البارت5
اسمهان: مع اني كنت مريضة لكن لكن مشيت للاستراحة تغير جوي شوية جهاد قاعد يشوي وجدي وحناي وعمامي ومهند مقعمزين يهدرزو والمسمومات شادات تركينة ويهدرزو وحلا توتي مع جهاد ف اللحم وتملح فيه وزين يشفط عليهم واني قاعدة نتفرج وخلاص
مهند: خيرك قاعدة بروحك؟
اسمهان: لا ولا شي
مهند: خيرك تحسي ف روحك مريضة؟؟
اسمهان: لالا منحس ف شي
جهاد: كملت راهو تعالو وتو الصفرة وديرو السلايط
جواهر: باهي تو نديرهم
#Manar Ramadan
جنات: خيرة مهند مقعمز مع هديكة الفرخة
سمر: لانها حقيرة تتلصق عليه
هند: نقص ايدي من رقبتي كان مايطلع شي بينهم
جنات: باهي خلاص اسكتو
سهام: هي تعال كولو
جنات: هي نوضو تو مهند يشك ان في شي تحتنا
.... وناضو
#Manar Ramadan
"كملو ماكلة جنات وسمر وهند خشو لدار قعمزو فاها وعبد الله وولادة وكناينة ف دار وجهاد وزين ومهند راقدين"
#Manar Ramadan
البنات ف الدار
حلا واسمهان ف مكان والتلاتي المرح ف مكان
جنات: خيرك انتي واياها شن تتهامسو
اسمهان: منقولوش ف شي مهم نخرفو وخلاص لو تبي تعالي شاركينا
جنات: اني جنات نشارك الهدرزة مع كرنج زيكم؟
هند وسمر: اووووو
اسمهان: تم زي متحبي.... وطلعت حلا لحقتها
اسمهان: حلا حولي عني متلحقينيش
حلا ولت للدار
حلا: تريحتو.... شن دارتلكم البنت باش هكي منافسينها شادة خيرها وشرها وهي يتيمة ومعندها حد
هند: ترا فكينا من مشاعرك الي بلا لزمة
حلا: استغفر الله😒
#Manar Ramadan
مهند: كنت راقد فجآة صحيت علي صوت بكي
طلعت نتبع ف الصوت لقيتها اسمهان تبكي بعبرتها
مهند: خيرك تبكي
اسمهان: شي
مهند: اني قتلك خيرك تبكي
اسمهان: جنات مش مخليتني ف حالي كل مرة تسمع فيا كلمة😭
مهند عصب: به تو نوريها🤬
اسمهان: لالا مهند خلاص فوتها
مهند: انتي مدخلكش.... ومشي لدار الي فيها البنات... جنات تعالي نبيك شوية... وطلع
سمر: اكيدة بيعترفلك
جنات: فرحت انشاء الله... وطلعت لقت مهند برا
مهند: اني مبيتش نهزبك ونحرجك قدام لبنات لكن مازال تتعرضي لاسمهان ب كلمة وحدة حتشوفي شي مايعجبك
جنات انصدمت: ادافع عليها؟
مهند: هادا موضوع يهمني اني
جنات: المفروض ادافع عليا اني... خطيبتك ولا نسيت ان جدي من زمان يقول مهند لحنات وجنات لمهند واحني المفروض نمشو علي هادا الاساس
مهند: اسمعي يابنت.... اني حدرتك وبالنسبة لموضوع الخطبة مالخطبة مش حيصير منها
جنات: تمام تو نشوفو كلمة من بتمشي
مهند: قصري لسانك احسن مانقطعهوالك
جنات سكتت ومشت خشت داخل
#Manar Ramadan
حلا: قصدك من جد معبرتيها المتخلفة هادي انتي طيبة زياة راك لو كان اني نمشي نهبكلها فم كبدها نخليها تسكت غصبا عنها
اسمهان: عارفتيني منحبش المشاكل وديما ف حالي
حلا: لكن احيانا الشاكل هما الي مفروض يمشو... لكن مهند رباها
اسمهان: مهند؟.. شن. دارلها
حلا: اول مانداها فرحت تحسابة يحبها المسكينة
اسمهان بلوية بوز: وهو يحبها؟
حلا: جدي زمان شكلة متكلم فيه الموضوع.... طبعا اني لحقتهم وسمعتها اتقولة اني خطيبتك ومشي هو هزبها وقاللها الدوة هادي مش صاير منها 😂
#Manar Ramadan
جنات تبكي
هند: خلاص اسكتي اني متاكدة جدي حيجوزك ليه
سمر: تو نوريها الكلبة اليوم ياني ياهيا ف الدنيا
هند: ريحي روحك تو مهند يقتلك
جنات: اسكتو معادش تزيدوني 😭
#Manar Ramadan
"ف الليل ضمو حوايجهم وروحو للحوش واول ماوصلو"
مهند كانت راكبة معاه ميلودة واسمهان... ولما وصلو ميلودة نزلت مهند قعد يشوف لاسمهان راقدة زي الملاك ملامحها البرئة والقزن باين ف ملامح وجهها... بعدين فطم علي روحه
مهند: اسمهان!!!
تسمهان ناضت: ها خيرك
مهند: انزلي وصلنا
اسمهان نزلت اتمتم: مبردة هالمنكد
مهند لما سمعها ابتسم... اسمهان ركبت لدارها دوشت
#Manar Ramadan
مهند اني من نوعي منحبش انتخر ف الشغل ف اول ماصلت فتحت الابتوب ف كنت نبي وراق نزلت لمكتب جدي الي ميحبش حد يخشلا الا اني ولما نزلت فتت من جنب الصالة... وسمعت😳🤬
#Manar Ramadan
اسمهان: كنت نتفرج ع الحفرة ف الابتوب فجآة سمعت صوت.... 😳
يتبع 💕
لو عجبتكم تفاعلو ولو ما عجبتكمش حتى هو تفاعلو لان مش حينقص من عمرك... وتشاو👋🏻❤
أنت تقرأ
حب بنكهة المشاكل❤
Romanceلو كنتم من الناس الي تحب تاخد بالنصائح ننصحكم بالرواية 😁هادي ابداااع 🔥
