يتيــم الديـــار#اكتملت

البارت الرابع عشر

زينه طلعت لغرفتها وهي متحسسه من كلام ميثا وحاز بخاطرها وفعلا كان قاسي ولا له داعي وكأنها ماتبيها وزينه ناشبه لها مع ان ميثا كانت تطلبها تجي معها تهتم لها وتقربها ، وعلي الرغم من ان البنات كانوا يتضاربون لكن كلام ميثا لزينه وقف كل الهواش والتفتوا عليا واريا يطالعون زينه اللي بينت الكسره بوجهها ! سكت الكل واكتفوا ان كل واحد راح مكان الا اريا توجهت لميثا ع طول

ميثا : شو ؟
اريا : تستهبلين شو ؟ ها كلام ينقال ؟ بعدين انتي تنادينها لشقتك وانتي داقه الصدر تهتمين وتعالجين جروح ! الحين صارت ما تبا تفكك ومنهاره عليك !
ميثا : ولو جرحها بس الصدق لازم ينقال فرق العمر بيننا كبير ولازم تعرف بعدين اهتمامي طبيعي هي اللي راح فكرها بعيد
اريا : لا والله ! ولو راح فكرها بعيد جي تفهمينها وجي تقوليلها ؟ قدامنا وبهالقساوه !
ميثا : شو قلت انا
اريا : لا الله يخليك ما قلتي شيء كان حنون كلامك مره ولا فيها احراج ولا شيء
ميثا : والله مافيها شيء انتوا مشكلتكم يهال بزياده ام تفهمون المصارح
اريا : الصراحه تفرق عن الوقاحه واللي انقال وقاحه بس لا ترقعين وثاني مره اذا بغيتي تصارحين احد خذيه فزاويه وكلميه مب قدام الكل
ميثا تروح : كلامي بتتفهمه عقب وانتي معها مب الحين
اريا : اقول ميثا توكلي شقتك انا اقول وفكري باللي سويتيه بتستوعبين انتي ان كلامك وفعلك غلط
ميثا : تمام - تروح -

............. اريا تروح لزينه .............

اريا : زينه !
زينه : اريا مابا اتكلم
اريا مصدومه : شو ليش تصيحين ! ليش ؟؟؟؟
زينه : مابا اتكلم والله ابدا مش وقت النقاش
اريا : اوكي بس لا تصيحين بروح والله
زينه : خلاص اريا روحي خليني
عليا تجي : زينه ! ترا احسن لك انه انقال هالكلام الحين احسن ما تاخذك بعيد وبعدها تتورطين
زينه : عليا دخيل الله انتي بالذات مابا اسمع لك حس زياده دخيلك اطلعي صار اللي تبينه وخلاص انا بعدتني ميثا واريا بتخفف من كلامها
عليا : منو قالك انا ابي تنجرحون ! انا مابي الا انكم تسلمون من الهواش وها كله
اريا : مب وقته هالكلام خلاص خلونا نركز ع عمارنا ورانا دراسه وحاله
عليا : والله انه احسن لكم تبعدون بدل ما تتأذون من الناس تراهم مب مثلنا ولو تصنعوا العكس نحن عانينا وايد وهم عايشين طبيعي مستحيل يتفهمون مشاعرنا
زينه : خلاص يبوي خلاص اذيتوني هذيك ما قصرت واريا تتشفق وانتي تتشمتين شو تبون بعد ! خلاص سيروا عني خلوني ع راحتي

اريا شافت انهيار زينه وسحبت عليا وراها ع اصرار عليا انها توضح وتتكلم لكن اريا كانت حاسه ان زينه مب متحمله كلمه زياده ولو تموا اكثر عادي جدا زينه تسوي شيء اكبر من ها فسحبتها للغرفه الثانيه وبدت تفهمها ان زينه محتاجه لها وقت

عليا : شو فيكم علي انتوا ؟
اريا : اسكتي عليا خلاص ترا كلامك ثقيل فهالوقت توها سمعت كلام من وحده تحبها ويسم البدن ابدا مب وقته توضحين رايك الحين
عليا : اوكييه متى يعني اقول ؟
اريا : لا تقولين ابد عليا شو فيك ! كنه تتشمتين اللي قلتلكم قلتلكم خلاص وبعدين ترا نا شاكه ان ميثا قالت كذا ممن كلامك عشان ما تبلغين ع زينه ولا هي ما ودها
عليا : يعني شو
اري : لاتجننيني يعني خوفا ع زينه هي جي قالت انا جي احس وانتي كلامك وايد غلط الحين ما صار شي وانتي تبين تكشفينا ! الا غصب ننكشف عشان يكون كلامك صحيح ؟
عليا : انتوا فاهمين غلط انا اشوفكم تنجرون اكثر اوكثر لين لفتوا انتباه الااداره وكلموا ميثا بعدها يكشفونهم بعدها انتي
اريا : وتقومين تختصرين القصه وتبلغين انتي قبل يصير هالمشوار كله ؟ ما يمكن ما يصير يمكن نتفاداه
عليا تتنهد : خلاص انا غلطانه بس ماكنت انوي تنجرح زينه لو ابيها كذا كان انا فرحانه الحين باللي انقال
اريا : الله يعين بس عاد زينه ما تنزاد الحين الحجز ولا الضرب ولا شو
عليا : ان شاءالله ميثا تعتذر ويتصلح كل شيء
اريا : انتي تعرفين زينه ؟ والله ما ترد بهالسهوله
عليا : تحسين اروح اكلمها !
اريا : تكلمين منو ؟
عليا : ميثا عشان تصلح لي سوته
اريا : لا دخيل الله بس اسكتي وخلي الوضع يتصلح من نفسه دخيل الله
عليا : طيب طيب انا بسكت وبلم فمي وسوا اللي تبون
اريا : يفضل والله عليا انتي تتكلمين من خوف ماله داعي اصلا ف خليه لو سمحتي ومحد بينصاد ولو انصدنا انتي بتطلعين منها الادله كلها علينا وانتي ماتعرفين ولا لك دخل
عليا : طيب اللي تشوفينه