Hollow Spirit🍁 [ Zhanyi Complete ]

🍁අනූ හතරවන දිගහැරුම🍁

🌄🌄🌄🌄🌄

අලුත් දවසකට ඉර පායද්දි අපි අපේ ට්‍රිප් එක ඉවර කරල ගෙදර එන්න ලෑස්ති උනා...... හවුස් එක ආයෙ භාර දීලා ටිකක් දවල් වෙලා තමයි එන්න ලෑස්ති උනේ.... එහෙන් එද්දිම දොළහ පහු වෙලා වගේ තිබ්බා.....

කොහොමින් කොහොමහරි අපි ආයෙ පානදුරේට එද්දි හවස් වරුව උදා වෙලා තිබුනා.... අපි කිව්වට ආවෙ මමයි අයියයි නිකේතුයි සදෙව් අයියයි විතරයි .... අකිළ අයියල කෙලින්ම කොලඹ ගියා....  සදෙව් අයියත් අර අක්කව මතුගමින් බස්සල අපේ පිටිපස්සෙන්ම වගේ ආවෙ.....

අයියා වත්තට වාහනේ දාද්දි මට කලින්ම දවසක්  දානෙට මෙහෙ ආව හැටි මතක් උනා... එදා නම් හිරුන්‍ය අයියාත් ඉදියා...

නිකේත් වාහනෙන් බැහැලා බඩු ටික අරන් යද්දි මම දිනිති අක්කව බලන ගෙනාව පාර්සලෙත් අතට අරන් ආවෙ මිස් දොරකඩ ඉදන් මාත් එක්ක හරිම ලස්සනට හිනාවෙද්දි....

" අනෙ අම්මේ.....රට ඉන්න  පුතෙක් ඉදල හිටල  ගෙදර එනව වගේ දැනෙන්නෙ.... "

මිස්ගෙ අතට පාර්සලේ දුන්නම මිස් කිව්වෙ මගේ ඔළුව අතගාලා....අයියගෙ මූනෙත් හිනාවක් ඇදෙනව මම ලාවට දැක්කෙ ඒ අතර.....

" එන්න ගෙට.... දයේ..... මෙන්න පුතාලා ඇවිල්ලා "

" දිනිති අක්කා කෝ මිස් "

" ආන් දැන් ටිකකට කලින් නිදාගත්තා.... මන් අද දවල් නෑව්වා කෙල්ලව... සනීපෙට නිදි දැන් .... "

මන් ලාවට හිනා උනේ සෝපාවෙන් ඉදගන්න ගමන්....

හිරුන්‍ය අයියගෙ ලොකු පොටෝ එකක් බිත්තියේ ගහල තියෙනව...මල්මාලයක් එක්කම....!

නිකේත් මගේ ළගින් ඉදගත්තෙ අයියා තවම බඩු ටික ගෙට ගෙනත් බාද්දි.....

සදෙව් අයියගෙ වාහනෙත් ඒත් එක්කම වත්තට දැම්මෙ අප්පච්චී කාමරෙන් එළියට එද්දි...

අප්පච්චී මාව දැක්කත් වෙනද වගේ හිනා උනේ නැහැ.... වෙනසක් දැනුනත් මන් නිහඩව ඉදියෙ මිස් ඒ ඩිංගට බීම වීදුරු ටිකක් උස්සන් සාලෙට එද්දි..

" කට්ටිය මගදි කෝල් කරපු නිසා මම හදල ෆ්‍රිජ් එකෙන් දාලා තිබ්බෙ...බොන්නකො... චූටි පුතා.....!! මේ බීම එක බොන්න "