اليوم الثاني في الديره إلى نياف وهو ينتظر قرار سحاب بانها تروح معه وتترك ابوها او بأنها ترضى بقرار ابوها
نياف باتصال مع مقرن ""
مقرن : ومتى ترد عليك
نياف : مادري للحين ماطلعت أنا من البيت
مقرن : اوف نياف الي ما يقعده شيء هين قاعد في البيت
نياف : ياخي غبار البيت يجيب الكتمه عايش في سطح
مقرن يضحك : اوف عاد سطح له ذكريات واجد
نياف : ياشيخ اقلع الديره خل ذكريات تمشي معك بكل لحضه فيها ذكريات
مقرن : اول ماتقبلت أنا ونوف ماتوقعت بتصير زوجتي ام لسان
نياف يضحك : يالله يامقرن تزوجتها وهي تقولك غوريلا
مقرن يضحك : يارجال ماتوقعت باني بحبها
نياف : مقرن
مقرن : لبيه يا محزم مقرن
نياف : ادري انك زعلان منها بس ترا مالها ذنب هو مجنون وهي ماتبي يصير لك شيء عشان كذا تبي تصرفه
مقرن ساكت ..
نياف : رد علي لا تسكت وترا نوف مع الايام بتحبك مثل ماتحبها فا لا تخلي بينكم حاجز صارت حلالك
المزرعه ""
جناح مفلح واميره "
اميره : مفلح تتوقع نياف بيقنع عمي ويرجعون
مفلح : ومن قال ان عمي يدري عن نياف انه في الديره
اميره : شلون لا تقول نياف ...
مفلح : نياف بيخطف سحاب ويجيبها هنا وجدي يزوجهم
أميره بصدمه : نعم غصب عن ابوها
مفلح قعد : اميره مالنا دخل لا تتكلمين وتخربين عليهم هم كبار مو صغار وعمي ماله حق يسوي كذا دام سحاب تبيه وهو يبيه
اميره : ماراح اتكلم بس احس بيتعقد الموضوع اكثر
مفلح : أنا سمعت ان عمي بيزوجها واحد من عيال خوالها هم الموضع غصب عن سحاب يصير غصب عنه ولا هو غصب عنها وقتها بتشوفين نياف مو نياف الي نعرفه إذا تم زواجها من ولد خالها
اميره : يمه خير وش يحس فيه عمي ولد اخوه اولى ويحبها وهي بعد تحبه مادري وش سالفته علينا
مفلح : واضحه ابوك في سجن وهو مايبي جد احفاده خريج سجون
اميره لفت عليه بصدمه من كلامه : وانت راضي بان جد عيالك خريج سجون
مفلح : أنا ماتزوجت جد عيالي تزوجت أميره وجد عيالي خالي وعمر ظفر مايطلع من الحم إذا قصدك اني اشوف خالي بذا نظره فانتي غلطانه أنا قاعد اقولك نظرة عمك لكم واضح انه مايحب خالي حبيب من زمان وهو وخالي حبيب بينهم مشادات وانتي تعرفين ذا شيء اكثر مني
قرب منها مفلح لما لمح عيونها بدت تغرق دموع لمها بحظنه: وخالي بيطلع من سجن ان شاءالله ويشوف عيالنا وصدقيني بيختار عيالي اكثر من عيال مقرن و نياف
اميره تضحك ضحكه بدموع : الله يسمع منك
الساعه 12:00
في الديره
نامو اهل الديره و نياف واقف بسطح ويناظر بيت عمه
بيت ابو عبدالعزيز "
سحاب لبست عبايتها وطلعت من البيت
نياف لمح الباب انفتح وشاف سحاب ترمي الورقه في حوش بيتهم ورجعت للبيت
نزل بسرعه يدور الورقه طايحه بالحوش وشافها معفوسه نفس الكوره وخذاها يفتحها
مكتوب " متى ودك نهرب أنا جاهزه بس عطني أشاره أهلي ينامون الساعه 11:30
نياف من فرحته اول ماتصل عليه مقرن
أنت تقرأ
مـا يشابـه حضورك غيـر مـزن و غمـام أمطرت بك حضور و رحبّت بك سحاب
Poesiaنياف بطل القصة اصغر عيال حبيب مربيه الجد ويحب جده ويسمع كلمته ولا يرد له كلمه يحب النياق ويحب التعليم حلمه يكون دكتور يسافر بعثه برا سعوديه عشان يكمل مسيرته التعليميه التكمله في البارتات .... @rw.melo : حساب الانستا شاركوني ارئكم وتشبيهاتكم هنا...
