خيال مستبد

أعلان من مقتطفات ...

رُوايتي :#خَيال مُستبد .
                   بـ قلمي : حُلم الخُزاعي .
#بطل القُصه ،
        
                                .....

                       احداث مُسبقا ...

گعدت وتأملت الطريق وحطيت راس ليث بحضني وجان راس يمان بحضن أيثار ، وقمر راسها على الشباك لأن گاعدين ب الأخير علمود نگعُد سوا ...

حُلم : معقوله هذا طريق الجنه !!!

سمعت صوت مُساعد السايق يگول ...

مُساعد السايق : راح نوصل بعد ربع ساعه ..

گعدت اخواني علمود يصحصحون .. وصلنه وكلهم مثل المامستوعبين .... صرنه نمشي بين القبور ..تأملت قبر قبر وقريت سوره الفاتحه ودعيتلهم ب الرحمه وليث ويمان لازمين أيدي مايعوفوني وقمر علساس الچبيره هم نفس الحاله وي أيثار ..

حُلم : شبيكم خايفين ؟
ليث : مخايف أني بس اريد انشي يمك
يمان : بيوم حنكون بهيچ مكان !؟؟
أيثار : لا مو براسكم ريشه أكيد تكونون بهيچ مكان شمتوقع ؟؛
حُلم : ع كيفك وياهم...
ليث : حلم لاتهدني عفيه
حُلم : ليوثي شبيك ..؟
ليث : مااعرف .....بصوت يتراجف
يمان : ترا ليث عنده فوبيا من الأماكن الضيقه يمكن تخيل شكل القبور من الداخل ....
حُلم ؛ زين انت شبيك ؟ وجهك اصفر !!
يمان : شفت قبر بنت ميته بيوم ميلادي
حُلم : باوعوا لتفكرون ب القبور ولاتباوعولهن اني يمكن لتخافون راح نوصل ... ماكو شي يخوف بلعكس هسه كل هذول يم رب رحيم ...

وصلنه وطلعنا من المقبره ووصلنه للتفتيش فتشونه ودخلنا للحضره وگعدنه بمكان على أحدى السجادات بس مو داخل بلخارج .... بقينه نرتاح ......... وفجأه صاروا يدخلون تابوتات لداخل ضريح الامام علي (ع) ...

قمر : شفتوا المقبره مساع هنا يزورون الموتى ويدفنوهم بيها لأن يگولون الامام علي (ع) حيوگف وياهم بأول يوم ألهم ب القبر ...

باوعت لليث ويمان لگيت وجوهم صفره حيل وليث عيونه تلمع من الدموع

يمان : حلم .....
حُلم : گلب حلم وليدي !
يمان: ماريد اموت ..... حچاها بنبره مال بچي

حضنتهم وصرت اهدي شما يكبرون يبقون زعاطيط بسرعه يضحكون وبسرعه يبچون !!

أخذهم أيثار غسلوا ورجعوا .... وليث شمر نفسه بحضني
وأكو حجيه گاعده وراي ...

الحجيه : هذول أخوانچ ؟

حُلم : أي حجيه ...
الحجيه : تبارك الله كلكم حلوين يگول طالعين من غلبه چُكليت . !!!

حُلم : رحم االله والديچ
أيثار : العب راح تضربنا عين الحجيه واحنا مناقصين هذول يبچون علينه

باوعت لليث نايم بحضني ولازم أيدي ويمان حاضنه ...

مجرد مُقتطفات .....

برأيكم ليشش الحجيه گالت لحلم اخوانچ؟ 😂

نكمل بعدين ..... احبكم 🌚💕