احببت عدوي✨❤ (باللهجة الجزائرية 🇩🇿)

P13

المهم طلعت لدالة ولحقها امير
ليلي: اها هاذي اخر مرة تقابلني احكي وش حتحكي معنديش الوقت وثاني عد تفيق ملاك
امير: اووووووووف كرهتيلي حياتي بملاك كرهت هاذ الاسم علابالك(ويعيط)
ليلي: هه كرهتها وجاي عندي ضكا تعقب بيا الوقت
امير: ليليان تعيشي اسكتي خليني نحكي كلش ومبعد ديري رايك
ليلي: هيا رانس نسمع
امير: ملاك شخصية خيالية مكانش منها اصلا تلاقيت بيماك نهار فاقت بلي راني نحكي معاك قاتلي وش قصتك مع بنتي نحتاجك تخطيها ومنيش باغياتك دور بيها ولا نروح نحكي كلش لمك يعني ماما انا كنت نبغيك ونشتيك مبغيتش نبعد عليك ومبغيتش نقلك بلي يماك مهيش باغيتني بغيت نجرب نبعد عليك بصح مقدرتش ومكنتش نس***كر ومكنتش نش***رب خفت عد تنجرحي ولا جبدت هاذ الشخصية ملاك ما دخلت فيا موس ماوالو ومكيش السبة اسمحيلي على الكذبة لي كذبتها بصح خفت كشما ديرلك يماك خفت عليك والله نحلفلك بربي غير نموت عليك نحبك ونعشقك لكان نصيب علاجالك نرمي روحي منا تعيشي متسافريش هيا نبداو صفحة جديدة نتزوجو نعيشك لحياة لي راكي حاباتيها تعيشي راني راكعلك ونبكي متروحيش
ليلي ملقاتش وش تهدر والدمعة فعينيها
ليلي: امير طولت بزاااف لاه مقتليش قبل ماتموت يما هاذا وين باه تحكي ااه فات الوقت وزيد راهي 1تاع اليل مبقاش ونروح ولكان هاذ الهدرة هدرتها قبل هاذ الوقت على خاطر ضك منقدرش نغير قراري
امير: ليليان تعيشي متخلينيش تعيشي نوعدك نعيشك احلا معيشة من دي اللحضة منخلي حتا واحد يطيحلك دمعة من عينك تعيشي جاوبيني متقعديش ساكتة جاوبيني على الاقل برمشة عينك
ليلي: اسمحلي مي منقدرش
امير: قرارك الاخير؟
ليلي: ايه
امير: معليه روحي وربي يكون معاك بصح لازم تعرفي بلس نتي راكي ستسلمتي لهاذ الدنيا تبقاي على خير طريق سلامة
طرطقت ليلي بلبكا دارت موراها مالقات غير حل قدامها وقفت على الحاشية تاع الحيط وقالت
ليلي:امير اسمحلي على هاذ اللقطة بصح راني نحبك وعمرو ماينساك البال وعمرو مايمحيك القلب
دار امير موراه كي شافها عيط فرد عيطة
امير: ليليييي حبسيي وش رااكي ديري
ليلي: كنت نتمنى نعيشو فدار وحدة بصح ضك مستحيل اسمحلي
رمات روحها من الحاشية وامير هبط يجري ليها لقاها مرمية فلرض والدم يخرج من راسها راح عيط للاسعاف داوها لسبيطار راح لحقهم دخل لسبيطار قاعد فلرض قدام بابا شومبرة لي فيه ليلي ويبكي يستنا فيهم يعطيوه لخبر فجأة خرج الطبيب
امير: دكتور وش بيها وش صرالها يخي متروحش تبقا لهنا ماتموتش بعيد الشر عليها
الطبيب: اصبر شوي هيا ضك راهي بين لحياة والموت
امير: وضك
الطبيب:نخليوها شوي ومبعد نشوفو وش نديرو
راح الطبيب وخلاها وامير قاعد يخزر فيها من بعيد ويبكي فجأة يسمع الجهاز يررن (حبسو نبضات قلبها)
امير: يالفرملية ارواحي ازربي وش بيها
دخلو يجريو الطبة
الطبيب: زيدي طلعيهال300
الفرملية: طلعتها
الطبيب: لازم نعاودها اخر مرة اذا مصلحتش (خيبة امل)
الفرملية: سجلو دقيقة موتها
امير: ٠😮😮😮(يعيط ويبكي) 😮😮😮مستحيل ليلي متخلينيش زيدي جربي مماتتش جربي مستحيل هاذا مستحيل راكم تكذبو عاوديها تكوني غالطة علاباي متخلينيش
الطبيب: تعيش خويا اسمحلنا هاذا مكتوب نوض منا نوض منقدروش نخليوك هنا نوض روح ارتاح
امير:..................
الطبيب: اسمعي اديه يرتح شوي من هيه
فاتت جنازتها دفنوها وبقا امير على ذيك الحالة حتا اتخذ قرار انو رح يسافر لامريكا بعد عوام وسنين بعد ماسافر طبعا مزالت في بالو بصح مكتوب ولا بخدمتو وبدارو بصح مقدرش يحط حتا وحدة فبالو من غيرها كل مايتفكرها تشدو الدمعة ويفوتها
نروحو لمهدي لي تزوج ضك راه طور شريكتو وتوفا بيو بقا عايش هوا ومرتو وبنتو سماها ليليان وامو
ليليان: انا رحت وخليتكم خليتكم تعيشو حياتكم باه تتهناو مني علابالي اكل تكرهوني ماعدا شخص واحد هوا امير ضحى بحياتو علاجالي ربي يصبرو على فراقي، مهدي كان عدويا ومن جمالو عشقت فيه بصح ايقنت انو مش مكتوبي بابا دارها بيا هوا وماما وواحد لاوقف معايا فهاذ لحياة في اخر لحضة جا ليا امير وطلب مني يحققلي حلمي انا رفضت وخيرت نروح وناخذ جزائي. ❤🥺
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
هاذي نهاية القصة تاع احببت عدوي نتمنا تعجبكم هاذي اول رواية ليا شجعوني بلييييز وقوليلو اي افكار بغيتوها على الرواية لي باغيين نطلقهالكم ❤🫀