المقدمة 🔥
اسمهان: نضت من النوم راسي يوجع فيا مشيت ل بابا لاقيتا ف المطبخ
اسمهان: قود مور نينق ياحلو
عيسى: قود مورنينق
اسمهان: وين طالع؟؟ مش اليوم عطلة!!!
عيسى: طالع بنجيب نواقص الحوش
اسمهان: آآآآه... وطلعت مشيت ل داري..... طبعا نعرفكم عليا وعلي بابا ونحكيلكم قصتي
انا اسمهان عمري18 عايشة ف تركية لان ماما(آسيا) تركية ماما توفت واني صغيرة وعايشة اني وبابا ف تركية لان بابا يخدم محاسب ف شركة ليها مكانتها ف تركية طبعا عيلت جدي قاعدين ف ليبيا بابا يتواصل معاهم بس انا لا مانتواصلش معاهم نعرف من بنات عمي وحدة بس اسمها جنات مرة هي مرضت ف جت قعدت عندنا هيا وبوها(علي)
الي عرفتا من شخصيتها وحدة مسمومة وحقودة حقدت عليا بلا سبب ف الفترة الي قعدت فيها عندنا
خليني نعرفكم علي روحي اكتر:-
اني ياوخياتي بنت مواصفاتي شقرة وعيوني زرق مايلة للرصاصي قصيرة بجد دريبو واني بنت معاندية ع قد ما معاندية ع قد ما اني طيبة وحنونة..... واني مدمنة علي حاجة اسمها الانمي ومسلسل الحفرة تلفوني معبي صورهم وكواليسهم ومكبدة علي اغاني محمد رمضان
ههههه (تحسوهم حاجات ولاد)
وهكي عرفتكم علي عيلتي أنشاءالله تعجبكم حكايتي
--------------------------
تفاعلكم يسعدني 😍
رواية حب بنكهة المشاكل بقلم منار رمضان🔥
أنت تقرأ
حب بنكهة المشاكل❤
Romanceلو كنتم من الناس الي تحب تاخد بالنصائح ننصحكم بالرواية 😁هادي ابداااع 🔥
