في هالوقت ميثا مسكت ايد زينه وشدت عليها بقوه وكأنها تقولها لا تودريني وبدون لا تحس زينه حضنتها وبكل قوتها كإجابه على مسكة الايد هنيه كانت ميثا فالجنه بس نفس الوقت بالها مشغول .. مب سهل تحب احد اصغر منك هالكثر وعنده اختلافات وبينكم فجوه وإن كان فيه محبه
آريا في الجهه الثانيه كانت تبكي ومن شدة تعبها كان حتى البكي يعورها بس تبكي ع حالها تبكي انها افتكت تبكي على جسمها اللي احترق وتشوه وتبكي على شوفة بلعرب وفرحتها !
آريا كانت تنفجر مشاعر وفي حال صعب وبلعرب كانت تشوف حبيبتها في حال صعب وفنفس الوقت منهاره ولا هي قادره تبين ضعفها عشان لاتضعف اريا بعد وقامت تبكي معها وما استحملت
بلعرب : خلاص يا روحي لاتبكي بيزيد الالم
اريا ببكي : حرقونييي
بلعرب : محد بيطلع منها يا قلبي انتي والله بيدفعون ثمن كل شيء سووه فيك وانتي بتصيرين بخير اهدي
اريا تبكي اكثر : كيف كل شيء فيني تكسر وهالحروق ما بتروح كيف بتحبيني !
بلعرب : ومن قالك احبك عشان جسمك والله اني بحبك لو شو ما صار بهالحروق ولا بلاها لاتفكرييين هالشكل انتي حبيبتي
اريا تحضنها : لاتخليني
بلعرب : ولا وحده فيكم بترد للدار الزفت وبنظفه ولين ينظف انا اللي بشرف عليه
اريا ترتاح شوي : الحمدالله انك هنا
بلعرب تشد عليها : انا هنا وما بروح
زينه : اريا حبيبتي اهدي لاتبكي اكثر بتتعبين
اريا تمسك زينه : كيف تحملتي كل ها
زينه تحضنها : يا حبيبتي انا مب مهم الحين ريحي بس واهدي وبلعرب عندك وانا وميثا وكلنا بعد
بلعرب : وعليا بتاخذ حسابها صدقيني
اريا : لالا لاتسون فيها شيء والله عليا زينه بس عليا خوافه
زينه : ماله تبرير اريا عليا باعتنا كلنا
اريا : زينه تعرفين انها خوافه من يومها لو احد سوا شيء بالكلاس خبرت عليه المس مب جديد ع عليا
زينه : ما ينفع ماتدفع الثمن اريا ! شايفه شو اللي صارلك؟ من وراها
ميثا : الخوف زينه م يخلينا نبيع ربعنا وعليا تستاهل قرصه
بلعرب : حبيبي انتي شو تبين؟
اريا : مابا تنضر بس خلوها تشوف حياتها
بلعرب : بتشوف حياتها بس لازم تتعاقب لكن تأكدي ماراح يصير شيء ينهيها
اريا : طيب
زينه : لاتخلونها كذا تفلت دخيل الله
بلعرب تغمز لزينه : بنسوي اللي تباه اريا زينه اهجدي
زينه تفهم وتسكت : طيب
.................. ميثا وزينه يطلعون .............
زينه : وين نروح الحين؟
ميثا : عندي
زينه : عندك وين؟
ميثا : بيتنا
زينه : لا ميثا اهلك هناك ما يصير
ميثا : واهلي بيقولون لا! طبعا بيقولون هيه
زينه : مدري احس عيب
ميثا : بلا هبل بتسيرين معي
زينه : ميثا !
ميثا تلف : شو؟
زينه : لا تشليني خطوه وحده زياده لو بتسوين فيني اللي سويتيه قبل انا قلبي ما يحتمل
ميثا ترد وتحضنها : انا خايفه زينه مثلك واكثر بس مستحيل اخليك مره ثانيه
زينه : ليش خايفه!
ميثا : خايفه م افهمك خايفه ما اكون فاهمه اشياء جيلك وخايفه اننا م نتفق وخايفه من وايد اشياء والله
زينه : ليش يا روحي! انتي هنا وانا بعد بنتفاهم عن كل شيء وحتى لو اختلفنا بنتناقش ما بنتخلى عن بعض ها المهم!
ميثا : اخاف تملين مني واخاف تشوفين حد احلى واصغر ولو مليتي شو بسوي بعمري
زينه : ميثا ظنك اني سطحيه هالكثر افكر جي ؟ بعدين لللي بيمل من اللي يحبه عمره ماحب ولا عاش المشاعر هذي يا روحي وانا احبك وبموت على ترابك
ميثا تحضنها : افف والله اني خايفه اخسرك
زينه : بنموت لو تمينا جي نفكر حبيبي خلينا نعيش مع بعض ونستمتع بكل لحظه وبس
ميثا تحضنها اكثر وتتم ساكته : ان شاءالله ما يصير شيء
أنت تقرأ
يتيــم الديـــار#اكتملت
Fantasyما بين أروقة الدور، في الغرف المكتظة قصصًا لا تخرج للعامة ابدًا فما هو المستور؟ وما هو ثمن الكشف عنه؟
