أستاذنا | Our teacher

البارت 2

أعتذر مقدمًا على الأخطاء الإملائية ..

كل عام وأنتم بخير ♥

استمتعوا بالقراءة ~ ^^

-

أشرقت شمس الصباح على اليوم الموعود، يوم الرحلة ..

فصل الأستاذ عبدالعزيز هم الوحيدين اللي كانوا يدخلون للمدرسة ومعهم حقائب غير عن حقيبة المدرسة ..

واللي ما وصلهم خبر الرحلة من فصول أخرى كانوا يناظرون فيهم بتعجب وفضول ..

الكل في الفصل كان في قمة حماسه للرحلة، وأصوات أحاديثهم عالية ..

اللي يتوقع شكل المكان، واللي يسرد خططه اللي بينفذها، واللي يعبر عن حماسه ..

سالم: تتوقعون بيكون شاليه، ولا منتجع ؟

مؤيد: لا عااد بالغت وش منتجع، أظن شاليه ..

سالم: عندهم شاليه أصلًا ؟

مؤيد: شفيك مستعجل على رزقك؟ بنروح ونعرف لما نوصل ..

التفت سالم على فارس: فروس شراي- ( حرك يده قدام وجهه ) ألووو؟ وين وصلت ؟

التفت فارس عليهم: هلا ؟!

مؤيد: شفيك سرحان ؟ وش اللي شاغل بالك ؟

التفت فارس ع المكان مرة ثانية: راشد ما جاء ..

سالم: من بعد إصابة أمس تتوقع بيكون فيه حيل حق رحلة؟ لا طبعًا البيت أريح له ..

انفتح باب الفصل ودخل عبدالعزيز والكل جلس في مكانه ..

وقف قبال السبورة واستند عليها بابتسامة: أشوفكم متحمسين !

وصلت له ردود عشوائية من أكثر من طالب في نفس الوقت :

"أكيد متحمسين رحلة!"

"رحلة وما نتحمس ؟!"

"بنسافر في أحلى من كذا !"

"ما فيه دروس اليوم هههههههه .."

ضحك عبدالعزيز ثم نطق: تمام خلوني آخذ الحضور عشان أشوف مين غايب ..

وأثناء تأكده من الحضور وصل لاسم راشد لكن بدون رد، رفع رأسه وناظر في مكانه:

راشد غايب؟ ما تواصل مع أحد منكم أمس؟

خز سالم في ناصر اللي انتبه له ورفع حاجبه بمعنى "خير؟" ..