Hollow Spirit🍁 [ Zhanyi Complete ]

🍁 හැත්තෑ නමවන දිගහැරුම🍁

" අ....පි...අද.... මෙත...න...ඉන්නවද...?"

මන් ඉදියෙ ගහට පිට දීලා එයාගෙ උරහිසට හේත්තු වෙලා..... දැන් නම් මට හොදටම උණ වගේ.... තුවාල වල වේදනාවට වගේම වැස්සටත් තෙමුනනේ..... යාන්තමට කාපු පේර ගෙඩි දෙකෙන් කෙලින් ඉද්දි මන් එයාගෙන් ඇහුවෙ......

එයා ලොකු හුස්මක් පිට කළා.....

" කො...හොමහරි ගමකට යාගන්න ඕනේ..... "

" ම..ගේ....බ..ඩ...හො..දටම...රිදෙනව..."

මන් කිව්වෙ තුවාලෙට අත තියන් එයාගෙ උරිස්සට නිකට තද කරන්....

" ඉවසන්න මගෙ පැටියො...තව චුට්ටයි..... "

මගේ නළලට දෙතොල් තියන් එයා මුමුණද්දි මන් මලානික හිනාවක් දුන්නා.......

" අපි.... ඉස්සරහට යමුද ? මෙතන ඉදියා කියල වැඩකුත් නෑ...... ආයෙ වැස්සක් ආවොත් තෙමෙයි ....."

එයා එහෙම කියල ඇදන් උන්න බැනියමෙන් පටියක් ඉරල අරන් එක එයාගෙ කකුලෙ තුවාලෙ වටේට තදින් එතුවෙ ලේ ගලන එක වලක්වන්න වගේ...... එයා කැලෑකොල අනම මනම් පොඩි කරල මගේ තුවාලෙටත් තියල තිබ්බා.... එයා මස්කෙලියෙ ඉන්න කාලෙලු ඒ දේවල් ඉගෙන ගත්තෙ....

" අ...යි...යේ....?"

මන් එයා දිහා බැලුවම එයා කකුල තදින් වෙලලා මන් දිහා බැලුවා....

" අ....නේ...අ...යියේ.... මට.... අඩි...යක්.... වත්...යාගන්න....පණ... නෑ.... දෙයියො.... ඔයා ...යන්න...කො.... ගිහින්.....පණ.... බේරගන්න..... "

" අභූ.....හිත හයිය කරගනින් ! "

" ම..න්....මැරේවි....!"

" මැරුනෙ නෑනෙ තාම.... හිතේ හයිය තියාගනින් !"

මට හීල්ලුනා..... මගේ දැන් මේ තීන්නෙ පපුවෙ යාන්තමට ඉතුරු පණ කෙන්ද විතරයි ......

" පො..රො...න්දු... වෙන්න...??"

මන් සුළැගිල්ල දික් කරල කිව්වම එයා මගේ මූණ දිහා බලන් ඉදියා....

" මොකද්ද ?"

" ම....න්... කැ....ලෙන්.... එලියට... යාග...න්න... කලින්.... හු.ස්ම.... අතෑරි...යොත්.....මාව....දාලා...ඔයා යන්න....."