حب بنكهة المشاكل❤

اول يوم ف قصر ☠️

البارت التاني 💖: اول يوم ف قصر النفاق ☠️

حمزة: كلمني جدك وقال بما ان بوك توفى لازم يجي يروح بيك لليبيا.... اني نتمنى تعيشي عندنا لكن الله غالب القانون معاه هو منقدرش نتكلم
اسمهان: به اني منبيش نروح لليبيا اني متعودة على تركيا كيف نمشي لناس منعرفهمش
حمزة: تو تتعرفي عليهم وآمتا ما تبي نجي نرفعك تقعدي فترة وترجعي
اسمهان: باهي آمتا طيارتي
حمزة: الساعه 10 رح يجي جدك المطار
اسمهان هزت راسها ومشت خشت لدارها
اسمهان: طبعا نسيت نعرفكم علي جدي...... جدي اسمة(عبدالله)ع حسب معرفتي فيه شخص طاغي ومتجبر..... اني ع نفسي منبيش نروح لكن هادا المفروض يصير قانونآ وشرعآ
زينة: خشت علي اسمهان تبكي: اشكممم(معناها حبي بالتركي) ح نستاحشك هلباااا
اسمهان تبكي: حتى اني لكن عمي حمزة قالي آمتا ما تبي تعالي ❤
_______________

تسريع الاحداث 🎬
اسمهان: قاعد نلم ف حوايجي ومنيش عارفة شن رح يصير معاي ف ليبيا هل ح يتقبلوني

تسريع الاحداث 🎬

اسمهان: وصلت لليبيا وكنت مضاية جدي حسيتة وااعر وشخص جاف ولا كأن اني حفيدتة الي معمراش شافها ف حياتة.......... اول ماوصلت القصر كان كبير هلبا ومنظرا من برا يجنن جنان وسيارات ونافورا حلوا وكبيرة
عبدالله: هادا هو القصر الي من يوم وطالع رح تعيشي فيه
اسمهان:(شن هالشيباني المعكرش هادا مبردة) آآه اي حلو
وخشيت سلمت حسيت ان مفيش حد فرحان بجيتي كان حناي وولد وبنت معرفتهمش والباقي كلهم حسيتهم مضايقين
عبدالله: قعمزي هني
اسمهان قعمزت
عبدالله: هادا الحوش ح تعيشي فيه زيك زي بنات عمك ومفيش حد يضايقك ولو تبي شي قولي ل مهند (واشر علي مهند) هوا الي مسؤل عنك
اسمهان اول مشافاتة نصدمت من جماله
جنات ب همس ل سمر: والله هادا الي ناقص تقعد وحدة جربوعة زي هادي زينا زيها ف القصر
سمر: اي ريتي؟
العليله كلهم يشبحو ف اسمهان
اسمهان: خيركم تبلبزو ف عيونكم؟ لاباس فيا شي؟!
العيلة: 😳😳
زين: متاكدة جاية من تركيا
اسمهان: لا
العيلة ف يلي مصدوم من طولة لسان اسمهان وفي يلي قاعد يضحك عليها لانها الوحيدة الي القادرة تتكلم بجرأه قدام عبدالله
عبدالله تكنطى لكن عذرها لانها جديدة: بري ينتي تريحي بعدين تو ينوضوك ع الغدي
اسمهان خدت شنطتها وناضت: وين داري؟
عبدالله: حلا امشي وري ل بنت عمك دارها
حلا: حاضر
حلا واسمهان مشو
اسمهان: خشي معاي
حلا: لالا تو اكيد تعابنة تريحي
اسمهان: خشي نبيك
حلا خشت: شكراً
اسمهان: كانت الدار حلوة وانيقة والوانها مريحة....... تفضلي قعمزي هني...... وطلعت من شنطتها شكلاطة وشيبس
حلا: ما كانش في داعي
اسمهان: لالا عادي.... المهم نبيك توا تعرفيني ع يلي ف القصر اكلهم
حلا: باه..... تعرفي الي كان مقعمز ب جنب جدي؟ هادا عمي(منير) ومرتة(جواهر) وعندة منها مهند وهند وسمر وياحنة هادا مهند جدي تقدري تقولي ولد جدة مش ولد بوه لان اول حفيد وهو الي مسميه ولان مهند هو الوحيد الي يحترم ف جدي ويسمع ف كلامة مهمها قال ومهند كان قال كلمة تمشي ع الجميع
وهند: هادي وحدة لفعة من تحي لتحت وميبانش عليها بكل هي مخطوبة وقريب نفتكو منها وسمر هادي وحدة سمها قبالة كل شي ادير فيه ع المكشوف وعمرها ماخافت من حد لكن مهند ديما يعطي فيها ف طرايح ع الشي هادا
وال كان مقعمز قبالة جدي هادا عمي (علي)ومرتة(سهام) وعندا منها جهاد واحد نتاع بنات وجو لكن مع الناس وهكي محترم وجنات وحدة حقودة كان لاقت بنت احلا منها تحقد عليها
والي كان مقعز جنبي هوا بابا(سالم) وماما (اسماء) الله يرحمها وخوي زين الصغير
اسمهان: آآه وانتي باين عليك معندكش صداقات هني
حلا: اي اني هني ليا سنتين لان ماما اتطقت من بابا وحني صغار ومشينا مع ماما لما توفت من سنتين جدي جابنا هني
اسمهان: به مكنتوش تجو هني؟
حلا: لالا بابا كان يشوف فينا شوية ف مكان عام بعدها يروح بينا ل ماما
اسمهان: بترقد وهي مقعمزة😴
حلا: اني رح مطلع تريحي..... وطلعت
اسمهان: رقدت

#Manar Ramadan

جنات: حي ياسمر كان يصير شي بينهم نمووت وربي نموت
سمر: اطمني مش رح يصير شي بينهم
جنات: متسمعيش ف جدي يقول مهند مسؤل عنك
سمر: به خلاص......اصلن اكيد يحبك امتي مش كله جمال
هند: محلاها الفرخة حسني حسدتها.... هادي كان تعطيها اسبوع بس تلقي مهند ميت فيها موووت
جنات: اسكتي معاش تزيديني
😭

#Manar Ramadan

اسمهان: نضت من النوم علي صوت حلا
حلا: نوضي ياسري نوم من بكري نراجو فيك ع الغدي
اسمهان تتكسل: به اهو نايضة
حلا: باهي نراجو فيك لوطة... وطلعت
اسمهان: خشيت للحمام وغيرت خوايحي لبست بيجامة حرايرية زرقة وضفرت شعري... ونزلت..... السلام عليكم
الكل: وعليكم السلام
جنات&سمر&هند: 😒😒😒
اسمهان: شنو الغدي؟
حناي(ميلودة): تعالي دوقي عصبان حناك
اسمهان: هادا هو العصبان؟... نسمع بيه يقولو طيب هي ندوقوه..... اول مادقته مشيت جري للمطبخ دفلتة (حشاكم)
وجيتهم.. شن هو هادا
الكل: 😂😂😂😂
زين: وربي الا يلا دوق واحد يتفل العصبان؟
اسمهان: دوقي خلاني نرد علي واحد زيك
زين: ءءءءء
جهاد: خلاص اسكت قصفاتك
مهند: اسكت انت واياه😐
جهاد&زين: 🤐🤐
اسمهان: خوافين... نمشي ندير نص تن
منير: والله البنية تفكر فيا ب حياة عيسى ناسخاتة نسخ حتى ف دوتها تقول عيسى يتكلم
زين: مرات عيسى ع شكل بنت عادي
عبدالله: اسكت انت
زين: به😐

#Manar Ramadan

اسمهان: مكسدة ع النت خشيت ع صفحة موزارت حجزت كيكية مش عارقة من يجيبهالي.... بعدها ادكرت مهند وقولت خلي نمشي نكلمة انشاءلله ميردنيش ه المنكد... نزلت لوطا خشيت للمطبخ لاقيتة يشرب ف ميه..... مهند!!
مهند بدون ما يشبح فيها: نعم
اسمهان:(شن هالنكد هادا)
مهند: شن تبي
اسمهان: مش جدي قالي لو تبي شي قولي ل مهند هو المسؤل عنك
مهند: اي باه
اسمهان: نبي نتعبك شوية... شوف الكيكية هادي ف موزارت نبيها حجزتها وقالولي تعالي استلميها
مهند: تم تو نمشي نجيبها
اسمهان: شكراً هلبااات.... توا تغيرت صورتك عندي
مهند انتبهلها: وعلاش شن كانت صورتي
اسمهان: انك نكد وغرور وجفاف لكن تحولت الجفاف وقعدو النكد والغرور
مهند ضحك وخدي تلفونة وطلع

(الغريب من الشي هادا كلا ان في حد كان يراقب فيهم من هو هادا الشخص هادا الي رح نعرفوه ف البارت التالت❤)

#يتبع
منار: تفاعلكم يسعدني❤😍

___________

رواية: حب بنكهة المشاكل بقلم الكاتبة منار رمضان🔥