير كان اليل) دالتك انا الصباح وضك دالتك احكي ومتخافيش
ليلي: معندي مانحكي واش نحكي واش نخلي حياتي راحت بين كلمة جات من شخص عزيز
مهدي: ارواحي اقعدي فلكرسي امسحي دموعك واحكي متخافيش راني معاك ديريني كي صديقك
ليلي: اصلا نتا صديقي
مهدي: مهم احكي
ليلي: منقدررش
مهدي: كيما تحبي انا راني هنا معاك
ليلي: ياااااا وشمن زهر عندي لي يشوف من اسمي يقول راني عايشة معرف وشيه بداتلي لحكاية من لي كان عمري 19تعرفت على امير(مزالت تبكي وتحكيلو) درتو صديقي وكلش فحياتي طبعا معندي لا اخت لااخ يونسني ولا نحكيلو تعرفت عليه كي قفلت20سنة بغيت نعتارفلو في عيد ميلادي بحاجة اني نحبو صح اول مرة نحس بالاحساس هاذا اول مرة نحب نحس روحي منيش وحدي بصح هاذ الحب من طرف واحد برك المهم كي قتلو نتلاقاو في البلاصة لي مالفين نتلاقاو فيها جا وهوا فرحان لاه فرحان باينة لقا لي يحبها ملاك ولا لي خير مني مالقري انا كنت واش يقلي ندير ندير كنت كي لمهبولة لكان يقلي ارمي روحي فلبحر نرمي وفاتو ايام وايام جا عيطلي نروحو لذيك لبلاصة وهوا حاكي لملاك عليا بصح غير ليزامي بررك المهم عيطلي رما روحي عليا يبكي ويحضن فيا ويقول ملاك خلاتني كتفي ولا مرنخ من دموعو ونستو وحليتلو مشكل وهمو وكلش واسيتو مواسية الام والاخت والاخ والاب والزوجة ومبعد عيطلي قبيل رحت ليه قالي ملاك رايحة تزوج لقات لي يناسبها خير مني
مهدي: ونتي يخي عمبالك بلي يحب ملاك
ليلي: اصبر، قالي راحت وخلاتني بسبتك كي جيتي حضبتي عليا وانا عمري وحياتي لاجريت نحضنو ولا نحضب عليه كيما راني باغية كان هوا لي يلوحو روحو عليا وهوا سكران غي باه نونسو حكيتلو كلشي ورحت وخليتو حال فمو وهوا سكراان مفهمش وش بيا لي يحاتجني يلقاني بصح انا كي نحتاجهم مانلقا حتا واحد قدامي
مهدي: اششششش راني معاك وش تحتاجي راني هنا وش بغيتي راني هنا
المهم فاتت اليلة وليلي راحت روحت ومهدي روح وصباح جديد ناضت ليلي راحت هبطت لتحت شافها بيها ومها مش موجدة روحها لا والو
ام ليليان: ليلي وش بيك مش واجدة
ليلي: منيش حنروح نخدم ليوم بغيت نرتاح
طاهر: ليلي نحتاجوك فالشركة وزيد اليوم حنتلاقاو مع شركائنا الجدد مستحيل تغيبي
ام ليليان: هيا ازربي وجدي روحك
ليلي: طلعت زعفاتة وفنفس الوقت حشمانة كفاه حتقابل مهدي بعد ليلة البارح المهم وجدت روحها لبست اونسومبل مع طالون هزت صاكها وخرجت بلا ماتهدر مع حتا واحد مع العايلة هزت تلفونها لقات امير يعيطلها قالت سيير رجعتلو ملاك، كوبات فوجهو وكملت طريقها بطاكسي تاعها لشركة راحت دخلت لقات السكريتيرة
السكريتيرة: مدام ليليان راهو عندك  ضيف يستنا فيك فالمكتب
ليلي: اك شكون هادو
السكرتيرة:  سي محمد بن قاسم
ليلي: هاذا ماكان خاص
راحت للبيرو تاعها ودخلت
محمد: مرحبا بيك مادام ليليان
ليلي: مرحبا سي محمد لباس يخي ماصرا والو كلش بيا
محمد: لا ماصراووالو يسما كي نجيوك يعني كاين حاجة لالا ماكانش بغيت برك نتعرف على شريكتي وهكا
ليلي: ايييه معليش وش راك وش مع الحالة
محمد: والله لباس مع الخدمة ومع الدار الحمدلله
ليلي: الحمدلله
يجي سي طاهر لشركة ويشوف سي محمد مع بنتو ليلي يروح يدخل بزربة كان خايف من واه منعرف؟  
التكملة في البارت الجاي❤