يتيــم الديـــار#اكتملت

البارت الرابع

تمت آريا تسولف لبلعرب واسترسلت في معاناة الدار وكانت تشرحلها شكثر حياتهم محدوده وكل شيء ممنوع وبقوانين وتصاريح وكيف ان حتى اكلهم محسوب وما ينحط لهم اكثر من ملعقه من كل صنف يوميا ، بدت بأشياء بسيطه وكملت في المعاناة الآكبر من ضرب واهانات وحجز واشياء ودها تنساها او ع الاقل  تتناساها لكن كان مشاركة هالآلم مع بلعرب نوعًا ما يهون عليها مصيبتها

بلعرب : طيب مافي مدير اكر او ناس مسؤوله غير هالمشرفات ؟
آريا : ما نشوفهم موجودين اسم بس وتوصلهم تقارير وخلاص وحتى فالزيارات م يكون عندنا دليل حتى لو قلنا
بلعرب : بس لازم يتبحثون وراكم عنبو !
آريا : ليش هم فاضين لنا اصلا ؟ بعدين يشوفونا امراض نفسيه تمشي ع الآرض ما يصدقون ع الله ومستحيل يصدقون كلامنا ع المشرفات
بلعرب : بس ها ظلم المفروض في تقييم ومراقبه ع الاقل
آريا : المفروض لكن عيشتنا ما فيها ابسط الاشياء ولا الحقوق اللي تسولفين عنها
بلعرب : ويت ويت يعني مافي احد يشيك ؟ ابدا
آريا : لا طبعا كم صارلنا ما نعيد لأن ما توصلنا مصاريف ولا ملابس ؟ وكم رمضان عدا واحنا نفطر ع خبز وبطيخ والحقوق ابسطها الاحترام ما يوصلنا الا بمزاج المشرفات وفوق ها نشتغل عشان نعيش ولكن نحن نشتغل بدون ما نعيش
بلعرب : انا مصدومه والله معقول في حد يسوي كذا ب ايتام يالله !! انزين فهميني متى تخلصين منهم دخيل الله ؟
آريا : باقي عندنا سنه اللي هي مالت الثانوي بالآحرى فصل بعد ما خخلصنا الأول داخلي
بلعرب : طيب لحظه ليش بينقلونكم دام كملتوا فصل فمدارسكم الداخليه ؟
آريا : يقال انه جزء من برنامجهم عشان يعودونا ع الناس
بلعرب تضحك : طيب كان من البدايه مو يفصلونكم كأن فيكم مرض شدعوه تراكم ايتام مب مرضى !!!
اريا : يعوضنا الله اللي اعرفه
بلعرب : طيب كيف العيشه بدون فون ؟ احس ما اتخيل حياتي جي ابدا يعني الفون اساس من حياتي من انولدت
آريا : ما افتقدته لأني ما جربته اصلا فما فيه معاناه من دونه يمكن بس الحين لو يشلونه مني صدق بعاني
بلعرب : اونه كم صارلك ماخذته اصلا ؟
آريا : اسابيع
بلعرب : اه اذا جي امداك تدمنينه ما الومك للكن دخيل الله انتبهي دامهم جي متشددين وويدورون ع الزله
آريا : ان شاءالله
بلعرب : تحيدين احس كلام عليا صحيح يعني الواحد مب حلو يكون خواف لكن حذر ويسكت دام تحمل سنين عمره كلهن يصبر لهم فصل بس عقبها مب شايفهم خير شر والله
آريا : المشكله اننا نفلت من الاستفزاز مو معقول الاهانات اللي تنرمي تصير تلعن الساعه لو تموت وقتها عادي عندك
بلعرب : طبعا بس من الذكاء ان الواحد يستفزهم بدل ما يعطيهم اللي يبونه واللي هو انه ينفجر وينهار ويستغلونها عليه
آريا : كلامك صح بس شنسوي
بلعرب : امسكي نفسك هالأيام وعقب والله طلعي كل كلمه من عينهم اشتكيهم برا وخلي الناس كلها تهب فيهم واللله يخلي تويتر والله لا يفزع معك مليون دوله
آريا : انا ابي الفكه منهم بس لا سلمت خلاص لا ابي اشتكي ولا ابا اشوف قبالهم بعد
بلعرب : عسى خير وان شاءالله قريب خالصين منهم انتي وعليا وزينه تطلع بالسلامه بس
آريا : امييييين اه كيف قلبي يوجعني ع زينه والله
بلعرب : بتكون بخير ان شاءالله من حكيك واضح انها قويه ما بتستسلم لهم ان شاءالله