حب بنكهة المشاكل❤

البارت12

البارت12

عبدالله: آمتا بيروح مهند
جهاد: قال الايام الجاية عندة خدمة لا فوق راسة
عبدالله: يجيب ربي ونسمع بيه ماشي لاسمهان
جهاد تلبك: لالا مستحيل
جنات تسمع فيهم وتقول ف عقلها(تو مازال بيدورها بعد ماختشت)
عبدالله: ماهو مخطط نديرو البيان ف نهاية رمضان
جنات فرحت وشبحت لامها
سهام شبحتلها وضحكت ب مكر

#Mabar Ramadan

مهند: كلمت سارة وقتلي ح نطلعهالك بروحها ل ساحة...واول ماخشيت ل ساحة معبية ولاد واول ماشافوني الي خايف وهرب والي قعمز ف تركينة يبكي والي اكرمكم الله دارها تحتة كان منظر مروع معقولة اسمهان عايشة هني وبين الناس هادو !!!
اتصلت ب سارة
سارة: لك وينك النا ساعة عم ننتزر ؟
مهند: خشيت ل مكان معبي رجالة
سارة: لك هيدا حناح للرجال
مهند: به تو نخش ونسال الريسبشن...وسكر الخط
سارة: تلود ب اسمهان بالكرسي: في مفاحاة رح تجيكي بعد شوي
اسمهان: مني؟
وفجاة....

#  Manar Ramadan

عمر : من هي البنت الي بتخطبيها ليا؟
نجاة: بنت تقول غزال
عمر: وحلوة!!
نجاة: تي مش قتلك غزال!!!
لكن عيبها قصرها مبالغ فيه
عمر: تي عادي كانها حلوة مش مشكلة..وانتي من ناعتك عليها
نجاة: خالتك وهيبة
عمر: اي زي ما نعتاتك علي مرت نبيل وشكرتها وف الاخير طلعت وحدة شيطانة
نجاة: لالا انشاء الله تجيك زي ماتييها واحسن
عمر: انشاء الله

# Manar Ramadan

زين: اني عارفة ماشي باش يزيدها علي ما بيها
حلا: حرام عليك تظلم فيه هو يحبها ويبيها
جهاد: هو كلام جهاد فيه وجهة نظر لكن انت متحكمش مندون ماتفهم
زين: اني فاهم كل شي هي ب لسانها حكتلي قبل ما يصير الموضوع
حلا: انشاء الله خير

#Manar Ramadan
سارة خلتهم ومشت
اسمهان بدت تبكي: انت شدير اهني؟
مهند: اسمهان سامحيني
اسمهان: شن ينفع بعد الي درتوه فيا...وبعدين يرا لجنات اكيد تراجي فيك...خليني هني مدمرة بروحي
مهند: اني وجنات خطبتنا تاجلت وف الوقت حندير الي نبيه والي يصير يصير..
اسمهان سكتت وتبكي
مهند: اسمهان شوفيلي
اسمهان شبحتلة وعيونها دموع: انت وين ف الوقت الي اني فيه نعاني؟ بالله تشوف ف خالتي شوف علي شن مقعمزة انت وين كنت....اكيد ف القصر وقاعد مع جنات وتتغازلو
مهند رقرقو عيونة: اسمهان اني كنت ديما نسال عليك ومخليتكش ولا لحظة لو تشوفي قداش تعدبت وربي دفعني ثمن غلطي فوق ما تتصوري
اسمهان شبحت ف مهند
مهند: اسمهان سامحيني اني نحبك
اسمهان شبحت ف مهند بوضوح وبعدها خشت ف حضنا وبدت تبكي: مهند اني تعبت هلبا ي مهند اني محتاجتلك ونبيك تكون معاي
مهند: ضغط عليها ويبوس فيها: اني معاك يحبي
اسمه ان: تبكي مهند طلعني بالله اني خلاص مافيا شي
مهند: تم يروحي غدوة بادن الله نطلعك ونحطك ف حوش حمزة
اسمهان حولت عن مهند: مهند نبي نحكي معاك ف موضوع
مهند: ها شن يا قلبي❤💋
اسمهان.......

#  Manar Ramadan

اليوم التاني

مهند دار ستين واسطة باش طلع اسمهان من المشفى واسمهان ودعت سارة وطلعو
مهند قامها من الكروسة وحطها ف كرسي السيار: مش ماشيين لحوش حمزة طول راه
اسمهان فرحانه: ووين بنمشو؟😍
مهند: بندهورو
اسمهان ضحكت
#Manar Ramadan

مسرة خاشة تسلم: اهلين ياعمتي كيف الحال
نجاة: اهلين بكنتي حويتة عليها حويتة
مسرة تقول ف عقلها(لالا سميكة مش حويتة)...سلمك ياعمتي وقعمزت
سالمة( ام مسرة): ووليدك شن يخدم
نجاة: فاتح هو وصاحبة شركة ومعرض سيارات
سالمة: وعندة حوش؟
نجاة: عند فيلة ف طريق المطار وعندة شقة ف مالطا يمشيلها مرة مرة لما يكون عندة خدمة
سالمة: مشاء الله يبارك ربي يزيدة
..واستمرت نجاة ف مدح ولدها لين موسى (بو مسرة)
طق الباب باش مسرة تطلع وتشوف العريس)
مسرة اول ماخشت انصدمت: انت شدير هني؟
عمر: اووو هادا انتي!!
حي علي ام الكمين!!!!!
مسرة ف حالة صدمة ومتحشمة من الموقف الي صار بينهم في قصر عبدالله
(خلولهم خصوصية شوي😁)

# Manar Ramadan

مهند يدف ف الكرسي ويولد ب اسمهان
اسمهان عيونها دموع: المكان هادا كنت يوميا نمشولا اني وبابا
مهند: اسمهان حبيبتي معادش نبيك تفكري ف الماضي فكري ف مستقبلنا مع بعض
اسمهان ضحكت
مهند: خلاص نمشو
اسمهان: باه
مهند رفعها حطها ف السيارة وطلع...ومشو ل حوش حمزة
مهند رن الجرس
فتحلة اسلام: اوووبو نسيب
مهند: سلومة!!
....وقعدو يسلمو
مهند: جبتلكم مفاجاة
اسلام: شن!
مهند جاب اسمهان
اسمهان: سربرايزووووو🤣
اسلام من الفرحة مشي يحري ل بوه: يابوي!!! يابوي!!! اسمهان جت
حمزة انصدم: كيف ومع شكون
اسلام: مع مهند
حمزة نزل يجري يسلم علي اسمهان ودخلوها سلمت علي نورية وزينة وزينب
#Manar Ramadan

حلا خشت علي جهاد ف الدار
جهاد نخلع: تي خيرك شن في؟
حلا: توا كنت نكلم ف مهند وقالي اليوم طلع اسمهان من المشفى
جهاد حط ايدة علي فمها: تي اسكتي تو يسمعوك
حلا: زعما يروح بيها هني؟
جهاد: ماضنش انتي عارفة شن صار ف اكيد بيحطها ف حوش حمزة
وفجاة تخش عليهم سمر: سمعتكم
جهاد: تتصنتي ماهو
سمر: راهو دارك جنب داري ف بديهي لما بنفوت حنسمعك...اي وشن قلتو مهند وين بيرفع اسمهان؟
حلا: طلعها من المشفى
سمر فرحت: به الحمدلله
حلا: لكن اهم شي الموضوع يقعد بينا مهند قالي متقوليش لحد
جهاد وسمر: باه

# يتبع 💕
تفاعلوا لو عجبكم ديرو لايك لو ما عجبكمش ديرو حتى هو لايك لان مش حينقص من عمركم... تشاو👋🏻❤