Hollow Spirit🍁 [ Zhanyi Complete ]

🍁විසිනමවන දිගහැරුම🍁

" ඕඅයිසී සර් කොහෙද ?"

අයියා කියපු විදියට නවය වෙද්දි පොලිසියට ඇවිත් මන් තට්ට අංකල්ගෙන් ඇහුවෙ එකපාරටම කඩාගෙන බිදගෙන ඇතුළට යන්න බැරි නිසා ....

" ඇතුළෙ කොල්ලෝ..... උඹව දැක්ක කල් "

තට්‍ට අංකල් කියද්දි පොලිසියේ උන්න කිහිප දෙනෙක්ම මන් දිහා බැලුවා....ඉස්සර ඉතිං මන් නිතර දෙවෙලේ යන එන තැනක්නෙ මේ....

මන් අහිංසකව හිනාඋනේ si මහත්තය මන් ළගට ඇවිත් එතන මෙසෙට හේත්තු වෙද්දි...

" උඹලගෙ අප්පාගෙන් දැන් ඉතිං කරදරේකුත් නෑනේ..."

Si කිව්වෙ දෙඅත් එකට බැදගෙන.... අලුතෙන් කිහිප දෙනෙකුත් ඇවිල්ලා ඉන්නව වගේ...ඒ අතරෙ කාලයක් තිස්සෙ ඉදිය කිහිප දෙනෙක් ඉන්නව...

" ඔව් සර්.... සර්ලව දැක්කෙ කාලෙකින් "

" මොකද මේ හදිස්සියෙ පොලිසියට ආවෙ ?"

" ඕඅයිසී සර්ව මුණ ගැහෙන්න "

" උඹ මේ පාර විභාගෙද දරුවො "

" ඔව් ඇන්ටි..... "

ඒ ඉන්නෙ ලතා ඇන්ටි..... පොලිසියේ අතුපතු ගාලා තේ හදන්නෙ එය...

" ලතා අර උදේ කපපු කේක් එකේ තව ඉතුරුයි නේද.....කහට උගුරක් එක්ක මේ පොඩි එකාට දීපංකො...."

තට්ට අංකල් කිව්වම ඇන්ටි ඔළුව වනල ගියා.....අම්මෝ ඉතිං ඕඅයිසි සෑර්ට වඩා මට තියෙන පිළිගැනීම කෝමත.... ම්ම්ම්.....

" ඉදගනිං ඉදගනිං....කහට උගුරක් බීලා පලයන්....කාලෙකින්නෙ ආවෙ "

" අද කාගෙන බර්ත්ඩේ එක "

" ආ ඒ මේ අපේ අලුතෙන් ආව සායන් මහත්තයගෙ ......ආ උඹ දැකලත් නෑනේ...මේ ඉන්නෙ "

වාව්ව්.... තරුණ කොල්ලෙක්නෙහ්.... අම්මෝ හැන්ඩ්සම් ....ඇයි දෙයියනේ පොලිසියේ අය මෙච්චර හැන්ඩ්සම් ...

" Happy Birthday හලෝ...."

එයා හෙන තරුණ පාටයි අනේ.... ඒ නිසා මන් එහෙම කිව්වම සුදු අයියා ලස්සනට හිනා උනා....

" තැන්ක් යූ..... මේ කවුද ?"

" ආ මේ අපේ අභුවා.... දැන් දැන් මෙහෙ නාවට ඉස්සර නම් ඉන්නෙම මෙහෙ තමයි "