وتبسَّمتْ فبَدَتْ ملامحُ وجهها
كضياء بدرٍ قد أنارَ سمَاءَهُ
لكأنَّها نبعٌ تكاملَ صفوُهُ
يَشْفي العليلَ إذا تجرَّعَ ماءَهُ
صباح الخير .
....................................
النفس يضيك بيه احاول اخذ نفس بس ما اكدر استدركت للوضع الي انا بيّ شي محطوط على راسي ويضغطون عليها حتى ينكطع نفسي ،
جاهدة مُحاولة حتى انقذ نفسي من الموقف الي انا بي رفعت ايدي ادفع المخده عن راسي وارفس برجلي سرعان ما انشالت المخدة وكعدت على حيلي اتنفس سريع
احس الهوا صار ميدخل بريئتي بشكل كافي صرت اكح بقوة
وامرر ايدي صعوداً ونزولاً لركبتي ، اتجهت نضراتي على حس صوت ضحكاتها
حجيت بصوت تعبان بالگوه ينسمع :
اكو واحد يسوي هل سوايه السخيفة ؟
شمرت المخدة على جربايتي وراحت كعدت على جربايتها باوعتلي وكالت :
صار ساعتين اصيح يمعوده يا ام الغيره تاخرتي وراج دوام ماكو وانتِ فاصلة عن العالم فگلت خلي نغير روتين شنو يوميه ذابه عليج ماي؟
: حسابج ثگل حيل وارده الج بطريقتي .
: يااا سوي خير وذب بالشط .
رفعت راسها الثانية من جربايتها باوعت ماعاجبها الوضع :
شنو هاي اصواتكم من الصباحيات متخلون واحد ينام شلون اهج خوما اهج .
: هجي انتِ وهاي الثولة حتى ارتاح منكم .
حجيتها وكمت من الجرباية دخلت غسلت وطلعت نزلت جوا للحديقة اتمشى الهبطة احسها بعدها ببالي مكدرت اتخطاها احس گلبي لحد هسه ضرباته مو منتظمة ضليت احجي عليها بداخلي ،
وكفت يم المسبح صفنت على نقاء الماي وانعكاس السما عليّ ما احس الا حصلتلي دفعة وطحت بي طلعت راسي من الماي وضليت بوسط المسبح اشوف منو صاحب المسخرة هاي مسحت وجهي باوعتلها صحت بيها :
اريد افهم ماتتوبين ؟ يعني قبل شويه خنكتيني هسه تردين تغركيني شمسويتلج؟ماخذه ورثج؟ ماكله عشاج؟ شبيج شهل تصرفات شنو اصغر منج؟هازه كاروگي؟
واكفه على حافة المسبح ضحكت و حجت :
شبيج شفتج ماغسلتي عدل و وراج سباحة فگلت اختصرها عليج .
: مايصير بس انا اسبح شنو رأيج تجين؟
مالحكت ترد الا وأن حصلت هي هم دفعة طيحتها بالمسبح بعد ما تسللت خلفها و دفعتها طيحتها بالمسبح .
تركتها وطلعت من المسبح وهي ضلت تتعارك وياها وكفت اباوعلهم واستمع لمناگرهن
: شنو بس انتِ حلال عليج تطيحيها و تخربين يومها من الصبح ؟
: روحي منا اذا ماكول لبابا عليج بسيطة .
باوعتلها هزيت ايدي و درت وجهي مشيت بعيد عنهم داخله للبيت صحت بصوت شويه عالي :
أنت تقرأ
سيفين
Mystery / Thrillerبِينَ المَرض و العَلاجَ بِينَ الحُب و الكُره بِينَ الجَشع و الرِضَا بِينَ المَاضِي و الحَاضِر تدور حياة ابطالنا......... قصه من نبض المجتمع ، احداث واقعيه ، الم نابع من مواقف حقيقه ، موت ، الم ، خيانه ، غدر ، روح معذبه ، ايام مضلمه .....
