عزوز : يلا بنطلع ودق على امك في سياره عشان ماتسمع الاصوات
نياف : صادق عزوز خل نطلع تقدر تمشي بروحك ولا نساعدك
مفلح : نياف الي منكسره يدي موب رجلي اقدر امشي 🤣
هههههههههههههههههههه
طلعو لى سياره وركبو وحرك نياف
عزوز : يلا دق على امك طمنها
نياف : يلا الحين ماعندك عذر
مفلح ياخذ جواله ويدق على امه
بيت " ابو مقرن "
ام مقرن : يام مفلح قالو لك انه مابه شيء تعالي معنا
ام مفلح : ماني رايحه مكان بدون ماشوف مفلح بنتظر مفلح لين يجي
اميره : عمه انا مكلمه نياف اولى يقولون بيروحون يسمرون عند مهدي موب جايين خلينا نروح
جوال ام مفلح يرن ....
ردت ام مفلح : وينك يابوي ابك شيء
مفلح : لا يمه وش بيكون فيني انقطعت بنزين والحمدلله اني قريب محطة مهدي جاني واخذني ونسيت جوالي دقيت على نياف من جوال مهدي وعانينا مع بعض
ام مفلح : وراك ماجيت ليه رايحين الى مهدي تعال بشوفك ورح الى مهدي
مفلح : هاه مهدي حلف علينا يبينا نسمر معهم وبجيك عند خالي عبدالله روحي
ام مفلح :زين زين ردت روحي بصوتك يابوي
مفلح : لا تخافين على مفلح ذيب مايصير له شيء انتي بس ادعي لي ولا جايني شيء الله يخليتس الي
ام مفلح : وانا اقدر اسجد سجده بدون اسم مفلح ؟
مفلح : الله يخليتس الي ولا يحرمني منتس ولا من دعواتس يا الغاليه تبين شيء
ام مفلح : سلامتك يابوي انتبهو وانتم جاين
مفلح : ان شاء الله ان شاء لله فمان الله
ام مفلح : هل هلا يابوي
ام مقرن : هاه تطمنتي مابه غير العافيه يلا مشينا
ام مفلح : يلا ارتحت يوم سمعت صوته
ام مقرن : يلا يابنات مشينا
اميره : يمه ماني برايحه بجلس مقرن بيجي ويبي ياخذ اغراض للعزبه بيبات عندها وبيجيبني لكم اذا خلصنا
ام مقرن : وراه تجلسين يجي وياخذ اغراضه
اميره : لا يمه تعرفيني ماحب اخلي مقرن وهو محتاجني روحو ومقرن بيجيبني
ام مقرن: زين زين انتبهي دقي علي اذا ماجاتس
اميره : ان شاء الله يمه
نوره طالعه من الغرفه لابسه وكاشخة
نوره : اميره وراتس جالسه يلا بنمشي البسي
اميره : روحي وبلحقك بيجيني مقرن
نوره :مقرن وش يبي فيتس
نوره تقرب من اميره عشان عمتها ماتسمعهم:مفلح فيه شيء
اميره : لا مفلح كلم عمه اولى بيسمرون عند مهدي ومقرن بيجي ياخذ اغراض بيبات عند العزبه
نوره : زين بس ترا ما صدقتك
اميره : روحي اسالي عمه لا تصدقيني بعدين انا وش دخلني في مفلح عشان اقعد عشانه
أنت تقرأ
مـا يشابـه حضورك غيـر مـزن و غمـام أمطرت بك حضور و رحبّت بك سحاب
שיריםنياف بطل القصة اصغر عيال حبيب مربيه الجد ويحب جده ويسمع كلمته ولا يرد له كلمه يحب النياق ويحب التعليم حلمه يكون دكتور يسافر بعثه برا سعوديه عشان يكمل مسيرته التعليميه التكمله في البارتات .... @rw.melo : حساب الانستا شاركوني ارئكم وتشبيهاتكم هنا...
