يُغريك هذا النور بي لا تقترب
نارٌ أنا في موطنٍ رثٍ خَرِب
لو كنتَ تحسبُني بلادًا إنّنِي
مَنفَى إذا منْهُ اقتربتَ ستغترب
أوْ كنت تحسبُني هدوءً ما أنا
إلا الهياج فلو دنوت ستضطرب
مساء الخير حبايبي ....
....................
المشهد الاول ،
: ترا مو بس ابوي الي يسوي هاي الاعمال كل السياسيين .
:ما يهمني لا ابوك ولا كل الناس الي يهمني انت .
:ما اكدر اعوف ابوي وحده .
:وانا ما اكدر اتقبل حياتكم افهمني .
:ليش تبيعين شرفيات براسي! تردين تقنعيني اهلج فلوسهم واملاكهم حلال؟ كل هل املاك وهل فلوس الي يملكونها كلها حلال وما خالطوها بالحرام؟
باوعتله مصدومه من كلامه درت وجهي باوعت للمحيط دمعت عيوني ورجعت باوعتله مشيت وكفت كدامه نزعت الحلقه ومديت ايدي سحبت ايده وحطيتها بيده وسديتها باوعت بعيونه :
مستحيل اكمل حياتي ويه شخص ما يحترم ويقدر اهلي ولا يحترمني ويتهمهم اتهامات حتى يطلع نفسه بريء ، مستعده استغني عن العالم بس العائله مستحيل احد يعوضها .
درت وجهي ومشيت وهو ضل ينادي بأسمي كملت طريقي بدون ما التفت ليورا ....
.....................
المشهد الثاني ،
واكفه منصدمه من كلام خالتي معقول اكو ناس بهاي القسوه هاي و هي خالتي و اخت امي و المفروض مثل امي ،
كالت كلامها او السم شمرته على مسامعي و طلعت مالحكت استوعب الكلام و سمعت صريخ بغرفة ماما
ركضت الها كلشي جان مثل الحلم طلبت تشوف اختي ههههه جانت ناسيه اسماء بناتها ومتتذكرهن ،
جبت اختي و رجعت يمها وبعدها كلشي انتهى من ذكرت اسمه ....
.................
المشهد الثالث ،
فزيت من صفنتي على رنت الموبايل باوعت للمتصل ورديت وانا كُلي شوق الهن :
حبيبتي شلونكم ؟
اجاني صوتها وهي تشهك وتبجي وبالكوه ينفهم منها الكلام :
الحكينيييي اهلي ماتوووو .
كمت وكفت مصدومه مجاي استوعب الي كالته رديت ب انكسار :
شدتكولين مستوعبه انتِ!
ما حصلت رد بس شهكات و وراها انگطع الصوت ....
...................
المشهد الرابع ،
تقدم عليه حسبالي راح يحضني ويهون علي جروحي بس رفع ايده وضربني وحجى بقهر :
ادبسز سگط شلون تدليهم مكانهههه فهمنييي شلون .....
عصرررت راسي احاول انساهن بس ماكو فايده مثل امس هاي الاحداث كانوا امس كلامه يرن ب اذني كانوا امس حجى :
لوميت ولا غادرني هيج من يومك چلب وما تمشي بشوري .
رجع عليه يخنكني ويخزر بيه وعيونه دم :
تتنصت مو! شلون عرفت انا خاطف احد وندليت المكان! اذا ما اربيك من جديد
تطعن بأبوك مو!
عافني طحت بالكاع اكح جسمي كله يأذيني باوعت لامي اريدها تقترب وتمسد على ظهري ردتها توخره وتجي تحضني مثل ما تحضن اخواني بس للأسف اكتفت تباوع من بعيد
كمت وكفت اريد امشي رجع ضربني وطحت بالكاع فاقد ....
...................
المشهد الخامس ،
باوعتله شلون كاعد بكل صلافه و يهدد رديت بثقه :
تهديدكم ولعب الجهال ميخوفه ل حمي الدين ومراح يخوف بنته .
: الي عليه اوصل المضمون وانتِ توصلي للقاضي حمي الدين .
طلع من جيبه ثلاث رصاصات وحطهن على الطاوله وطلع ....
...................
المشهد السادس ،
قبل أيام شفتك
وشمحله كشختك
شكد حلوه ضحكتك
يمن فدوه رحتلك
قبل أيام بستك
وبيديه حضنتك
مالحكت اودعك
يالغالي يالغالي خسرتك
صوت الاغنية يجي من غرفتها فتحت الباب بسرعة عيوني تدورها لكيتها كاعدة بالارض وحاضنة رجليها وتهز بجسمها وهي تستمع للاغنية ،
مشيت بسرعه سحبت التلفون طفيته فزت من صفنتها كامت وكفت تحاول تاخذ التلفون حتى تكمل سماع الاغنية بعدته عنها و حجيت بقهر :
لج اكعدي والله لوما بي اشياء مهمه جان كسرته .
تحاول تجره مني و تشهك و تحجي :
جيبي التلفون مالج علاقه بيه .
:منين اجالج الحيل هذا وخري .
:جيبي التلفون ليش تسدينه .
:ولج وخريي من يمي .
بالكوه بعدتها وشمرت التلفون فوك الكنتور ضلت تخزرني اجت تريد تدفعني لويت ايدها وصرت ورا ظهرها :
اصحي على روحج تعبج اذاني وتعبني حيلي راح ويا حيلج .
:شسوووي فهميني شسوووي شبيدي تردوني اعيش طبيعي ليش هي خسارتهم هينه !
....................
حبايبي ان شاء الله عن قريب كلش راح نبلش تنزيل شوفوني تفاعلكم على هاي المشاهد ..
شاركوني توقعاتكم ..
لاتنسون التصويت حبايبي ...
بقلم : زينب .
أنت تقرأ
سيفين
Mystery / Thrillerبِينَ المَرض و العَلاجَ بِينَ الحُب و الكُره بِينَ الجَشع و الرِضَا بِينَ المَاضِي و الحَاضِر تدور حياة ابطالنا......... قصه من نبض المجتمع ، احداث واقعيه ، الم نابع من مواقف حقيقه ، موت ، الم ، خيانه ، غدر ، روح معذبه ، ايام مضلمه .....
