ام مقرن : أميره قلت لك مافيني شيء
اميره :اعرفك ماتقفلين غرفتك كذا زين انتي لا تفتحينها وانا رايحه الى جدي
افتحت الغرفه ام مقرن ودموعها على خدها
اميره دخلت : بسم عليك يمه وش فيك ليه تبكين
ام مقرن : لو تطلقت من ابوكم بتقعدون معي ولا تروحون معه
أميره: ليه هو عندنا ابو عشان نروح معه اذا قصدك على ذا رجال الي بحياتنا ماعمرنا حسينا انه ابونا وماعمره جلس معنا وشاف وش نحب وش نتضايق منه اذا ماتبغينه احنا معك مانبيه
ام مقرن : جدك قالي اذا ودك تتطلقين ...
اميره : وانتي وش ودك
ام مقرن : وضعي مثل المطلقه ماشوفه الى مثل المره ويختفي وعشانكم
اميره : وش عشانا لا تطلقي مانبيه هو ماسال عن نياف ولا سال عني ماقال بنتي وباخذ رايها ولا قال ولدي رايح يدرس برا وبيعيش بالغربه يمه اذا تكملت زواجك من ابوي بتضرك تطلقي
ام مقرن : بياخذ اخوانك مني
اميره : هم ريجيل موب رايحين معه
ام مقرن : نوره يقدر ياخذها
اميره : نوره كبيره وتفهم تعرف كل شيء نوره من شوي تقول ماعمري حسيت ان عندي اب دايم لاهي في حياته ولا درا عني من اول من ولدت ولا حسيت باهتمامه لي فا تكفين مايستاهل تبكين وتقعدين في حياته
ام مقرن تبكي : يقدر ياخذها غصب فكوني خلوني عايشه كذا يكفي ايهاناته وذله مابي منه شيء بس انتم مابي يضركم شيء
اميره : احنا مايقدر يسوي لنا شيء انا الحين على متزوجه والعيال ريجيل ونوره تقدر تاخذ حقها منه ماتبيه
نوره داخله : ومن قال اني مابيه ابيه بس مابي الرجال ذا ابي ابو يحبني يهتم لي يحسسني اني بنته ابي ابو اذا شافني متضايقه يداري خاطري ابي ابو ياخذني من المدرسه مثل صاحباتي ابوانهم من اول إبتدائي ياخذونهم وانا ياجدي ولا مقرن ابي ابو يوقف معي في كل شيء
اميره تحضن نوره وامها وحابسه دموعها: مانبيه نياف ومقرن يكفون وجدي يكفي
ام مفلح تسمعهم رايحه للمجلس عند ابوها
الجد : تعالي ياسعده
ام مفلح : وينه فيه حبيب
الجد : مادري عنه
ام مفلح : راضي بالي يسويه في عزله وعيالها
الجد : لا ولله وانا ابوتس قلت لها اذا ودك بطلاق ورفضت ماتبي عشان عيالها
ام مفلح : كلمه قوله عيالك بحاجتك
الجد : ماعندي له عيال ولا زوجه خليه يمشي ورا ابو ساره وربعه لين يعرف من فقد ماني ابوه ولا عندي له اهل
ام مفلح : تكفى يابوي لا تقول كذا لا تحرمه من عياله
الجد : شوفي فوق هناك علاج ضغط عطيني
ام مفلح : وين يبه هنا يبه وينه
لفت ام مفلح وشافت ابوها طايح مغمى عليه بصراخ : يييييييييبه
اميره : وش فيه
ام مقرن تمسح دموعه وتطلع من الغرفه : عمي لايكون فيه شيء
طلعو من الغرفه يركضون للمجلس
ام مقرن : وش فيه
ام مفلح بصياح : تكفين ياعزله الحقيني ابوي مدري وش فيه دقو على احد دقو على عبدالله ولا مفلح
اميره تاخذ جواله و تدق على مقرن
مقرن : الو
اميره تبكي : مقرن وينك جدي طاح علينا تعال
مقرن يناظر في مفلح : جايي جايي
مفلح : وش فيه
مقرن : جدي طايح عليهم حرك سرعه للبيت
أنت تقرأ
مـا يشابـه حضورك غيـر مـزن و غمـام أمطرت بك حضور و رحبّت بك سحاب
Poesiaنياف بطل القصة اصغر عيال حبيب مربيه الجد ويحب جده ويسمع كلمته ولا يرد له كلمه يحب النياق ويحب التعليم حلمه يكون دكتور يسافر بعثه برا سعوديه عشان يكمل مسيرته التعليميه التكمله في البارتات .... @rw.melo : حساب الانستا شاركوني ارئكم وتشبيهاتكم هنا...
