سبحان الله و بحمده سبحان الله العظيم
راحت ريم تدخنت و تعطرت و لبست عباتها بس ريم شويه حبت تتفلسف و تعدل فالميكب يعني زادت البلشر و حطت هايلات زياده و شويه غمجت الروج و صدق طلع احلى و عقب لبست عباتها و حطت الشيله ع راسها بس م لفتها عشان شعرها م يخترب و توها بتطلع ذياب زقرها
ذياب :حبيبي صبر
ريم استحت: امر ؟
ذياب تم يقرا عليها و يوم خلص
ذياب : اي حد يسألج انتي منو قولي انا ريم حرم ذياب
ريم :انشاءالله
ذياب : دخلي الدبله فعينهم
ريم : اشوفك تحمست
ذياب قرب منها و بصوت هادي : انتي ليش جي جميله
ريم : ذياببب تأخرت
ذياب :ليش تخافين تواجهيني
ريم : حبيبي دخيلك تأخرت
ذياب تخرفن ع كلمه حبيبي لان عادتا مايسمعها من ريم: نزين احبج
ريم :انا بعد
قرب من وييها و طبع بوسه ع خدودها بكل حب و عقب راحت ريم و هي مستانسه
ركبت سيارتها و تحس الدفندر ترتجف معاها تحس بشعور غريب هل ان الي صار بينها و بين ذياب ولا الي سمعته و قامت تشك فيه ؟
حركت ريم و توجهت للعرس ... ربع ساعه و وصلت العرس و كان وايد راقي ،القاعه عباره عن ورود بيبي بنك و ابيض و ليتات بيضه مخليه المكان احلى للتصوير و الشكل و الكوشه الورود على اطراف الكرسي و صوبه الكيكه الي تتكون من ست طوابق و و حاطين مثل لوحه و كاتبين هزاع & شهد و صوب البوابه حاطين مثل كورنر في عطور ديور و الجهه الثانيه حق الي يتدخنون صدق العرس كان راقي ...
سلمت ريم على الناس و ام شهد يوم شافتها انصدمت
ام شهد : ريم ؟
ريم : شحالج خالوه؟
ام شهد : بخير حمدالله نتي شحالج؟
ريم : حمدالله
ام شهد : ماشاءالله عليج ولا يبين عليج متزوجه
ريم : حياتي خالو تسلمين
ام شهد خلتها تقعد بصوب اهل العروس وراحت ريم تشوف شهد
امسينا و امسى الملك لله
ريم : ههااييي
شهد و هي ترتجف :رريييمممووووهههه والله خايفه
ريم :عادي عادي اول م بيفتحون الباب هذي شهيق و زفير و بيخف التوتر
شهد :ياخي انا ليش عرست لو تامه فبيت ابوي احسن
ريم : يهون عليج هزاع ؟
شهد: مشكله اني احبه والله
ريم ضحكت
ريم :نزين يلا تجهزي الحينه بنتزلين
شهد خافت : يمههههه
دقايق و بدت زفه شهد و انفتح الباب عشان تدخل و كانت زفتها شمس الكواكب
أقبلي شمس الكواكب لا تبالي بالعواقب
ربّة الحسن المصفى دُرة الحور الكواعب
دُرة الحور الكواعب
أقبلي بدر الليالي في شموخٍ و دَلال
فتعاليْ وتعالي أذهل الحسن العجائب
أذهل الحسن العجائب
أقبلي وامشي الهُوينا أذهلينا لا علينا
إن ضحِكنا أو بكَينا إن أمر الله غالب
إن أمر الله غالب
أقبلي شمس الكواكب لا تبالي بالعواقب
ربّة الحسن المصفى دُرة الحور الكواعب
دُرة الحور الكواعب
أقبلت الجوهرة حُسنها ما أبهرت
أقبلت الجوهرة حُسنها ما أبهرت
أقبلي يا نور عيني لست أدري الآن أيني
كل ما بيني وبيني فرحة كبرى تُراقب
فرحة كبرى تُراقب
أقبلي يا روح روحي عانقيني ثم بوحي
كيف تَشفين جروحي حيَّر الأمرُ الغرائب
حيَّر الأمرُ الغرائب
أقبلي شمس الكواكب لا تبالي بالعواقب
ربّة الحسن المصفى دُرة الحور الكواعب
دُرة الحور الكواعب
أقبلت الجوهرة حُسنها ما أبهرت
أقبلت الجوهرة حُسنها ما أبهرت
أقبلي يا فرح عمري من عناهُ اليوم أمري
قال في صدقٍ لَعمري ليس في الدَّهر نوائب
ليس في الدَّهر نوائب
أقبلي هذا محمد قال لي قولا وشدَّد
أنكِ الحب المؤكد لا تبالي بالعواقب
لا تبالي بالعواقب
أقبلي شمس الكواكب لا تبالي بالعواقب
ربّة الحسن المصفى دُرة الحور الكواعب
دُرة الحور الكواعب
أقبلت الجوهرة حُسنها ما أبهرت
أقبلت الجوهرة حُسنها ما أبهرت
أقبلت الجوهرة حُسنها ما أبهرت
أقبلت الجوهرة حُسنها ما أبهرت
دشت بكل اناقتها و الكل متخبل ع جمالها
يلست ع الكوشه و حطو الاغاني و تمو يرقصون و ريم طلع لها العرج و قامت ترقص و شهد تضحك عليها
عقب راحت ريم عشان تيلس و وقفها صوت حرمه
الحرمه :شحالج بنتي
ريم :بخير خالو نتي شحالج
الحرمه : حمدالله انتي شسمج
ريم : انا ريم
الحرمه : زين يا ريم انتي بنت منو
ريم : بنت محمد ****
الحرمه : متزوجه؟
ريم : هيه خالو
الحرمه : حسافه والله
ريم ابتسمت
الحرمه : جان تطلقتي ترا ولدي موجود
راحت
ريم ما استوعبت و عقب انهارت من الضحك و راحت عند شهد و خبرتها و صدق انهارو
To be continued...
