سيفين

الأُحْجِيَّة الثَانِيةَ

‏إنّيْ أَرى فوقَ النِّساءِ جمالَها
‏وأرى تُقاها فوقَ كلِّ فتاةِ
‏ويَجُولُ في ذهني سؤالٌ واحدٌ
‏إنْ ما خَلَوتُ عن الجميعِ بذاتي
‏هل كان في شِبْهِ الجزيرةِ مثلها
‏أم أنَّها نَزَلَتْ مِنَ الجنَّاتِ!!

صباح الخير .

...................................

عيوني مغوشه و احس جسمي اتكسر من الكرسي بالگوه حافظت على وعيي وانا افتح و اسد بعيوني على امل تتوضح الرؤيه و اخيرًا وضحت وكدرت اشوف ،

جانت الارض عباره جام مكسر و الكراسي كلها مشموره منا و منا و ابن المتوفي بالگوه لازمينه الامن يصرخ من كل گلبه بس احنه شكو شنو ذنبنه نتأذه ؟

هذا يومه و هنا حياته تنتهي الدكاتره حاولوا بكل طريقة يعرفوها انُ يبقى كدام عيون ابنه بس هذا يومه و قضاء الله و قدرة .

سديت عيوني بوجع و الالم اخذني فتحتهن على صوت تاج تسأل بقلق و خوف :

لونار انتي زينه ؟

ابتسمت بسخريه و رديت :

كلش زينه بحيث شوفيني حتى مابيه اكوم .

عقچت وجها بخوف على لوم و حجت :

اسفه اسفه كله بسبي انا گتلج تجين .

من شفت خوفها ضحكت :

اتشاقه وياج بس ايدي شوي تعورني لتخافين .

: گومي تعاي خل اساعدج نروح نشوف شبيها ايدج .

مدت ايدها لزمتها و گمت وياها اتقدمنه خطوتين مبتعدين عن الهوسه والصياح الي مازال يُطرب على مسامعنه و سمعت صوته يسأل بخوف و غضب :

لونار خوما تاذيني ؟

درت وجهي عنه وحجيت وانا ابتعد ويه تاج :

مابيه شي بس ايدي  .

مشى ورانه و سأل :

شبيها ؟

جاوبته تاج :

هذا الحمار شمر عليها كرسي هنوب هي لا بيها و لا عليها و حصلت ضربه شبيها هاي الناس يمته تفتهم الموت قضاء و قدر .

: لاتلومينهم مفجوعين ب ابوهم مهما يكون يضل ابوهم و يعز عليهم فراگه .

حجيت بسخريه :

يعني عاجبك الي سووا ب المستشفى و عاجبتك حالتي ؟

: لا ابد والله مو عاجبني بس لازم هم نعذرهم اكو من الصدمه ما يعرفون شنو يسوون .

: تمام لبيب ناس مصدومه ما گلنه شي بس مو هيج يتصرفون والله شنو مصدومين يجون يطلعون حركة كلبهم بالكادر الطبي ؟؟ لو يفلشون الاجهزة الطبية وتالي يصيحون والله المستشفيات ماتوفر اجهزة زينه؟ لو الخدمات بيها موزينه؟