أستاذنا | Our teacher

البارت 9

أهلاً ~

كيف حالكم؟ 🌚

عذرًا على لخبطة المشاعر والألم اللي سببه لكم البارت السابق ><

استمتعوا بالقراءة ^^

----------------

خمس سنوات ..

خمس سنوات مرت من بعد ذاك الخبر اللي كسر فينا شيء لا يمكن انه يرجع كما كان ..

عشت بتشتت .. ضياع .. فراغ ..

كانت المرة الثانية اللي أفقد فيها شخص مقرب وعزيز علي ..

ما كان الشعور أقل من المرة الأولى أبدًا ..

كانت مرارته أسوأ بكثير .. والحياة من بعده صارت أثقل ..

وجوده كان يخفف عني أوجاع كثيرة ..

وجوده زرع في صدري بستان من الأزهار المتفتحة

واللي كلها ذبلت من بعده ..

ما كان سهل أبدًا إني أرجع لروتين حياة طبيعي

تركت المدرسة رغم انه باقي لي فصل واحد وأتخرج، لكن قلبي ما قدر يتحمل يكون في مكان هو غير موجود فيه ..

مكان مليء بخطواته

صوته

ضحكاته

جزء من روحه ..

بدون وجوده هو بنفسه ..

تدهورت صحتي النفسية والجسدية ..

انعزلت عن العالم لفترة طويلة ..

حتى أعز أخوياي اللي كانوا يحاولون انهم يطلعوني من القوقعة اللي حبست نفسي فيها

ابتعدت عنهم ..

لكني ممتن .. ممتن لهم بشكل كبير لأن رغم كل شيء بقوا جنبي وما تركوني ..

وخطوة بخطوة قدروا يسحبوني من قاع الظلام لأحضان النور من جديد ..

صحيح تحسن حالي مع الوقت بمساعدة من حولي، لكن مازلت .. كل يوم يمر وكل يوم أعيشه أشتاق له فيه أكثر وأكثر ..

إلى الآن جزء مني مو متقبل فكرة عدم وجوده، لكن بنفس الوقت جزء آخر مني يحاول يتقبل الموضوع ..

.

سكر دفتر الملاحظات وتنهد وهو يرفع عينه للي جالس قدامه ..