حب بنكهة المشاكل❤

طلعت الجانب الحنون فيه 😍

البارت الرابع💖طلعت الجانب الحنون فيه

#Manar Ramadan

مهند: فطرتي؟
اسمهان: اي لكن جيعانة
مهند: به تو نرفعك للفورنو
اسمهان: شن الفورنو
مهند: مطعم

#Manar Ramadan

عبدالله: وينهم اسمهان ومنهد لاتوا
جهاد: مهند قال رافع اسمهان للفورنو
سهام: اصلن البنت هادي من اول ماجت حسيتها مش تمام
علي: سكري فمك ونو ضي لدراك
سهام مشت لدارها😒
جنات تغلي وناضت لحقت امها😡

#Manar Ramadan

اسمهان: محلاها البيتزا
مهند: صحه
اسمهان: علي قلبك..... وخدت طرف بيتزا وحطاتة قريب من فمة: خود دوقها
مهند انصدم: لالا منحبش الماكلة هادي مش كويسة
اسمهان: اي حسيتك من جماعة السلايط..... وزادت قربتها.... خود متردنيش
مهند خدي منها
اسمهان: صحة
مهند: علي قلبك
اسمهان: هاك كملها
مهند: لالا منبيش

#Manar Ramadan

عبدالله: وينهم طولو
ميلودة: لالا معش يبطو
مهند واسمهان خشو
عبدالله: وينكم لاتوا؟
مهند: اسمهان جيعانة رفعتها للفورنو
اسمهان: عن ادنكم اني بنمشي لداري

(قعمز مهند هدرز علي عبدالله وميلودةوبعدها مشي لدارا )

#Manar Ramadan

عبدالله: اليوم الولاد والبنات ضمو الجنان
زين: تي هوا شن فيه الجنان باش نضموه!!
جهاد: ياجدي انت تبي تشقينا بس
مهند: سكر فمك انت واياه.... نوضي ياهند وتي الحاجات تو نلحقوك

(وتت هند الحاجات ولحقوها للجنان)

مهند: اسمهان خودي المكنسة وكنسي هني قبل ماتوصل فيه الميه
اسمهان: آه...... منعرفش نكنس
الكل: 😳😳
مهند: به خودي الطوبي وعطيني المكنسى
جنات: اسمهان عطيهولي الطوبي
اسمهان: هاكي.... خلاص اني بنقعد اشراف
سمر: اصلن انتي زايدة بلا فايده
مهند: سمر سكري رومتك
اسمهان قعمزت ع الكرسي وتتفرج عليهم
جنات: مهنننند.... وبخت عليه اميه
مهند: تي خير فيتك يا &$#$& بليتيني
جهاد: بري اقلبي منظرك خوشي الداخل
جنات خشت 😭
مهند: اسمهان خودي الطوبي
اسمهان خدت الطوبي: زين شن حدير لو بخيت عليك امية
زين: وربي تبخي عليا امية....
اسمهان: وربي تبخي وشن آخر
زين: وربي تبخي عليا امية.... ماني داير حاجه
الكل: 😂
اسمهان بخاتة بالميه: ههههه حلوة ولا
زين: تهبللل😂
مهند: 😒😒
اسمهان: حتى انت جهاد خاطرك فيها😁
جهاد حدف المكنسة: بخي هي
اسمهان: حلواا؟
جهاد: جربت شعور العشب لما ييخو في بالمية
اسمهان: مهند شن ادريرلي كان بخيتك بالمية؟
مهند: شبحلها بنظرة حادة

جنات تتفرج عليهم من الروشن: اش معنى هزبني اني وهي لا..... لالا اكيد في شي بيناتهم وفجأة يوصلها مسج جنات فتحاتة: لالا في شي غلط 😳😭

هند: ياسرو لعب عيال خلاص
جهاد: انتي غمي فمك
زين: وووك ضهري يوجع فيا تقول مرا جايبة😫
اسمهان: شكلك مجرب🤔
زين: لالا مجربتش... لكن جهاد حكالي عليها عن تجربة😏
جهاد: والله لو ما تسكر فمك نجي نهبكلك فم كبدك😐
الكل: 😂😂😂
حلا: علي شوي بيجي جدي بنقعنا ب البنزينة ويولع فينا النار
زين: الا مهند
مهند: كملو بلا دوة زايدة
#Manar Ramadan
(كملو الجنان ومشو ل ديارهم يدوشو)
Manar Ramadan

اسمهان: دوشت ولبس الفوطة نتاع الدوش وتمدت ع السرير فجآة طق الباب...... اكيد هادي حلا فتحت الباب وانصدمت
___________________

سمر: خيرك تبكي؟
جنات.....
فلاش باك 🎬

سناء قاعدة تراجي ف خطيبها واول ماشافت اسمهان وهي توكل في مهند صورتهم وبعتتهم ل جنات
•••••••••••••
سمر: هالحقيرة مصح وجهها مسرع ماطيحاتة توا الصور الي عندك ابعتيهم ل جدي
جنات: مستحيل يكلمة انتي عارفة مهند😭
#Manar Ramadan

مهند: كنت ف الجنان ندخن فجآة لمحت سلسلة طايحة وتفكرت اني شابحها ف رقبت اسمهان.... قمتها ومشيت لدارها
وطقيت الباب طلعت ب منظر صدمني كانت لابسة الفوطة نتاع الدوش ومنظرها يسحر كانت حلوة
اسمهان تزلطت وسكرت الباب
مهند: لقيت سليلتك طايحة ف الجنان جبتهولك
اسمهان بدت تبكي: به حطها وامشي
مهند: حطها ومشي
اسمهان طلعت خدت السلسلة وتحضن فيها وتبكي

فلاش باك🎬
عيسى: هادي سلسلة امك الله يرحمها وجي اليوم الي بتاخديها انتي
اسمهان عيونها دمعو 🥲
عيسى: راهو منبيش بكي
اسمهان خلاص ها مسحت دموعي
•••••••••••••••••••
اسمهان ناضت علي صوت حلا
حلا: هيا انزلي العشي واتي
اسمهان: لالا نحس ف روحي مريضة
حلا: مستها لقتها سخونة.... باهي ارتاحي ولو تبي شي قوليلي
عبدالله: خيرها منزلتش؟
حلا: قالت مريضة.... صاح مسبتها لقيتها سخونة
(كلو وكملو ومشو لديارهم بيرقدو )
#Manar Ramadan

جواهر تلبس ف ملاية الصلاه
منير: راقد ع السرير: وين ماشية؟
جواهر: بنمشي بنشوف اسمهان بكري حلا قالت مريضة
منير: وكان هادا
جواهر: حرام يتيمة ماعندها حد
منير: آه به امشي
"جواهر مشت لدار اسمهان لقتها حرارتها مرتفعة ومشيطة وتهلوس مشت تجري لدار مهند"
جواهر: مهند!! نوض بسرعة اسمهان مريضة ارفعها للمشفى
مهند: ناض مخلوع: خيرها
جواهر: حراتها مشيكة شكلها تاعبة هلبا
مهند ناض يجري به نوضي حلا تمشي معاها
جواهر طلعت تنوض ف حلا
مهند مشي ل دار اسمها
مهند: اسمهان!!! مسها وكانت حراتها مرتفعة
اسمهان تهلوس وتبكي: باباااا مامااااا💔
مهند وجعه حالها لفها بالبطانية ورفعها ف غمرة وطلع بجري لحقاتة حلا ومشو للمشفى
#Manar Ramadan

عبدالله: خيركم شن في!
علي: اسمهان مرضت رفعوها مهند وحلا للمشفى
جنات😳🤬
جهاد: مهند ميردش
جواهر: هنودا من حرارة الروح طلع وخلا تلفونة
________________

اسمهان ف المشفى معلقيلها تغدية وسيروم وحلا راقدة ع الكرسي الصالون ومهند مقعمز قدام الحجرة ويسمع ف اسمهان تشهق عرفها تبكي خش عليها لاقاها تبكي وهي راقدة
اسمهان تبكي: باباااااا مامااااتت😭💔
مهند وجهاتة وبهظها قعد ينوض ف حلا
حلا: خيرك
مهند: نوضي شوفيها..... وطلع يفكر فيها
#Manar Ramadan

جهاد: عرفتهم ف اما مشفى وتوا ماشيلهم
زين: بنمشي معاك
جهاد: بها اطلع
جواهر: ترفعو لمهند تلفونه
زين خداه.... وطلعو

#يتبع💓💕

انشاء الله تكون نالت اعجابكم واكيد تفاعلكم يهمني هلبا♥

رواية حب بنكهة المشاكل بقلم الكاتبة منار رمضان 🙂