استوت الساعه ثنتين و حمده و ريم لين الحين رقود
ميره دشت عليهم
ميره : ول خيبه لين الحينه راقدين
حمده بصوت مبحوح : ماما دقيقه و بنقوم
ميره : تتحسبين تقدرين تقصين علي مثل كل مره
حمده كملت رقادها
ميره : ريم قوووميي
ريم : قمت خالو قمت
ميره : قومي الي صوبج
ريم : تمام خالو
ريم : حمده قومي
حمده : ريم دقيقه
ريم : قومي ولا بصب عليج ماي
حمده : قمت قمت
راحت حمده الحمام و غسلت ويها و فرشت اسنانها
و حتى ريم سوت نفس روتين حمده
ريم : بتصل حق رشود يمرني
حمده : ليش بتردين؟
ريم : هيه
حمده : ليش
ريم : بشوف ش الاشياء الي ناقصتني حق الجامعه و بعد بخبر ماما عن العزبه
حمده : اها زين
اتصلت ريموه حق رشود و قالها عشر دقايق و بكون صوبج
بعد عشر دقايق وصل راشد و ركبت السياره
راشد : بلاه ويهج منتفخ
ريم : قبل شوي قايمه
راشد : تخوفين هههههههههههههههههههه
ريم : اوكي
وصلو البيت
دشو داخل و شافو امهم و ابوهم قاعدين فالصاله
محمد : يا هلا ويا مرحبا
ريم : شحالك ابويه
محمد : بخير ونتي
ريم : دامك بخير انا بخير
مريم : هي بس سلمي ع ابوج
ريم : ونتي يا امي شحالج
مريم : بخير
ريم : عسى دوم
محمد : متى بناكل يعنا
نزلت ساره
ساره : اوه ريم متى رديتي
ريم : قبل شوي
ساره : اها
مريم : بشوف لو الغدا جاهز
ع طاوله الغدا
كانت ريم ساكته و مب عارفه كيف تصارحهم ان ماتبا تي العزبه
هم متعودين ريم دوم تسولف بس اليوم ساكته
رشود : غريبه ريم ساكته
ساره: متعودين هي الي تفتح سالفه
طبعا ريم فعالم ثاني ولا تسمعهم
راشد ضرب ريم
ريم : ويعه
راشد : بلاج
ريم : ماعرف
راشد : طع هاي
ريم : راشد اسكت عشان ما اضربك
راشد : يلا اشوف كيف بتضربيني
مريم : يهال انتو يهال
ريم : انا شبعت
قامت ريم و صعدت فوق
راشد : دلوعه
خلصو الغدا و يلسو فالصاله
نزلت ريم
ساره : ابا اطلع
راشد : امس طالعه
ساره : حد قال اني ابا اطلع معاك
ريم : هههههههههه
راشد : جب عشان ما اصفعج
مريم : مامليتو من الضرابه
محمد : يلا انا طالع
ريم : ع وين
محمد : بروح الصناعيه
ريم : درب السلامه
مريم : وانا بعصد فوق
مرت دقايق و قامت ريم و راحت غرفه امها و ابوها
دخلت ريم و يلست عشان تخبر امها بالموضوع
مريم : ها ريم شو بغيتي
ريم : ماودي اي العزبه
مريم : ليش ماتبين تين؟
ريم : مب متطمنه
مريم :شو الي مب مخليج متطمنه
ريم : ماعرف بس مب مرتاحه
مريم: ريم عيوني تدرين يدج يباج
ريم : ترا انا عشان جي خايفه
مريم : و الحل
ريم : ماعرف
مريم : انزين انتي فكري
ريم : تمام بروح غرفتي
مريم : تمام
راحت ريم غرفتها و تمت تفكر و لين مايت فبالها فكره
اتصلت ريم ع حمده
ريم : حمددوهه
حمده : ها
ريم : قررت ايي العزبه
حمده : اونه صدق
ريم : هيه و بزقر شهد
حمده : شهد اخت عبدالله؟
ريم : هيه
حمده : ليش
ريم : تدرين فطوم و غلوي اهلهم متشددين مايخلونهم يروحون اي مكان
حمده : و عليو
ريم : ترا انا بس امون مع فطوم و غلوي
( ريم عندها وايد ربيعات بس ماتمون معاهم كثر ماتمون مع غلا وفاطمه)
حمده : انزين انتي رمسيها
ريم : اوكي بتصل فيها
to be continued...
