* من بعد اذنكم ضيفوني على تويتر :
_kaii90
بكون من الشاكريين
.......
عدت الأيام والبنات ما سمعوا خبر عن زينه وتبعتها الاسابيع والوضع ع حاله زينه مب موجوده ولا لها حس ولا حتى اثر او احد من المشرفين يطريها او ممكن يطمنها عليهم ولو بإشاره ، تمت عليا وآريا في دوامه طويله يسألون هنيه وهناك وكل مشرفه تجي والبنات ويدقون بيبان الوحدات وحده ورا الثانيه لكن بدون فايده مافي حد عطاهم جواب !
والواقع ان زينه كانت فعالم ثاني تشوف الويل بداية من التجويع للتعذيب بدرجات الحراره والماي البارد والحار هذا غير التلاعب النفسي وكل مره يقولون لها اما آريا قامت تكرهها او عليا ماتت مقهوره عليها او انهم ناشرين خبر وفاتها برع ومحد بيفقدها ولا بيدور عليها هذا طبعا كله كفه وفكرة انها بغرفه ضيقه ما يمديها حتى تنسدح فيها ولازم تتم اما واقفه او جالسه وضامه رجولها عليها ولا ما بتوسعها الغرفه ... وكل هذا كان عشان تصير ع الصراط المستقيم اللي صنعه الدار !
( الصاله )
عليا : حصلتي خبر ؟
آريا : مافي فايده محد راضي يقولي شيء والبنات ما عندهم اخبار
عليا : بسآل حق الاداره
آريا تمسكها : اهجدي توني راده من عنده وسمعني كلام مثل السم وجلس يهدد لا اجيه ثاني
عليا : والحل طيب؟
آريا : الحل اننا نمسك ارضنا ونجلس لما يجيبون زينه ما تدرين يمكن يعاندونا باللي نسويه ويطولون حجزها خلهم يشوفون انه معد يهمنا يمكن صدق يطلعونها
عليا : بس كذاغلط
اريا : تبين زينه تطلع ولالا ؟ لو تبين مافي الا نتعامل بالحيله لأن ها نظامهم طيعيني وسوي نفسس ما اقولك
عليا : شنسوي طيب؟
آريا : اول شيء نبطل نسأل وبعدها لو حد من البنات تكلم او قال نوضحلهم انه نحن عرفنا ان زينه هي الغلطانه وتستاهل العقاب ونقول نفس الكلام لو ناقشونا الاداريين
عليا : بس جي احنا بنوديها فداهيه يمكن يزيدون عليها
آريا : انا متأكده مليون فالميه انها مب عايشه فالجنه الحين داخل الحجز فاللي بنسويه ما بيزيد شيء عليها هم اصلا عذابهم مافي اكثر منه
عليا : والله خايفه يصير مصيرها مثل اماني
آريا : لو مثل اماني نحمد ربنا الخوف تختفي مثل وايدين ويقولون لنا نقلناها وومن هالبطيخ
عليا : عسى لا والله لأن بنجلط
آريا : انتي ارحميني بس واسمعي كلامي عشان نطلعها بسلامه من ايدينهم هالكلاب
عليا : طيب ع امرك
عليا كانت خوافه بس عندها الاساسيات اللي تخليها انسانه وما ترضى بالظلم لكن مشكلتها الاساسيه انها تخاف من اي شيء وتفضل تمشي ع الجدار عشان لا يجيها شيء ولا تنضر رغم انها احيانا تكون شايفه الواقع والصح ولكن ترضى باليار الآمن دايما ع عكس آريا وزينه اللي معليهم من احد ورايهم يصرخون فيه بإعلى صوات مممكن ولا يهابون عقاب ولا رادع
أنت تقرأ
يتيــم الديـــار#اكتملت
Fantasiaما بين أروقة الدور، في الغرف المكتظة قصصًا لا تخرج للعامة ابدًا فما هو المستور؟ وما هو ثمن الكشف عنه؟
