طلعت ريم من بيتهم و توجهت للفندق
يوم وصلت شافت عقت شيلتها عشان التسريحه ماتخترب ( حاجزين طابق كامل لهم)
شافت ريم حمده و الي فستانها واااييدد مرتتبب عليها
كان لون بيبي بلو و منفوش من تحت و من ورا مفتوح يعني ظهرها يبين و لانه حمده شعرها طويل غطته بشعرها و اللمييكببب شيي ثاانيي
ريم : الله الله حمدوه شهالجمالل
حمده : حبيبي والله ثنكيوو
ريم : لو رشود يشوفج والله بييذذووبب
حمده استحت : جب جب
ريم : طع هاي هههههههههههههههههههههه
حمده: بلاج انتي
ريم : الي يشوفج مايقول انج بتتزوجين
حمده : ادري ابين صغيره
ريم : تبينين عيوز
حمده : والله بفلعج بالكعب
ريم : بروح اشوف ساره
راحت ريم عند ساره
ساره : متتتووتتترررررههه
ريم : هدي هديييي
اتصلت شهد فريم
شهد : ههاايي
ريم : هااايي
شهد : ريم اقلج نحن الحينه ياين و ماعرف انتوا اي طابق
ريم : انا بكون فالرسبشن
شهد : تمام
ريم : باي
شهد : باي
سكرت
-
ريم : ساروه اقلج ربيعتي تحت
ساره : تمام روحي
لبست ريم عباتها و شيلتها
--
عند عبدالله و شهد
شهد : ماما و زينبوه
خلود و زينب : ها
شهد : ششكلليي مرتبب؟؟
خلود : ياربي كم مره بقولج هي
شهد : انزين
خلود : عبدالله
عبدالله : هلا
خلود : شل الشنط و نزلهم الفندق
عبدالله : تمام
نزلو الفندق و عبدالله خذ الشنط
راحت ريم عند شهد و سلمت عليهم كلهم معدا عبدالله يعني
و عبدالله اول ماشافها انصدم من جمالها و حس دقات قلبه تززييييييدددد
خلود : ماشاءالله عليج ريم ججمييلله
ريم : مشكوره خالتي
زينب : ففدديت الجمال انا
ريم : والله استحيي
شهد : طع هاي
خلود : ريم وديهم فوق انا وعبدالله بنحجز و عقبها بني
ريم : انشاءالله
راحو فوق
عبدالله : امايه انا رايح عرس الريايل
خلود : تمام
--
( ماعندي اي فكره حق العرس فعشان جي ماسويت)
طلعو شهد و زينب و حمده و ريم و راشد من الفندق لانهم يواعه و راحو ياخذولهم عشا و حاطين اغاني و يغنون و مستانسين و لا فجأه تظلم الدنيا...سوو حادث !!! كانو بحاله تخووفف بس راشد اكثر واحد تأذى ... طار من السياره و انجلب اربع جلبات و شهد انكسر الزجاج عليها و انجرحت وايد من الزجاج . و زينب و حمده طايحين صوب بعض و حالتهم نفس حاله شهد ام ريم ماتأذت وايد و اول وحده قامت بينهم و هي تسمع صوت اسعاف و شرطه و مصدومه من الي صار ... تحاول تفكر متى استوا كل هذا و انا وين و شو مستوي لهم؟ اول ما انتبهوا الاسعاف ان في وحده قامت بينهم عطول شافو حالتها
ريم : شو مستوي؟
الريال مال اسعاف ( ماعرف شسمه) : سويتوا حادث و الحينه بننقلكم للمستشفى
ريم : متى سوينا؟
الريال مارد عليها
ركبوهم الاسعاف و نقلوهم المستشفى ...وصلو المستشفى و ودو راشد العنايه و عالجو شهد و حمده و زينب و حمدالله كلشي عدا على خير ... لكن حاله راشد ماتطمن و رقدوهم بالمستشفى , على ساعه 2 الفير قامت ريم من فراشها و راحت تشوف راشد و حاولت تدخل بس ماخلوها ... ترجت الممرضين و الدكاتره عشان تدخل عشان تشوف اخوها لين ماخلوها بس بتشوفه لمده اربع دقايق .. دخلت عنده و مسكت ايده و تصيح و تقوله : انته بتستوي بخير و بتطلع من المستشفى و دام انا معاك مابيستويلك شي .. و لا فجأه سمعت اصوات غريبه و تشوف الممرضين و الدكاتره يدخلون و طلع صوت توقف نبض القلب !!! و تمت تترجاهم تتم فالغرفه بس طلعوها و تمت تصيح , بعد ماطلع الدكتور قالها كلمه حست قلبها بيطلع من مكانها و ماصدقت الدكتور و تمت تصيح و تصارخ و تقول اخويه ما مات !!!!!
هل تحسون راشد بيموت؟
TO BE CONTINUED...
