مقرن نزل سلاحه : اعلى مافي خيلك اركبه وانا زوجها ولا له احد حق يتكلم معها في ذا الموضوع
لف الى نوف ومسك يدها ومشى ..
صوت اطلاق نار ..
سمعو رياجيل صوت اطلاق النار وطلعو يم اتجاه الصوت ...
والبنات طلعو وهم خايفين فيهم شيء وبنفس الوقت خايفين انهم ارتكبو جريمه ..
ورا الاسطبل "
مقرن ونوف طايحين على الارض وكان مقرن مغطي نوف بظهره ..
نياف طايح على الارض وكتفه ينزف
ياسر هرب لما شاف نياف طاح وهو واقف من الاطلاق ..
مقرن : نياف
نياف بالم: مقرن فيك شيء
مفلح : مقرن ود نوف جدي جاي وجيب سياره
مقرن : نياف لا تحرك لين اجيب سياره يلا نوف امشي
نوف تمشي مع مقرن : اسفه مقرن
مقرن مارد عليها وهو همه الوحيد يلحق على نياف وان مايصير له شيء
مقرن : وقفي رياجيل جايين تعالي ندخل بالاسطبل
نوف تناظر فيه : اسفه
مقرن ناظر فيها : شتسوي اسفه لو قلتي لي ولا رحتي ماكان احد درى ولا نياف في هالموقف ذا امشي اطلعي روحي للبيت انا بروح اخذ سياره ولا تطلعين من البيت الا لين انا اجي
الجد : من هنا
مفلح : انا و نياف
ابو عبدالعزيز: وش صوت ... نياف وش العلم
مفلح : مو وقته نبي سياره عبدالعزيز اركض شوف مقرن وين
عبد العزيز : جاء
سيارة مقرن وقفت ..
مفلح يشيل نياف ومقرن جاء قدامه وشال معه وحركو سياره ..
طلعت سيارة تمسرعه من المزرعه وكانها طايره ...
ام مقرن : شسالفه العيال فيهم شيء
فهاد : من بيروح معي
ام مفلح : مفلح
فهاد يهز راسه بـ لا : نياف
ام مقرن تسال تبي يقول نياف ثاني مو ولدها : نياف ولدي
الجد : غيره نياف
سحاب وعيونها امتلت دموع : جدي قول لا جدي مو نياف صح
الجد : شالوه صاحي مافيه شي تطمنو
نوره و اميره بصياح : تكفى ياجدي
اميره : جدي الا نياف امانه جدي لا يصير فيه شيء جدي تكفى
نوره : جدي تكفى جدي خذنا له جدي
الجد يشوف ام مقرن وهي ساكته : فهاد شغل سياره
ركب الجد وام مقرن ساكته ولا نزلت دمعته وبصدرها تدعي والبنات يصيحون..
المستشفى "
مفلح : ناقله معنا مريض مصاب
مقرن يناظر نياف : تقوى يا خو مقرن لا يصير فيك شي
نياف كان يقاوم الالم : طمنو امي وخواتي اني بخير و س..
مقرن : معليك بس اهم شيء انت ارجع لنا
دخلوه قسم طوارئ..
نياف يفتح عيونه ويسكرها ..
مفلح : نياف نياف لا تنام
دكتور : اتركوه هو في المستشفى الحين وبندخله غرفة العمليات عشان نشيل رصاص الي بكتفه الحمدلله انها بالكتف ولا جات عرق
مقرن : الحمدلله
وصل الجد المستشفى..
فهاد عند الاستقبال: جاء قبل شوي مصاب برصاص
: المريض نياف حبيب ؟
فهاد : اييي
: دخل غرفة العمليات قبل دقيقتين
البنات يركضون ورا فهاد ..
مقرن جالس وحاط يدينه على راسه ..
نوره : مقرن مقرن نياف مقرن نياف فيه شيء
مقرن وقف : لا بس بيطلعون رصاص ويطلع مافيه شيء شفيكم ترا قال قبل يدخل طمنهم اني بخير لا تزعلون نياف منكم
اميره: قول ولله
مقرن : ولله واسالو مفلح انه قال طمنهم اني بخير ويضحك مافيه شيء
ام مقرن : متى يطلعون
مقرن : هاه دقايق الا نياف طالع لك يضحك
الجد : مين الي سوى في اخوك كذا
مقرن : مشكلته معي انا مو مع نياف بس نياف شافه رافع سلاح علي وعترضه وجات في كتفه
الجد : من متى تسوون مشاكل
مقرن : جدي مادريت ان الموضوع بيكبر ويجيني في يوم زواجي بيقتلني وأصلًا هرب
نوره : اتمنى يتعفن في سجن
الجد : يطلع من تحت الارض
مقرن يناظر في مفلح وأميره: ان شاء لله
أنت تقرأ
مـا يشابـه حضورك غيـر مـزن و غمـام أمطرت بك حضور و رحبّت بك سحاب
Poetryنياف بطل القصة اصغر عيال حبيب مربيه الجد ويحب جده ويسمع كلمته ولا يرد له كلمه يحب النياق ويحب التعليم حلمه يكون دكتور يسافر بعثه برا سعوديه عشان يكمل مسيرته التعليميه التكمله في البارتات .... @rw.melo : حساب الانستا شاركوني ارئكم وتشبيهاتكم هنا...
