"فيصل السادي/Faisal sadist"

"خالد"

"عِينَاك أجمَلُ مَعّركَةٍ هُزِمتُ فِيهَا"
'F.L'

(مقتبس)

******

-

في السعوديه تحديداً الرياض الساعة 6:02 صـ..

-وجهة نظر الكاتبه-

كانت أمه تصرخ عليه عشان يقوم بس زي ما يقولون لا حياه لمن تنادي

تنهدت بعجز وخذت كاس مليان مويه ثلجة دجته كله في وجهه

قام وهو يشهق من الخرشه تحت ضحك أمه على شكله وهو مخروش

مسحت دموعها الي نزلت من الضحك: ليتك تشوف شكلك كيف وانت منخرش هههههه"

تكلم بحزن مصطنع: افا يا ذا العلم ولدك حبيبك تسوين فيه كذا حرام عليك طيرتي قلبي يا أم تركي"

تنهدت هنادي *أم تركي* : أقول تريكي قم قم لا أقوم عليك أبوك الحين يتفاهم معك"

مسح تركي وجهه: بس يمه ماكان لك داعي الله يهديك شتاء وتكبين علي مويه لا وبارده بعد تبين تذبحين ولدك"

رفعة هنادي حاجبها: شتاء أجل قم قم لا اغرقك بمويه تغلي الحين....وبعدين احنا في وسط الصيف من وين جبت الشتاء شكلك للحينك تتحلم"

رفع تركي كتوفه : مو مني من برودة الماء لدرجة أحس فيه ثلجه دخلت في عقلي مدري ليش"

مسكته هنادي مع أذنه: مافيه شي أبرد من دمك ققممم يللااا تررييككيي" انهت كلامها وهي تسحبه للحمام مع يده

مسكت ظهره: ربي بيعاقبك تخلي أمك تسحبك وانكسر ظهرها" أبتسم تركي : بسم الله عليك ها قمت ولا تزعلين يا الغاليه"

تنهد وهو يغسل وجهه ويتسبح وطلع لقى أمه قدامه صرخ : يمه ماعليي شيي"

تنهدت هنادي: يوم كنت بزر وانا ألبسك وش فرقت وتراني أمك لاتطول صوتك"

طلعت وطلع بعدها تركي من الحمام وهو يبتسم
(الله يخليك لي ويطول بعمرك) قالها بينه وبين نفسه

نزل وخذا سندويش من يد أمه وباس يدها وراسها : ماتشوفين شر يابعد دنيتي"

أبتسمت بحب وحنان: الشر مايجيك يا ولدي..._همست_جعلني أشوفه باعلى المراتب يارب وتفرحني فيه"

-وجهة نظر تركي-

طلعت من البيت وانا مروق اخر درجه خذيت جوالي وطبعا راسلت خويي فويصل